Categories

ബ്രിട്ടാസിന്റെ രാജിക്ക് പിന്നില്‍ സി.പി.ഐ.എം വിഭാഗീയത

ന്യൂദല്‍ഹി: സി.പി.ഐ.എം നിയന്ത്രണത്തിലുള്ള കൈരളി ചാനലിന്റെ മാനേജിംഗ് ഡയരക്ടറും ന്യൂസ് എഡിറ്ററുമായ ജോണ്‍ ബ്രിട്ടാസ് രാജിവെച്ചു. വ്യക്തിപരമായ കാരണങ്ങളിലാണ് രാജിവെക്കുന്നതെന്നാണ് ബ്രിട്ടാസ് അറിയിച്ചത്. എന്നാല്‍ രാജിക്ക് സി.പി.ഐ.എം വിഭാഗീയതയുമായി ബന്ധമുണ്ടെന്നാണ് ലഭിക്കുന്ന വിവരങ്ങള്‍.

പാര്‍ട്ടി വിഭാഗീയ വിഷയങ്ങളില്‍ കൈരളിയും ബ്രിട്ടാസും പിണറായി വിജയന്റെ നേതൃത്വത്തിലുള്ള ഔദ്യോഗിക വിഭാഗത്തിനൊപ്പം ശക്തമായി ഉറച്ച് നില്‍ക്കുകയാണ് ചെയ്തിരുന്നത്. വി.എസ് വെറുക്കപ്പെട്ടവന്‍ എന്ന് പറഞ്ഞ ഫാരിസ് അബൂബക്കറുമായി ബ്രിട്ടാസ് നടത്തിയ അഭിമുഖം വിവാദമായിരുന്നു. മുഖ്യമന്ത്രിക്കെതിരെ പരസ്യവിമര്‍ശനമുന്നയിച്ചുകൊണ്ടുള്ളതായിരുന്നു ആ അഭിമുഖം.

എന്നാല്‍ അടുത്ത കാലത്തായി കൈരളി വാര്‍ത്തകള്‍ ഒരു വിഭാഗത്തോടും പക്ഷപാതിത്തം കാണിക്കാത്ത തരത്തിലായിരുന്നു . തിരഞ്ഞെടുപ്പുമായി ബന്ധപ്പെട്ട് കൈരളിയില്‍ മറ്റു ചാനലുകള്‍ തുടരുന്ന രീതിയില്‍ വി.എസ് അച്ച്യുതാനന്ദന് കൂടുതല്‍ പ്രധാന്യം നല്‍കുന്ന നിലയില്‍ വാര്‍ത്തകള്‍ വന്നു. പാര്‍ട്ടി ഔദ്യോഗിക വിഭാഗം ഇതിനെതിരെ രംഗത്ത് വന്നെങ്കിലും തന്റെ നിലപാടുമായി മുന്നോട്ട് പോവുകയായിരുന്നു ബ്രിട്ടാസ് ചെയ്തത്.

നേരത്തെ ഉള്‍പാര്‍ട്ടി കലാപങ്ങള്‍ മറ്റു ചാനലുകളില്‍ സ്ഥിരം വാര്‍ത്തയായപ്പോള്‍ അത്തരം വാര്‍ത്തകള്‍ക്ക് നേരെ കണ്ണടക്കുകയായിരുന്നു കൈരളിയും ചെയ്തിരുന്നത്. എന്നാല്‍ പിന്നീട് ഇത്തരം വാര്‍ത്തകള്‍ കൈരളിയും റിപ്പോര്‍ട്ട് ചെയ്യുന്ന സ്ഥിതിയുണ്ടായി. പാര്‍ട്ടിയില്‍ വളരെ നിര്‍ണ്ണായകമായ കാലഘട്ടമായിരുന്നു കഴിഞ്ഞ തിരഞ്ഞെടുപ്പ്. ഇടത് പ്രചാരണത്തില്‍ വി.എസ് ശ്രദ്ധാകേന്ദ്രമായതും അദ്ദേഹത്തിന്റെ പോസ്റ്ററുകള്‍ വ്യാപകമായതും കൈരളിയും മറ്റ് ചാനലുകളെപ്പോലെ തന്നെയാണ് റിപ്പോര്‍ട്ട് ചെയ്തത്. കൈരളിയുടെ പഴയ കാല റിപ്പോര്‍ട്ടിങ് രീതിയില്‍ നിന്ന് വ്യത്യസ്തമായിരുന്നു ഇത്.

