എഡിറ്റര്‍
എഡിറ്റര്‍
കെ.പി.സി.സി പുന:സംഘടനാ ചര്‍ച്ച മാറ്റിവെച്ചു
എഡിറ്റര്‍
Monday 20th August 2012 9:10am

ന്യൂദല്‍ഹി: ഇന്ന് നടക്കാനിരുന്ന കെ.പി.സി.സി പുന:സംഘടനാ ചര്‍ച്ചകള്‍ നീട്ടിവെച്ചു. ഔദ്യോഗിക തിരക്കുകള്‍ മൂലം മുഖ്യമന്ത്രി ഉമ്മന്‍ ചാണ്ടി ദല്‍ഹി സന്ദര്‍ശനം മാറ്റിവെച്ചതാണ് ചര്‍ച്ചകള്‍ നീട്ടിവെക്കാന്‍ കാരണം. കെ.പി.സി.സി പ്രസിഡന്റ് രമേശ് ചെന്നിത്തല ഇന്ന് ദല്‍ഹിയിലേക്ക് പോകുമെങ്കിലും പുന:സംഘടനയുമായി ബന്ധപ്പെട്ട ചര്‍ച്ച നടക്കില്ലെന്നാണ് ദല്‍ഹി വൃത്തങ്ങളില്‍ നിന്നും ലഭിക്കുന്ന സൂചന.

Ads By Google

കേരളത്തില്‍ തയ്യാറാക്കിയ ലിസ്റ്റുമായി ദല്‍ഹിയില്‍ ചര്‍ച്ചകള്‍ പുനരാരംഭിക്കാനാണ് സംസ്ഥാന നേതൃത്വം ലക്ഷ്യമിട്ടത്. ഹൈക്കമാന്റിന്റെ അംഗീകാരത്തോടെ 22ന് പുതിയ ഭാരവാഹി പട്ടിക പുറത്തിറക്കാനും തീരുമാനിച്ചിരുന്നു.
ഓണത്തിന് ശേഷമേ പുന:സംഘടനാ ചര്‍ച്ചകള്‍ നടക്കൂ എന്നാണ് പുതുതായി ലഭിക്കുന്ന വിവരങ്ങള്‍.
അതേസമയം, ഡി.സി.സി സ്ഥാനങ്ങള്‍ സംബന്ധിച്ചുള്ള തര്‍ക്കങ്ങളും രൂക്ഷമാകുന്നുണ്ട്. 7:7 എന്ന അനുപാതത്തില്‍ നേരത്തേ തന്നെ പ്രധാന ഗ്രൂപ്പുകളായ എ ഗ്രൂപ്പും ഐ ഗ്രൂപ്പും നേരത്തേ എത്തിയിരുന്നു. എന്നാല്‍ എറണാകുളം, കണ്ണൂര്‍ ജില്ലകള്‍ വേണമെന്ന ഇരുഗ്രൂപ്പുകളുടേയും ആവശ്യമാണ് തര്‍ക്കങ്ങള്‍ക്ക് കാരണം. കൊല്ലം ജില്ല വിട്ടുനല്‍കാന്‍ ഐ ഗ്രൂപ്പ് തയ്യാറായെങ്കിലും ഇതിന് എ ഗ്രൂപ്പ് തയ്യാറല്ലയെന്നുമാണ് അറിയുന്നത്.

അതേസമയം, പുന:സംഘടനാ ചര്‍ച്ചകള്‍ നീളുന്നതിന് കാരണം മുഖ്യമന്ത്രിയുടെ അനാസ്ഥയാണെന്ന ആരോപണവും ഉയരുന്നുണ്ട്.

Advertisement