Categories

കൊച്ചി സ്മാര്‍ട്‌സിറ്റിക്ക് ഏക സെസ്സിന് അംഗീകാരം

ന്യൂദല്‍ഹി: കൊച്ചി സ്മാര്‍ട്‌സിറ്റിക്ക് ഒറ്റ സെസ്സിന് അംഗീകാരം. കേന്ദ്ര സെസ് അപ്രൂവല്‍ ബോര്‍ഡാണ് അംഗീകാരം നല്‍കിയത്. സ്മാര്‍ട്‌സിറ്റി പദ്ധതി പ്രദേശത്തിന് ഒറ്റ സെസ് പദവി അനുവദിക്കണമെന്നാവശ്യപ്പെട്ട് സംസ്ഥാന സര്‍ക്കാര്‍ സമര്‍പ്പിച്ചിരുന്ന ആദ്യ അപേക്ഷ സെസ് അപ്രൂവല്‍ ബോര്‍ഡ് നേരത്തെ തള്ളിയിരുന്നു.

Ads By Google

ഒറ്റ സെസ് ലഭിച്ചാല്‍ മാത്രമേ സ്മാര്‍ട് സിറ്റി പദ്ധതിയുമായി മുന്നോട്ട് പോകൂ എന്ന് ടീകോം നേരത്തേ വ്യക്തമാക്കിയിരുന്നു. നേരത്തെ പ്രഖ്യാപിച്ച 53 ഹെക്ടര്‍ സ്ഥലത്തോടു ചേര്‍ന്ന് 46 ഹെക്ടര്‍ സ്ഥലം കൂടി ഉള്‍പ്പെടുത്തിയാണ് ഇപ്പോള്‍ ഒറ്റ സെസ് പ്രഖ്യാപിച്ചിരിക്കുന്നത്.

കടമ്പയാര്‍ പുഴ രണ്ടായി വിഭജിക്കുന്നുവെന്നു ചൂണ്ടിക്കാട്ടിയായിരുന്നു നേരത്തേ ഒറ്റ സെസ്സിനുള്ള കേരളത്തിന്റെ അപേക്ഷ തള്ളിയത്. ഇരു പ്രദേശത്തെയും ബന്ധിപ്പിച്ച് കടമ്പയാറിനു കുറുകെ പാലം നിര്‍മിക്കാമെന്ന കേരളത്തിന്റെ നിര്‍ദേശം ബോര്‍ഡ് അംഗീകരിക്കുകയായിരുന്നു.

പദ്ധതിക്ക് സെസ് പദവി ലഭിച്ചതോടെ ഇതുവരെ നിലനിന്നിരുന്ന എല്ലാ ആശങ്കകളും മാറി. സ്മാര്‍ട് സിറ്റിയുടെ ഓഫീസ് കൊച്ചിയില്‍ ആരംഭിക്കുമെന്ന് ദുബായില്‍ ചേര്‍ന്ന ഡയറക്ടര്‍ ബോര്‍ഡ് യോഗത്തില്‍ നേരത്തേ വ്യക്തമാക്കിയിരുന്നു.

ആറ് മാസത്തിനുള്ളില്‍ ഓഫീസില്‍ മുഴുവന്‍ സമയ സി.ഇ.ഒ യെ നിയമിക്കാനും ടി.കോം സി.ഇ.ഒ അബ്ദുല്‍ ലത്തീഫ് അല്‍ മുല്ലയെ സ്മാര്‍ട്‌സിറ്റിയുടെ പൂര്‍ണ ചുമതല ഏല്‍പ്പിക്കാനും യോഗത്തില്‍ തീരുമാനിച്ചിരുന്നു. അഞ്ചര വര്‍ഷത്തിനുള്ളില്‍ സ്മാര്‍ട് സിറ്റി പദ്ധതി പൂര്‍ത്തിയാക്കാനാണ് പദ്ധതി.

Tagged with:


‘പൂ നല്‍കി സ്വീകരിച്ചവര്‍ കുറച്ച് കഴിയുമ്പോള്‍ എന്നെ എങ്ങനെ പിടിച്ചു പുറത്താക്കാം എന്നായിരിക്കും ആലോചിക്കുക’; താന്‍ പിന്തുടരുന്ന മാധ്യമ ധര്‍മ്മങ്ങളെ കുറിച്ച് അര്‍ണബിന്റെ തള്ള് ഇങ്ങനെ

ന്യൂദല്‍ഹി: മാധ്യമ ധര്‍മ്മത്തെ കുറിച്ച് മുതിര്‍ന്ന പല മാധ്യമ പ്രവര്‍ത്തകരും പറയുന്നത് നാം കേട്ടിട്ടുണ്ട്. മാധ്യമങ്ങള്‍ക്ക് മൂല്യച്ഛുതി സംഭവിച്ചു കൊണ്ടിരിക്കുകയാണെന്ന് ആരോപണമുയരുന്ന ഈ കാലത്ത് മാധ്യമധര്‍മ്മത്തെ കുറിച്ച് വീണ്ടും വീണ്ടും പറയേണ്ടതുമുണ്ട്. എന്നാല്‍ മാധ്യമ ധര്‍മ്മത്തേയും മാധ്യമ പ്രവര്‍ത്തകന്റെ കര്‍ത്തവ്യത്തേയും കുറിച്ച് റിപ്പബ്ലിക് ചാനലിന്റെ മേ