Categories
boby-chemmannur  

കാന്തപുരത്തിന്റെ കേരള യാത്ര: റിയാദില്‍ വിപുലമായ പ്രവര്‍ത്തന പദ്ധതികള്‍

റിയാദ്: മാനവികതയെ ഉണര്‍ത്തുന്നു  എന്ന ശീര്‍ഷകത്തില്‍ ഏപ്രില്‍ 12 മുതല്‍ 28 വരെ കാസര്‍ഗോഡ് മുതല്‍ തിരുവനന്തപുരം വരെ അഖിലേന്ത്യാ സുന്നി ജംഇയ്യത്തുല്‍
ഉലമ ജനറല്‍ സെക്രട്ടറി കാന്തപുരം എ.പി അബൂബക്കര്‍ മുസ്ലിയാര്‍ നടത്തുന്ന കേരളയാത്രയുടെ ഭാഗമായി പ്രാവസി സമൂഹത്തില്‍ നടത്തുന്ന കാമ്പയിന് റിയാദില്‍ വിപുലമായ കമ്മിറ്റി നിലവില്‍ വന്നു. ഐ.സി.എഫ്, ആര്‍.എസ്.സി സംഘടനകളുടെ സംയുക്താഭിമുഖ്യത്തിലുള്ള സെട്രല്‍ എക്‌സിക്യുട്ടീവ് കൗണ്‍സിലാണ് നിലവില്‍ വന്നത്.

മാനവികതയെ ഉണര്‍ത്തുന്നു  എന്ന പ്രമേയം ഉയര്‍ത്തിപ്പിടിക്കുന്ന സന്ദേശം പ്രാവസ സമൂഹത്തില്‍ എത്തിക്കും വിധം വ്യവസ്ഥാപിതവും ചിട്ടയാര്‍ന്നതുമായ പ്രചാരണ പരിപ
ാടികള്‍ക്കാണ് രൂപം നല്‍കിയിരിക്കുന്നത്. പ്രഖ്യാപന സംഗമം, സാംസ്‌കാരിക പ്രമുഖര്‍ സംബന്ധിക്കുന്ന മാനവിക സദസ്, സെമിനാര്‍, സന്ദേശ യാത്ര, ഏരിയകളില്‍ കുടുംബ സദസുകള്‍, എമിനെന്റ്‌സ് മീറ്റ്, ഡോക്യുമെന്ററി പ്രദര്‍ശനം, കൊളാഷ് പ്രദര്‍ശനം, ഐക്യദാര്‍ഢ്യ സമ്മേളനം, മെഡിക്കല്‍ ക്യാമ്പ്, രക്തദാന ക്യാമ്പ്, ലേബര്‍ക്യാമ്പുകളിലും ജയിലുകളിലും മറ്റും ദുരിതമനുഭവിക്കുന്നവര്‍ക്ക് ആവശ്യമായ ആശ്വാസമെത്തിക്കുക തുടങ്ങി നിരവധി കര്‍മ്മ പദ്ധതികളാണ് കമ്മിറ്റി ആസൂത്രണം ചെയ്തിട്ടുള്ളത്.

നിസാര്‍ കാട്ടില്‍ (ചെയര്‍മാന്‍), ഇഹ്തിഷാം തലശ്ശേരി (വൈ. ചെയര്‍മാന്‍), അബ്ദുല്‍ ബാരി പെരിമ്പലം (ജനറല്‍ കണ്‍വീനര്‍), ബഷീര്‍ മാസ്റ്റര്‍ നാദാപുരം (ജോ. കണ്‍വീനര്‍),
കോടമ്പുഴ കോയ ഹാജി (പബ്ലിസിറ്റി), അബ്ദുസലാം വടകര (സപ്ലിമെന്റ്), ശുക്കൂര്‍ അലി ചെട്ടിപ്പടി (മീഡിയ), അബ്ദുറസാഖ് മാവൂര്‍ (ചാനല്‍) എന്നിവരെ തിരഞ്ഞെടുത്തു.
ചടങ്ങില്‍ ഐ.സി.എഫ് വൈ. പ്രസിഡണ്ട് കോയ ഹാജി കോടമ്പുഴ അദ്ധ്യക്ഷത വഹിച്ചു. അബ്ദുല്‍ സലാം വടകര സ്വാഗതവും അബ്ദുല്‍ ബാരി പെരിമ്പലം നന്ദിയും പറഞ്ഞു.

