Categories

സിറിയന്‍ സമാധാനദൗത്യത്തില്‍ നിന്നും കോഫി അന്നന്‍ പിന്മാറി

ദമാസ്‌കസ്: സിറിയന്‍ പ്രശ്‌നപരിഹാരത്തിനുള്ള ദൗത്യത്തില്‍ നിന്നും യു.എന്‍ പ്രതിനിധി കോഫി അന്നന്‍ പിന്മാറി. സമാധാനപരമായ പ്രശ്‌നപരിഹാരത്തിന് ശ്രമിക്കാന്‍ ഐക്യരാഷ്ട്രസഭയും അറബ് ലീഗും സംയുക്തമായായിരുന്നു കോഫി അന്നനെ നിയോഗിച്ചത്.

Ads By Google

എന്നാല്‍ തനിയ്ക്ക് പദവിയില്‍ തുടരാന്‍ താത്പര്യമില്ലെന്ന് അദ്ദേഹം അറിയിച്ചതായി യു.എന്‍. സെക്രട്ടറി ജനറല്‍ ബാന്‍ കി മൂണ്‍ ആണ് വെളിപ്പെടുത്തിയത്.

സിറിയയില്‍ സമാധാനം പുനസ്ഥാപിക്കാനുള്ള തീവ്രശ്രമത്തിലായിരുന്നു കോഫി അന്നന്‍. എന്നാല്‍ ആഭ്യന്തരയുദ്ധം തുടര്‍ന്നതോടെ സമാധാന ശ്രമങ്ങള്‍ വിഫലമായി. ഈ സാഹചര്യത്തില്‍ പദവിയില്‍ തുടരാന്‍ താല്‍പര്യമില്ലെന്ന് അന്നന്‍ അറിയിക്കുകയായിരുന്നു.

അതിനിടെ, സിറിയയിലെ വാണിജ്യനഗരമായ അലെപ്പോയില്‍ വിമാനത്താവളത്തിനുനേരേ വിമതര്‍ ആക്രമണം നടത്തിയതായി റിപ്പോര്‍ട്ടുണ്ട്. സൈന്യത്തില്‍ നിന്ന് പിടിച്ചെടുത്ത യുദ്ധടാങ്ക് ഉപയോഗിച്ചാണ് മിനാ വ്യോമത്താവളത്തിനുനേരേ ആക്രമണം നടത്തിയതെന്ന് വിമത കമാന്‍ഡര്‍മാര്‍ പറഞ്ഞു.

ഏകാധിപത്യവിരുദ്ധസമരം ആഭ്യന്തരയുദ്ധമായി മാറിയ അറബ് രാജ്യമായ സിറിയയില്‍ കഴിഞ്ഞദിവസം വിമതര്‍ക്കെതിരെ നടന്ന രണ്ട് സൈനിക നടപടികളിലായി 70 പേര്‍ കൊല്ലപ്പെട്ടതായാണ് റിപ്പോര്‍ട്ട്.

സൈന്യം വീടുവീടാന്തരം കയറിയിറങ്ങി ആളുകളുടെ തിരിച്ചറിയല്‍ രേഖകള്‍ വാങ്ങിച്ചുനോക്കി തിരഞ്ഞുപിടിച്ചാണ് കൊലകള്‍ നടത്തിയതെന്ന് മനുഷ്യാവകാശ പ്രവര്‍ത്തകര്‍ ആരോപിച്ചു. അതേസമയം, അലെപ്പോയിലെ തന്ത്രപ്രധാനമായ സലാഹദീന്‍ മേഖലയില്‍ സൈന്യം കനത്ത പീരങ്കിയാക്രമണം നടത്തി.

അലെപ്പോയിലെ പോരാട്ടത്തില്‍ വിമതസേനയ്ക്കാണ് മേല്‍ക്കൈയെന്ന് ബി.ബി.സി. റിപ്പോര്‍ട്ട് ചെയ്തു. ‘വിമോചിത മേഖല’യുടെ ആസ്ഥാനമായി അലെപ്പോയെ മാറ്റാനുള്ള ഒരുക്കത്തിലാണ് അവര്‍. അതേസമയം, വിമതസേനയുടെ പ്രവര്‍ത്തനങ്ങളും മനുഷ്യാവകാശ സംഘടനകളുടെ കടുത്ത വിമര്‍ശനത്തിന് ഇടയാക്കുന്നുണ്ട്.

Tagged with: |


‘ഹേ ഗൂഢാലോചനക്കാരെ നിങ്ങള്‍ക്ക് സഖാവിനെ കൊല്ലാനാവും, പക്ഷേ ചതി കൊണ്ട് തോല്‍പ്പിക്കാനാകില്ല’; ആശുപത്രിക്കിടക്കയില്‍ നിന്ന് കൈചുരുട്ടി മുദ്രാവാക്യം വിളിച്ച് ഉമ്മന്‍ ചാണ്ടിയുടെ നാട്ടുകാരി

കോട്ടയം: കേരളം ആകാംഷയോടെയായിരുന്നു ലാവ്‌ലിന്‍ കേസിലെ ഹൈക്കോടതി വിധിയ്ക്ക് കാത്തിരുന്നത്. ഒടുവില്‍ മുഖ്യമന്ത്രി പിണറായി വിജയന്‍ കുറ്റവിമുക്തനാണെന്ന കോടതി പ്രഖ്യാപിച്ചു. പിണറായിയുടെ വിജയത്തില്‍ പാര്‍ട്ടിക്കാരായവരും അല്ലാത്തവരുമൊക്കെ ആഹ്ലാദിച്ചു. എന്നാല്‍ അവരില്‍ നിന്നെല്ലാം വ്യത്യസ്തയായ ഒരാള്‍ ഉണ്ടായിരുന്നു അതും മുന്‍ മുഖ്യമന്ത്രി ഉമ്മന്‍ചാണ്ടിയുടെ മണ്ഡലമാ

‘എത്രയെത്ര വാര്‍ത്താബോംബുകള്‍ പൊട്ടിച്ചിട്ടുണ്ട് പഹയന്‍മാരേ നിങ്ങള്‍.!; ധൈര്യമുണ്ടോ ആ വാര്‍ത്തകളൊക്കെ ഒന്നുകൂടി തനിച്ചിരുന്നു കേള്‍ക്കാന്‍ ?’; ലാവ്‌ലിന്‍ വിധിയില്‍ മാധ്യമങ്ങളോട് ടി.എം ഹര്‍ഷന്‍

കോഴിക്കോട്: ലാവ്‌ലിന്‍ കേസില്‍ മുഖ്യമന്ത്രി പിണറായി വിജയനെ കുറ്റവിമുക്തനാക്കി കൊണ്ടുള്ള വിധി ശരിവെച്ച ഹൈക്കോടതി വിധിയില്‍ പ്രതികരണവുമായി മാധ്യമ പ്രവര്‍ത്തകനായ ടി.എം ഹര്‍ഷന്‍.'പ്രമുഖ' ചാനലുകളിലെ പ്രമുഖറിപ്പോര്‍ട്ടര്‍മാര്‍ ചാനല്‍ ലൈബ്രറികളിലേയ്ക്ക് ചെല്ലണം. ഫയലില്‍ 'ലാവലിന്‍' എന്ന് സേര്‍ച്ച് ചെയ്താല്‍ പഴയ വാര്‍ത്തകള്‍ അടപടലേ ഇടിഞ്ഞുവീണുകിട്ടും. ഓരോന്നും കണ്ടുന