doctors
കൊച്ചി: സര്‍ക്കാര്‍ മെഡിക്കല്‍ കോളജ് ഡോക്ടര്‍മാര്‍ നടത്തി വന്ന സമരം പിന്‍വലിച്ചു. കെ ജി എം സി ടി എ സെന്‍ട്രല്‍ എക്‌സിക്യുട്ടീവ് യോഗത്തിലാണ് തീരുമാനം. ഡോക്ടര്‍മാരുടെ പൊതു വികാരം മാനിച്ചാണ് സമരം പിന്‍വലിച്ചതെന്നും എന്നാല്‍ സ്വകാര്യ പ്രാക്ടീസ് നിരേധിച്ചതിലുള്ള പ്രതിഷേധം നിലനില്‍ക്കുന്നുവെന്നും കെ ജി എം സി ടി എ അറിയിച്ചു. സ്വകാര്യ പ്രാക്ടീസ് ഓപ്ക്ഷണലായി നിലനിര്‍ത്തണം. ഡോക്ടര്‍മാരുടെ തീരുമാനം സ്വാഗതാര്‍ഹമാണെന്ന് ആരോഗ്യമന്ത്രി പി കെ ശ്രീമതി അറിയിച്ചു. ഡോക്ടര്‍മാരുടെ സ്ഥലം മാറ്റം റദ്ദാക്കുമെന്നും ശ്രീമതി അറിയിച്ചു.
സമരം സംബന്ധിച്ച് ഡോക്ടര്‍മാരുടെ സംഘടനയില്‍ ആശയപരമായ ഭിന്നതയുണ്ടായിരുന്നതായി സംഘടന നേതാക്കള്‍ അറിയിച്ചു.