കൈമോശം വന്നുകൊണ്ടിരിക്കുന്ന നീതി ബോധത്തെയും സാമൂഹിക ബോധത്തേയും കുറിച്ച് ഓര്‍മപ്പെടുത്താനും, സുസ്ഥിരമായ ഭാവിക്ക് വേണ്ടി മലയാളി ജീവിതത്തെ സജ്ജമാക്കാനും ലക്ഷ്യമിട്ടാണ് കേരള യാത്ര നടത്തുന്നത്.

Malayalam news

Kerala news in English



നറുനീണ്ടിയും ആരോഗ്യവും

ആരോഗ്യപരിപാലനത്തിന് ആയുര്‍വേദം നിര്‍ദേശിക്കുന്ന പ്രധാന ഒഷധങ്ങളിലൊന്നാണ് നറുനീണ്ടി അഥവാ നന്നാറി. ആധുനിക കാലത്ത് പലരും മനപ്പൂര്‍വ്വം മറക്കുന്ന ഈ ഔഷധത്തിന്റെ ഗുണങ്ങളറിയേണ്ടേ? ത്വക് രോഗങ്ങള്‍ക്കും രക്തശുദ്ധിക്കുമുള്ള ഫലപ്രദമായ ഒറ്റമൂലിയാണ് നറുനീണ്ടി. വാതം, മൂത്രാശയ രോഗങ്ങള്‍, സിഫിലിസ് എന്നിവക്കുള്ള ഔഷധമായ നറുനീണ്ടി  ലൈംഗികശേഷി വര്‍ധിപ്പിക്കുവാനും ഉത്തമമാണ്. പിത്തജ്വരത്തിന് ചിറ്റമൃത്,രാമച്ചം,നറുനീണ്ടി, മുത്തങ്ങ, ചന്ദനം എന്നിവ ചേര്‍ത്തു കഷായമുണ്ടാക്കി തേനും പഞ്ചസാരയും മേമ്പൊടിച്ചേര്‍ത്ത് സേവിക്കുന്നത് ഗുണം ചെയ്യും. നറുനീണ്ടിക്കിഴങ്ങിന്റെ പുറംതൊലി കളഞ്ഞ് നല്ല പോലെ അരച്ച്് നെല്ലിക്കയുടെ വലിപ്പത്തില്‍ പശുവിന്‍ പാലില്‍ ചേര്‍ത്ത് തുടര്‍ച്ചയായി 21 ദിവസം കഴിച്ചാല്‍ മൂത്രക്കല്ലിന് ശമനമുണ്ടാകും. നറുനീണ്ടി പാല്‍ക്കഷായം വച്ച് ദിവസം രണ്ടു നേരം 25 മില്ലിലിറ്റര്‍ വീതം രണ്ടോ മൂന്നോ ദിവസം കുടിക്കുന്നത് മൂത്രസംബന്ധമായ അസുഖങ്ങള്‍ പരിഹരിക്കും. മൂത്രാശയക്കല്ല് അകറ്റാന്‍ നറുനീണ്ടി വേര് അരച്ച് പാലില്‍ ചേര്‍ത്ത് കഴിക്കുന്നത് നല്ലതാണ്. അസ്ഥിസ്രാവം, ചുട്ടുനീറ്റല്‍, വിഷം, ചൊറി, ചിരങ്ങ് തുടങ്ങിയവ അകറ്റാന്‍ നറുനീണ്ടി ഉത്തമ ഒഷധമാണ്. ചര്‍മ്മരോഗം, കുഷ്ഠം, രക്തദുഷ്ടി, സിഫിലിസ്, തേള്‍വിഷം എന്നിവക്ക് നറുനീണ്ടിയുടെ വേര് ഉണക്കിപ്പൊടിച്ച് പൊടി മൂന്നു ഗ്രാം വീതം രാവിലെയും വൈകിട്ടും കഴിക്കുകയോ കഷായം വെച്ചു കുട്ടിക്കുകയോ ചെയ്യുന്നത് ഗുണം ചെയ്യും. നറുനീണ്ടിയുടെ വേര് കഷായവും കല്‍ക്കവുമാക്കി വിധിപ്രകാരം നെയ്യ് കാച്ചി സേവിച്ചാല്‍ എലി കടിച്ചാലുണ്ടാകുന്ന അസുഖങ്ങള്‍ മാറും. നറുനീണ്ടി കിഴങ്ങ് കഴുകി വൃത്തിയാക്കി ഉണക്കി പൊടിച്ചത് തേങ്ങാ പാലില്‍ കലക്കി ഭക്ഷണത്തിനു ശേഷം കഴിക്കുന്നത് വയറു വേദനക്ക് പരിഹാരമാണ്. ഗര്‍ഭിണികളുടെ മോണിംഗ് സിക്‌നസ് മാറാന്‍ നറുനീണ്ടി സത്തു ചേര്‍ത്ത വെള്ളം കുടിക്കാം.

