Administrator
Administrator
കുരിയാര്‍കുറ്റി-കാരപ്പാറ അഴിമതിക്കേസ് നാലാഴ്ചത്തേക്ക് മാറ്റി
Administrator
Monday 18th July 2011 3:50pm

muringoor caseന്യൂദല്‍ഹി :  കുരിയാര്‍ കുറ്റി കാരപ്പാറ അഴിമതിക്കേസില്‍ നിന്നും വിചാരണയ്ക്ക് മുന്‍പേ മന്ത്രി ടി.എം ജേക്കബിനെയും ഏഴു കൂട്ടുപ്രതികളെയും ഒഴിവാക്കിയ ഹൈക്കോടതി നടപടിക്കെതിരെ സംസ്ഥാന സര്‍ക്കാര്‍ നല്‍കിയ ഹരജി സുപ്രീംകോടതി നാലാഴ്ചത്തേക്ക് മാറ്റി. മുന്‍ ഇടതുസര്‍ക്കാര്‍ ആണ് ഇത് സംബന്ധിച്ച ഹരജി സുപ്രീംകോടതിയില്‍ നല്‍കിയിരുന്നത്. ഈ കേസില്‍ ടി.എം ജേക്കബിന് വേണ്ടി ഹാജരായിക്കൊണ്ടിരുന്ന അഭിഭാഷക ബീന മാധവന്‍, ഭരണം മാറിയതോടെ സര്‍ക്കാര്‍ അഭിഭാഷകയായി മാറി. തനിക്കായി പുതിയ അഭിഭാഷകയെ നിയമിക്കാന്‍ സമയം അനുവദിക്കണമെന്ന ടി.എം ജേക്കബിന്റെ ആവശ്യം അനുവദിച്ചുകൊണ്ടാണ് കേസ് പരിഗണിക്കുന്നത് കോടതി മാറ്റിയത്.

ടി.എം ജേക്കബ് ജലസേചന മന്ത്രിയായിരുന്ന കാലത്ത് കുരിയാര്‍കുട്ടികാരപ്പാറ ജലസേചന പദ്ധതിയില്‍ മൂലത്തറ കനാല്‍ നിര്‍മ്മാണത്തിന് കരാറുകാരന് അധികമായി പണം അനുവദിച്ചതു വഴി സര്‍ക്കാരിന് 57 ലക്ഷം രൂപ നഷ്ടമുണ്ടായി എന്നതായിരുന്നു അഴിമതിക്കേസ്. രേഖകളെല്ലാം പരിശോധിച്ചതിന് ശേഷമായിരിക്കണം പ്രതികള്‍ കുറ്റക്കാരോ അല്ലയോ എന്ന് തീരുമാനിക്കേണ്ടത്. എന്നാല്‍ വിചാരണയ്ക്ക് മുമ്പ് തന്നെ ആരോപണ വിധേയരായവരെ കുറ്റവിമുക്തരാക്കിയിരിക്കുകയാണ്. ഈ നടപടി ശരിയല്ലെന്നും ഈ സാഹചര്യത്തില്‍ വിജിലന്‍സ് കോടതിയില്‍ ജേക്കബടക്കം എട്ട് പേരെയും വിചാരണ ചെയ്യണമെന്നുമാവശ്യപ്പെട്ടാണ് സംസ്ഥാന സര്‍ക്കാര്‍ സുപ്രീംകോടതിയെ സമര്‍പ്പിച്ചത്.

പ്രതിയായി ആരോപിക്കപ്പെടുന്നയാള്‍ മന്ത്രിയായും പ്രതിഭാഗം വക്കീല്‍ സര്‍ക്കാര്‍ വക്കീലായും മാറുന്നതോടെ കേസ് തന്നേ അട്ടിമറിക്കപ്പെടുന്ന അവസ്ഥയാണ്.

Advertisement