Categories

സോഷ്യല്‍ മീഡിയകളുടെ നിയന്ത്രണത്തെ അനുകൂലിക്കുന്നു: മാര്‍ക്കണ്ഡേയ കട്ജു

kadjuന്യൂദല്‍ഹി : ഇന്റര്‍നെറ്റിലെ സോഷ്യല്‍ നെറ്റ് വര്‍ക്കിംഗ് സൈറ്റുകള്‍ക്ക് നിയന്ത്രണം ഏര്‍പ്പെടുത്തുന്നതിനോട് അനുകൂലിക്കുന്നതായി പ്രസ് കൗണ്‍സില്‍ ഓഫ് ഇന്ത്യയുടെ ചെയര്‍മാന്‍ മാര്‍ക്കണ്ഡേയ കട്ജു. സോഷ്യല്‍ നെറ്റ് വര്‍ക്കിംഗ് സൈറ്റുകളുടെ ഉള്ളടക്കം നിയന്ത്രിക്കുന്നത് സര്‍ക്കാര്‍ പരിഗണിക്കുമെന്ന് മാനവവിഭവശേഷി മന്ത്രി കപില്‍ സിബല്‍ കഴിഞ്ഞ ദിവസം പറഞ്ഞിരുന്നു.

തെറ്റായതും സമുദായങ്ങള്‍ക്കിടയില്‍ ഭിന്നത ഉളവാക്കുന്നതുമായ പരാമര്‍ശങ്ങള്‍ സൈറ്റുകളില്‍ ചേര്‍ക്കുന്നതുകൊണ്ടാണ് നിയന്ത്രണം ഏര്‍പ്പെടുത്തുന്നതെന്ന് കപില്‍ സിബല്‍ വിശദീകരിച്ചിരുന്നു. എന്നാല്‍ സര്‍ക്കാര്‍ വിരുദ്ധ പ്രചാരണത്തിന് ഇത്തരം സൈറ്റുകള്‍ ഉപയോഗിക്കുന്നതാണ് നിയന്ത്രണത്തിന് കാരണമെന്നും ആരോപണമുണ്ട്. എന്നാല്‍ നിന്ദ്യമായ പരാമര്‍ശങ്ങള്‍ ഉള്‍ക്കൊള്ളിക്കുന്നത് തടയാന്‍ നടപടി സ്വീകരിക്കുന്നതില്‍ തെറ്റില്ലെന്നാണ് മാര്‍ക്കണ്ഡേയ കട്ജു അഭിപ്രായപ്പെട്ടത്.

ഇത്തരം സൈറ്റുകളില്‍ ചില മതങ്ങളെ അവഹേളിക്കും വിധത്തിലുള്ള ചിത്രങ്ങളും മറ്റും ചേര്‍ക്കുന്നത് തന്റെ ശ്രദ്ധയില്‍ പെട്ടിട്ടുണ്ട്. മതത്തെ വ്രണപ്പെടുത്തുന്ന കാര്യങ്ങള്‍ മാത്രമല്ല ആളുകള്‍ തമ്മില്‍ പ്രകോപനം സൃഷ്ടിക്കുന്ന പരാമര്‍ശങ്ങളും സൈറ്റിലുണ്ട്. ഇത് നല്ല പ്രവണതയല്ല. മതങ്ങള്‍ക്കിടയിലും സമുദായങ്ങള്‍ക്കിടയിലും വിദ്വേഷം സൃഷ്ടിക്കുന്നത് ഇന്ത്യന്‍ ശിക്ഷാനിയമപ്രകാരം കുറ്റമാണെന്നും അദ്ദേഹം പറഞ്ഞു.

3 Responses to “സോഷ്യല്‍ മീഡിയകളുടെ നിയന്ത്രണത്തെ അനുകൂലിക്കുന്നു: മാര്‍ക്കണ്ഡേയ കട്ജു”

  1. jai

    നിലവില്‍ ഉണ്ടായ രാഷ്ട്രീയ സാഹചര്യങ്ങളില്‍ ഇത്തരം websitukal രാജ്യത്തു സര്‍ക്കാരിനെതിരെ ജനവികാരം ഉണ്ടാക്കുന്നതില്‍ വലിയ പങ്കു വഹിച്ചു എന്ന് മനസിലായപ്പോള്‍ മാധ്യമ സ്വാതന്ത്ര്യത്തിനു മൂക്കുകയറിടാനുള്ള ശ്രമമാണ് നടക്കുന്നത്.

  2. KP ANIL

    പത്രക്കാര്‍ എഴുതി വിടുന്നതും ന്യൂസ്‌ ചാനലുകള്‍ കാണിക്കുന്ന ചവര്‍ മാത്രം ആളുകള്‍ കണ്ടാല്‍ മതി അവരാരും പ്രതികരിക്കാന്‍ പാടില്ല ഒരു തവണ വോട്ട് ചെയ്തു കഴിഞ്ഞാല്‍ പിന്നെ 5 വര്ഷം ഒന്നും മിണ്ടാതെ ഈ പര നാറി രാഷ്ട്രിയക്കാര്‍ കാണിക്കുന്ന പെക്കുത്തുകള്‍ കണ്ടു ഒന്നും മിണ്ടാതിരിക്കാന്‍ ഭാരതിയര്‍ മുഴുവന്‍ മന്‍മോഹന്‍ സിംഗ് അല്ല.

  3. സതീഷ്

    മാര്‍ക്കണ്ഡേയ കട്ജു പറയുന്നതും ഒരിക്കല് നിരോധിക്കും അന്നും അഭിപ്രായം മാറ്റരുത് കട്ജു

LEAVE YOUR COMMENTS

Press ctrl+g to toggle between English and Malayalam.