പൊതുസമൂഹത്തില്‍ വി.എസിന് ലഭിച്ച സ്വീകാര്യത സി.പി.ഐ.എം ഗ്രൂപ്പ് സമവാക്യത്തെ പോലും മാറ്റിയ സാഹചര്യത്തില്‍ കൈരളിയുടെ ഇന്നത്തെ നിലപാട് അംഗീകരിക്കാനാവില്ലെന്ന് ഔദ്യോഗികപക്ഷം ഉറച്ച നിലപാടിലാണ്. ഈ സാഹചര്യത്തില്‍ ഔദ്യോഗിക പക്ഷത്തിന്റെ ശക്തമായ സമ്മര്‍ദത്തെ തുടര്‍ന്നാണ് രാജി. കൈരളിയിലെ ചാനലിന്റെ ഉള്ളില്‍ തന്നെ ചിലരുമായി ബ്രിട്ടാസിനുള്ള അഭിപ്രായ വ്യത്യാസങ്ങളും രാജിക്ക് കാരണമായിട്ടുണ്ട്.

അതേസമയം കൈരളിയിലെ തന്റെ ദൗത്യം പൂര്‍ത്തീകരിച്ചതായും ചില സംരഭങ്ങള്‍ മനസ്സിലുണ്ടെന്നും അതേ കുറിച്ചുള്ള ആലോചനയിലാണെന്നും ബ്രിട്ടാസ് വ്യക്തമാക്കി. കൈരളിയിലെ ക്വസ്റ്റ്യന്‍ ടൈം, ചാറ്റ് ഷോ എന്നീ ജനകീയ പരിപാടികള്‍ അവതരിപ്പിച്ചിരുന്നത് ബ്രിട്ടാസ് ആയിരുന്നു.

ഈ മാസം 19ന് തിരുവനന്തപുരത്ത് ചേര്‍ന്ന സി.പി.ഐ.എം സെക്രട്ടറിയേറ്റ് യോഗം ബ്രിട്ടാസിന് സ്ഥാനമൊഴിയാന്‍ അനുമതി നല്‍കുകയായിരുന്നു. പകരം പുതിയ എം.ഡിയെ കണ്ടെത്താന്‍ സി.പി.ഐ.എം സംസ്ഥാന സെക്രട്ടറി പിണറായി വിജയനെ ചുമതലപ്പെടുത്തുകയും ചെയ്തു.

കൈരളിയുടെ മാനേജിങ് ഡയറക്ടര്‍ മാത്രമല്ല എഡിറ്ററും കൂടിയായിരുന്നു ബ്രിട്ടാസ്. ക്വസ്റ്റ്യന്‍ ടൈം, ചാറ്റ് ഷോ എന്നീ പരിപാടികള്‍ ചെയ്തിരുന്നത് ബ്രിട്ടാസായിരുന്നു. അദ്ദേഹം സ്ഥാനമേല്‍ക്കുമ്പോള്‍ കൈരളി നഷ്ടത്തിലേക്കു കൂപ്പുകുത്തുന്ന നിലയിലായിരുന്നു. പിന്നീടു പീപ്പിള്‍, വീ ചാനലുകള്‍ കൂടി കൈരളി ആരംഭിച്ചു. തിരുവനന്തപുരത്തു കൈരളിക്കു സ്വന്തമായി ആസ്ഥാനമന്ദിരം നിര്‍മ്മിച്ചു.

