Administrator
Administrator
‘രാജ്യത്തെ തകര്‍ക്കാന്‍ ശ്രമിക്കുന്നവന്റെ തല തങ്ങള്‍ തകര്‍ക്കും’
Administrator
Wednesday 12th October 2011 8:31pm

kranthisenaന്യൂദല്‍ഹി: ‘രാജ്യത്തെ തകര്‍ക്കാന്‍ ശ്രമിക്കുന്നവന്റെ തല തങ്ങള്‍ തകര്‍ക്കും’ ദല്‍ഹി സുപ്രീം കോടതിയിലെ തന്റെ ചേംബറില്‍ വെച്ച് മുതിര്‍ന്ന അഭിഭാഷകനായ പ്രശാന്ത് ഭൂഷണെ ആക്രമിച്ച ശേഷം ഭഗത്സിങ് ക്രാന്തി സേനയെന്ന സംഘടന തങ്ങളുടെ ഫേസ്ബുക്ക് വാളില്‍ പോസ്റ്റ് ചെയ്തത വാചകങ്ങളാണിത്. we hit prashant bhushan hard in his chamber in supreme court.if u willt ry to break my nation,i will break ur heads… എന്നാണ് ഫേസ്ബുക്ക് വാളിലെ പോസ്റ്റ്.

തൊട്ട് മുമ്പായി കൊടുത്തിരിക്കുന്ന പോസ്റ്റില്‍ വ്യക്തമാക്കിയിരിക്കുന്നത് ‘ഞങ്ങളുടെ ലക്ഷ്യം പൂര്‍ത്തിയാക്കാന്‍ ദൈവം ഞങ്ങള്‍ക്ക് ശക്തി തരും’ എന്നാണ്. ഫേസ്ബുക്ക് വാളില്‍ നല്‍കിയിരിക്കുന്ന പോസ്റ്റുകളില്‍ ഭൂരിഭാഗവും കാശ്മീരിലെ സൈനിക നിയമം എടുത്ത് മാറ്റുന്നതിനെതിരെയുള്ളതാണ്. മാവോയിസ്റ്റുകളില്‍ നിന്നും കാശ്മീര്‍ തീവ്രവാദികളില്‍ നിന്നും സൈന്യം നേരിടുന്ന ആക്രമങ്ങളുടെ വാര്‍ത്തകളും ചിത്രങ്ങളും നല്‍കിയിട്ടുണ്ട്.

ഇന്റര്‍ നെറ്റ് വഴിയാണ് ഭഗത് സിംഗ് ക്രാന്തി സേന പ്രധാനമായും ആശയങ്ങള്‍ പ്രചരിപ്പിക്കുന്നത്. തെജിന്ദര്‍ പാല്‍ സിങ് ബെഗ്ഗയെന്നയാളുടെ നേതൃത്വത്തില്‍ നടക്കുന്ന ഈ കാംപെയിന്‍ സംഘം പ്രത്യക്ഷ പ്രവര്‍ത്തനം നടത്തുന്നത് നേരത്തെ റിപ്പോര്‍ട്ട് ചെയ്യപ്പെട്ടിട്ടില്ല.

ആക്രമണം നടന്ന ശേഷം തേജിന്ദര്‍ ട്വിറ്ററില്‍ പോസ്റ്റ് ചെയ്തത് ഇപ്രകാരമാണ്: അയാള്‍ രാജ്യത്തെ തകര്‍ക്കാന്‍ ശ്രമിച്ചു, ഞാന്‍ അയാളുടെ തല തകര്‍ക്കാന്‍ ശ്രമിച്ചു. എല്ലാവര്‍ക്കും അഭിനന്ദനങ്ങള്‍, ഓപറേഷന്‍ പ്രശാന്ത് ഭൂഷണ്‍ വിജയിച്ചു’.

Advertisement