തി­രുവനന്ത­പുരം: കോണ്‍­ഗ്ര­സിലെ ഉയരം­ കുറഞ്ഞ ചി­ലര്‍­ അടി­സ്ഥാ­നരഹി­തമാ­യ ആരോ­പണങ്ങളുന്നയി­ക്കുകയാ­ണെന്ന്­ കെ മുരളീ­ധ­രന്‍­. ഇനിയും താഴാന്‍ ബാക്കിയില്ല. എന്നിട്ടും അകാരണമായി വിമര്‍ശിക്കുന്നവര്‍ സ്വയം താഴുകയാണെന്നും അദ്ദേഹം പ­റഞ്ഞു.

ഒരാ­ളുടെ തെറ്റുകള്‍­ തി­രുത്താന്‍­ സഹാ­യി­ക്കുന്നതല്ല കോ­ണ്‍ഗ്രസി­ലെ ചി­ലരുടെ വാ­ക്കുകള്‍.­ നേതാക്കളുടെ ഭാഗത്ത് നിന്ന് അവഹേളിക്കുന്ന തരത്തിലുള്ള പ്രസ്താവനകള്‍ ഉണ്ടായാലും കാര്യമാക്കേണ്ടതില്ലെന്ന് തന്നോടൊപ്പമുള്ളവരോട് ആവശ്യപ്പെട്ടിട്ടുണ്ട്.

തന്റെ ഭാഗത്ത് നിന്നും തദ്ദേശ തെരഞ്ഞെടുപ്പില്‍ യു ഡി എഫിനെ ദുര്‍ബലപ്പെടുത്തുന്ന പ്രവര്‍ത്തന­ങ്ങള്‍ ഉണ്ടാ­കില്ല. തെരഞ്ഞെടുപ്പില്‍ തന്നേടാടൊപ്പമുള്ളവര്‍ കോണ്‍ഗ്രസിന് വേണ്ടി പ്രവര്‍ത്തിക്കും. എ ഐ സി സി ജനറല്‍ സെക്രട്ടറി മുഹ്‌­സീന കിദ്വായി തന്നോട് ആവശ്യപ്പെട്ടതും ഇതായിരുന്നു. നാളെ കോണ്‍ഗ്രസില്‍ എത്തേണ്ടവരെന്ന നിലയില്‍ മറിച്ചൊരു തീരുമാനമെടുക്കാന്‍ കഴിയില്ല.

മാര്‍ച്ച് എട്ടിന് ശേഷം കോണ്‍ഗ്രസില്‍ തിരിച്ചെടുക്കുന്നില്ലെങ്കില്‍ ഉപവസിക്കുമെന്ന നിലപാടില്‍ മാറ്റമില്ലെന്ന് മുരളിധരന്‍ പ­റഞ്ഞു. ജനപ്രി­യ എന്ന പുതി­യ ചാ­നലി­ന്റെ ഇന്‍­ഹൗ­സ്­ പ്രോ­ഗ്രാ­മില്‍­ മാധ്യമ പ്രവര്‍ത്തകരോട് സം­സാ­രി­ക്കുകയാ­യി­രുന്നു മുര­ളി­