Administrator
Administrator
എം.എല്‍.എ മാര്‍ കൂടുതല്‍ ജാഗ്രത പാലിക്കണമെന്ന് കെ.പി.സി.സി
Administrator
Thursday 21st July 2011 12:49pm

തിരുവനന്തപുരം: നിയമസഭയില്‍ എം.എല്‍.എമാര്‍ കൂടുതല്‍ ജാഗ്രത കാണിക്കണമെന്ന് കെപിസിസി നിര്‍ദേശം . കെ.പി.സി.സി പ്രസിഡന്റ് രമേശ് ചെന്നിത്തലയാണ് ഇക്കാര്യം അറിയിച്ചത്.

കഴിഞ്ഞദിവസമുണ്ടായ സംഭവങ്ങളുടെ പശ്ചാത്തലത്തിലാണ് കെ.പി.സി.സിയുടെ പുതിയ നിര്‍ദേശം. ഇന്നലെ ധനകാര്യബില്ലിന്റെ വോട്ടെടുപ്പ് വേളയില്‍ രണ്ട് എം.എല്‍.എമാര്‍ പുറത്തുപോയതിനാല്‍ വോട്ടെടുപ്പ് കുറച്ചുനേരം വൈകിയിരുന്നു. എം.എല്‍.എമാരെ സഭയിലെത്തിച്ച ശേഷമാണ് വോട്ടെടുപ്പ് നടന്നത്.

ഇതില്‍ പ്രതിഷേധിച്ച് പ്രതിപക്ഷം സഭ ബഹിഷ്‌കരിക്കുകയും ഗവര്‍ണറെ കാണുകയും ചെയ്തിരുന്നു. പാര്‍ട്ടിക്കാര്യങ്ങള്‍ മാധ്യമങ്ങളിലൂടെ വിളിച്ചു പറയുന്ന നേതാക്കള്‍ക്കെതിരേ കര്‍ശനമായ നടപടി സ്വീകരിക്കുമെന്നും ചെന്നിത്തല പറഞ്ഞു.

Advertisement