Administrator
Administrator
സംവിധായകയായി സിമ്രാന്‍
Administrator
Wednesday 13th April 2011 3:34pm

simran,thamilactres simranകുറച്ചുകാലം സിനിമയില്‍ നിറഞ്ഞുനില്‍ക്കുകയും വിവാഹശേഷം സിനിമയെ പാടേ ഉപേക്ഷിക്കുകയും ചെയ്യുക എന്ന ട്രന്റാണ് നടിമാരില്‍ കുറച്ചുമുന്‍പ് വരെ കണ്ടത്. എന്നാല്‍ സിനിമയില്‍ നിന്ന് വിട്ടുപോയി കുറച്ചുകാലത്തിനുശേഷം ഭാവപകര്‍ച്ചയോടെ സിനിമയില്‍ എത്തിച്ചേരുന്ന നടികളെയാണ് ഈയിടെ നാം കാണുന്നത്. തമിഴകത്തിലെ സിമ്രാനും ഇക്കൂട്ടത്തിലേക്കെത്തുകയാണ്.

1990കളില്‍ കോളിവുഡില്‍ സ്ഥിരസാന്നിധ്യമായിരുന്ന സിമ്രാന്റെ മടങ്ങിവരവ് സംവിധായകയുടെ വേഷത്തിലാണ്. ബോളിവുഡില്‍ അടുത്തിടെ സൂപ്പര്‍ഹിറ്റായ ഒരു ചിത്രത്തിന്റെ റീമേക്കിലൂടെയാണ് സിമ്രാന്‍ സംവിധായകയാവുന്നത്. എന്നാല്‍ ഇതുസംബന്ധിച്ച കൂടുതല്‍ വിവരങ്ങള്‍ വെളിപ്പെടുത്താന്‍ സിമ്രാന്‍ തയ്യാറായില്ല.

ഒരു ചിത്രം സംവിധാനം ചെയ്യുക എന്നത് തന്റെ ദീര്‍ഘകാലമായുള്ള അനുഭവമാണ്. അതാണിവിടെ സഫലമാകാന്‍ പോകുന്നതെന്ന് സിമ്രാന്‍ പറഞ്ഞു. ചിത്രത്തിന്റെ സ്‌ക്രിപ്റ്റ് ഒരുക്കുന്ന തിരക്കിലാണ് നടിയിപ്പോള്‍. ധാരാളം ഹിറ്റ് സിനിമകളില്‍ അഭിനയിച്ച തനിക്ക് പ്രേക്ഷകരുടെ ആവശ്യം എന്താണെന്ന് അറിയാം. എല്ലാ വിഭാഗം പ്രേക്ഷകരേയും തൃപ്തിപ്പെടുത്തുന്ന ഒരു സിനിമയായിരിക്കും ഇതെന്നും സിമ്രാന്‍ ഉറപ്പ് നല്‍കുന്നു.

വിജയ്, അജിത്, മാധവന്‍്, കമല്‍ഹാസന്‍, വിജയകാന്ത് തുടങ്ങിയവരുടെ നായികയായി ഒട്ടേറെ ഹിറ്റ് ചിത്രങ്ങളില്‍ സിമ്രാന്‍ വേഷമിട്ടിരുന്നു. എന്നാല്‍ വിവാഹശേഷം സിമ്രാന്‍ അഭിനയത്തോട് വിടപറയുകയായിരുന്നു.

Advertisement