3 Responses to “ബ്രിട്ടാസിന്റെ രാജിക്ക് പിന്നില്‍ സി.പി.ഐ.എം വിഭാഗീയത”

  1. Ashif Azeez

    വി.എസ് ന്റെ മാധ്യമ synidicate ഇലേക് ഒരാള്‍ കൂടി

  2. mv

    പിണറായ്‌ യെ ഇടതുപക്ഷ നിന്നും ഒയിവകാന്‍ സമയം എന്നെ കയിഞ്ഞിരികുന്നു

  3. kunhammedkoorachundu

    മമ്മുട്ടിയും ബ്രിട്ടാസും ചേര്‍ന്ന് ദേശിയ ആഗോള തലത്തില്‍ ആധുനിക സങ്കേതങ്ങള്‍ ഉപയോഗിച്ച് പുതിയ ചാനല്‍ തുടങ്ങുന്നു എന്ന് വാര്‍ത ;;
    നടന്‍ ഭരത് മമ്മൂട്ടി പുതിയ “ബിഗ് ബജറ്റ്’ ചാനലുമായി വരുന്നു. ഇതിന് മുന്നോടിയായി കൈരളി ചാനല്‍ ചെയര്‍മാന്‍ പദവി അദ്ദേഹം ഉടന്‍ ഒഴിയും. അഞ്ചുരാജ്യങ്ങളില്‍ നിന്ന് സംപ്രേഷണം നടത്തുന്ന ബഹുരാഷ്ട്രകമ്പനിയായാണ് ചാനല്‍ ആരംഭിക്കുന്നത്. അടുത്തുതന്നെ പുതിയ ചാനല്‍ സംബന്ധിച്ച് അറിയിപ്പുണ്ടാകുമെന്നാണ് സൂചന. 3 ജി സംവിധാനം ഉപയോഗപ്പെടുത്തി ഒരേ സമയം വാര്‍ത്തയും വിനോദവും അടക്കമുള്ള ചാനലുകളാണ് ഒരുങ്ങുന്നത്. അടുത്തിടെ കൈരളി വിട്ട ജോണ്‍ബ്രിട്ടാസിനായിരിക്കും പുതിയ ചാനലിന്റെ പ്രധാന ചുമതല. ദക്ഷിണേന്ത്യയില്‍ നിന്നോ ഡല്‍ഹിയില്‍ നിന്നോ ഒരു വര്‍ഷത്തിനകം സംപ്രേഷണം ആരംഭിക്കാനാണ് പദ്ധതി. സ്റ്റാര്‍, സി.എന്‍.എന്‍ മാതൃകയിലുള്ള ചാനലാണ് അണിയറയില്‍ തയ്യാറാകുന്നത്. പുതിയ ചാനല്‍ സംബന്ധിച്ച ചര്‍ച്ചകള്‍ക്കും അന്വേഷണങ്ങള്‍ക്കുമായി മമ്മൂട്ടി ഇപ്പോള്‍ അമേരിക്കയിലാണ്. വിവിധ ഭാഷകളിയും ഇംഗ്ലീഷിലും ഒരേ സമയം സംപ്രേഷണം ചെയ്യുന്ന ന്യൂ മീഡിയ സാങ്കേതിക വിദ്യ പ്രയോജനപ്പെടുത്തിയുള്ള ചാനലായിരിക്കും മമ്മൂട്ടിയുടെ നേതൃത്വത്തില്‍ രാജ്യത്തിന് ലഭിക്കുക. സി.പി.എം നിയന്ത്രണത്തിലുള്ള മലയാളം കമ്യൂണിക്കേഷന്‍സിന്റെ ചെയര്‍മാനായി ചാനല്‍ തുടക്കം മുതല്‍ മമ്മൂട്ടി ചുമതല വഹിച്ചുവരികയായിരുന്നു ;;കൈരളി പദവികള്‍ ബ്രിട്ടാസ്‌ ഉപേക്ഷിച്ചത് പൂര്‍ണ്ണ പാര്‍ടി സംമാധതോടെയാണ് ;;
    അതുകൊണ്ട് തന്നെ ദേശിയ രാഷ്തൃയത്തിലും ബ്രിട്ടസിണ്ടേ പുതിയ ചാനല്‍ ചുമതല ഗൌരവ മേരിയതാണ് ‘
    തമിഴ് ബംഗാളി ഹിന്ദി ഭാഷകളില്‍ ചാനല്‍ പ്രവര്‍ത്തനം ഉണ്ടാവും ;;

LEAVE YOUR COMMENTS

Press ctrl+g to toggle between English and Malayalam.