അത്‌ലറ്റിക്കോ ഡി കൊല്‍ക്കത്ത സ്വന്തമാക്കാനാകാത്തതില്‍ വിഷമമുണ്ട്: ഷാരൂഖ്ഖാന്‍

കൊല്‍ക്കത്ത: അത്‌ലറ്റിക്കോ ഡി കൊല്‍ക്കത്ത സ്വന്തമാക്കാനാകാത്തതില്‍ വിഷമമുണ്ടെന്ന് ബോളിവുഡ് സൂപ്പര്‍സ്റ്റാര്‍ ഷാരൂഖ്ഖാന്‍.മറ്റൊരു ടീമിനെ സ്വന്തമാക്കാന്‍ തന്റെ മനസ്സനുവദിക്കില്ല എന്നും ഷാരൂഖ് കൂട്ടിച്ചേര്‍ത്തു. 'ഞാന്‍ ഐ.എസ്.എല്ലിന്റെ ഭാഗമാകാന്‍ ഏറെ ആഗ്രഹിച്ചിരുന്നു നിര്‍ഭാഗ്യവശാല്‍ അതിനു കഴിഞ്ഞില്ല. കൊല്‍ക്കത്ത ടീമിനെ സ്വന്തമാക്കാന്‍ ഇനി കഴിയില്ല മറ്റൊരു ടീമിനെ സ്വന്തമാക്കാന്‍ എനിക്ക് കഴിയില്ല.' ഷാരൂഖ് പറഞ്ഞു. മറ്റു ടീമുകളില്‍ നിന്ന് ഓഫറുകള്‍ വന്നതാണ്. പക്ഷെ എനിക്കതിനു കഴിയില്ല. കൊല്‍ക്കത്ത ഫുട്‌ബോള്‍ ടീമിനെ സ്വന്തമാക്കാനായില്ലെങ്കില്‍ ജീവിതത്തില്‍ ഞാന്‍ ഫുട്‌ബോള്‍ കളിക്കില്ല അദ്ദേഹം പറഞ്ഞു. അതേ സമയം ഗാംഗുലിയെ അഭിനന്ദിക്കാനും ഷാരൂഖ് മറന്നില്ല. തന്നെക്കാള്‍ കൂടുതല്‍ ടീം അര്‍ഹിക്കുന്നത് ഗാംഗുലിയെ ആണെന്നും അദ്ദേഹത്തിനതു കഴിയും എന്നും ഷാരൂഖ് അഭിപ്രായപ്പെട്ടു. കൊല്‍ക്കത്തക്ക് വേണ്ടി ഫുട്‌ബോള്‍ കളിച്ചാല്‍ പിന്നെ മറ്റൊരു സിറ്റിക്ക് വേണ്ടിയും നമ്മള്‍ കളിക്കില്ല. എനിക്ക്‌ മുംബൈയും ദല്‍ഹിയുമൊക്കെ ഇഷ്ടമാണ് പക്ഷെ ഞാന്‍ പിന്‍താങ്ങുക കൊല്‍ക്കത്തയെ ആയിരിക്കമെന്നും ഷാരൂഖ് കൂട്ടിച്ചേര്‍ത്തു.

ഇന്ത്യന്‍ സൂപ്പര്‍ ലീഗ്: കേരള ബ്ലാസ്റ്റേഴ്‌സിന് ആദ്യജയം

പൂനെ: ഇന്ത്യന്‍ സൂപ്പര്‍ ലീഗ് ഫുട്‌ബോളില്‍ പൂനെ സിറ്റി എഫ്‌സിയെ പരാജയപ്പെടുത്തി കേരള ബ്ലാസ്റ്റേഴ്‌സിന് ആദ്യജയം. ഒന്നിനെതിരെ രണ്ടു ഗോളുകള്‍ക്കാണ് പൂനെ കേരളത്തിന് മുന്നില്‍ അടിയറവ് പറഞ്ഞത്. മത്സരത്തിന്റെ 15 ാം മിനിട്ടില്‍ പൂനെയുടെ  ഡേവിഡ് ട്രെസഗെയാണ് ആദ്യ ഗോള്‍ നേടിയത്. പിന്നീട് നടന്ന വാസിയേറിയ മത്സരത്തില്‍ 41 ാം മിനിറ്റിലാണ് കേരളം ഗോള്‍ നേടിയത്. പൂനെയിലെ ശിവ് ഛത്രപതി സ്റ്റേഡിയത്തില്‍ നടന്ന മത്സരത്തില്‍ മലയാളി താരം സബിത്തും ക്യാപ്റ്റന്‍ പെന്‍ ഓര്‍ജിയുമാണ് കേരളത്തിന് വേണ്ടി ഗോളുകള്‍ നേടിയത്. ഇതോടെ നാല് മത്സരങ്ങളില്‍ രണ്ട് പരാജയവും ഒരു വിജയവും ഒരു സമനിലയുമാണ് കേരള ബ്ലാസ്റ്റേഴ്‌സ് നേടിയത്. ഇതുവരെയുള്ള മത്സരങ്ങളില്‍ നിന്ന് നാലു പോയിന്റാണ് കേരളത്തിന്റെ സമ്പാദ്യം.

കോളിവുഡ് കീഴടക്കാന്‍ സംസ്‌കൃതി ഷേണായി

അസിന്‍, അമല പോള്‍, നയന്‍താര, ലക്ഷ്മി മേനോന്‍... തമിഴ്‌നാട്ടില്‍ ഭാഗ്യം തെളിഞ്ഞ മലയാളി നായികമാര്‍ അനവധിയാണ്. ഇക്കൂട്ടത്തിലേക്ക് ചേക്കേറുകയാണ് 'വേഗം' എന്ന ചിത്രത്തില്‍ വിനീത് കുമാറിന്റെ നായികയായെത്തിയ സംസ്‌കൃതി ഷേണായി. നവാഗതനായ സ്റ്റാലിന്‍ സംവിധാനം ചെയ്യുന്ന 'കാട'് എന്ന ചിത്രത്തിലൂടെയാണ് സംസ്‌കൃതി തമിഴില്‍ അരങ്ങേറ്റം കുറിക്കുന്നത്. 'എല്‍സമ്മ എന്ന ആണ്‍കുട്ടി'യില്‍ ആന്‍ അഗസ്റ്റിന്‍ അവതരിപ്പിച്ച കഥാപാത്രത്തെപ്പോലെ  പത്രം ഇടുന്ന പെണ്‍കുട്ടിയായാണ് സംസ്‌കൃതി സ്‌ക്രീനിലെത്തുന്നത്. 'നായകന്റെ നിഴല്‍ ആയി ഒതുങ്ങാത്ത ശക്തമായ നായികാ കഥാപാത്രത്തെയാണ് ചിത്രത്തില്‍ സംസ്‌കൃതി അവതരിപ്പിക്കുന്നത്. ജീവിക്കാനായി നിരവധി ജോലികള്‍ ചെയ്യുന്ന ഈ കരുത്തുറ്റ കഥാപാത്രം സംസ്‌കൃതിയുടെ കൈയില്‍ ഭദ്രമാണ്'- സംവിധായകന്‍ പറയുന്നു. 'മൈന' എന്ന സൂപ്പര്‍ ഹിറ്റ് തമിഴ് ചിത്രത്തിലൂടെ ശ്രദ്ധേയനായ വിദ്ധാര്‍ത്ഥാണ് ചിത്രത്തിലെ നായകന്‍. ദിനം പ്രതി നശിച്ചു കൊണ്ടിരിക്കുന്ന പ്രകൃതിയും വനനശീകരണവും പ്രമേയമാക്കി ഒരുക്കുന്ന സിനിമ പൂര്‍ണമായും ധര്‍മ്മപുരിയിലാണ് ചിത്രീകരിക്കുന്നത്. നിര്‍മ്മാതാവ് രഞ്ജിത്ത് ആദ്യമായി സംവിധാനം ചെയ്ത 'ബ്ലാക്ക് ബട്ടര്‍ഫ്‌ളൈ' എന്ന ചിത്രത്തിലൂടെയാണ് സംസ്‌കൃതി വെള്ളിത്തിരയിലെത്തിയത്. കെ.ജി അനില്‍ കുമാര്‍ സംവിധാനം ചെയ്ത 'വേഗം' എന്ന സിനിമയിലെ നായിക വേഷമാണ് താരത്തെ ശ്രദ്ധേയയാക്കിയത്.