Categories

Headlines

സിഗ്നല്‍ തെറ്റിച്ച മന്ത്രിയുടെ കാര്‍ തടഞ്ഞ പോലീസ് ഉദ്യോസ്ഥന് മര്‍ദനം

ശ്രീനഗര്‍: ജമ്മുകാശ്മീരില്‍ മന്ത്രിയുടെ കാര്‍ തടഞ്ഞ ട്രാഫിക് പോലീസ് കോണ്‍സ്റ്റബിളിന് ക്രൂരമര്‍ദനം. ശ്രീനഗറിലെ ലാല്‍ ചൗക്കിലാണ് സംഭവം.

ട്രാഫിക് സിഗ്നല്‍ തെറ്റിച്ചത് ചോദ്യം ചെയ്ത കോണ്‍സ്റ്റബിളിനെ നടുറോഡില്‍ മന്ത്രിയുടെ അംഗരക്ഷകര്‍ ക്രൂരമായി മര്‍ദിക്കുകയായിരുന്നു.

Ads By Google

ജമ്മുകാശ്മീര്‍ ജലവിഭവമന്ത്രി താജ് മൊയ്ഹുദ്ദീന്റെ അംഗരക്ഷകരാണ് അക്രമം നടത്തിയത്. ആക്രമണത്തില്‍ ഇടത്‌ കണ്ണിന്‌ ഗുരുതരമായി പരിക്കേറ്റ സബ് ഇന്‍സ്‌പെക്ടര്‍ മോഹന്‍ലാലിനെ ആശുപത്രിയില്‍ പ്രവേശിപ്പിച്ചു.

റെഡ് സിഗ്നല്‍ തെറ്റിച്ച് കടന്നുപോകാന്‍ ശ്രമിക്കുന്നതിനിടെയാണ് മന്ത്രിയുടെ കാര്‍ ട്രാഫിക് പോലീസ് തടഞ്ഞത്. നിയമം എല്ലാവര്‍ക്കും ഒരുപോലെയാണെന്നും മുഖ്യമന്ത്രി ആണെങ്കിലും നിയമം പാലിക്കണമെന്നും മോഹന്‍ലാല്‍ പറഞ്ഞു.

തുടര്‍ന്ന് കാറിലുണ്ടായിരുന്ന മന്ത്രിയുടെ അനുയായികള്‍ റോഡിലേക്കിറങ്ങിവന്ന് ഇയാളെ ക്രൂരമായി മര്‍ദിക്കുകയായിരുന്നെന്നാണ് ദൃക്‌സാക്ഷികള്‍ പറയുന്നത്.

ട്രാഫിക് ഡ്യൂട്ടിയിലുണ്ടായിരുന്ന സബ് ഇന്‍സ്‌പെക്ടര്‍ക്കും മന്ത്രിയുടെ അനുയായികളുടെ മര്‍ദനമേറ്റിട്ടുണ്ട്. അതേസമയം, സംഭവത്തേക്കുറിച്ച് തനിക്ക് യാതൊരു അറിവുമില്ലെന്നാണ് മന്ത്രിയുടെ വിശദീകരണം. സിഗ്നല്‍ തെറ്റിച്ചതിന്റെ പേരില്‍ കാര്‍ തടഞ്ഞിരുന്നെന്നും മറ്റ് അനിഷ്ടസംഭവങ്ങളൊന്നും ഉണ്ടായിട്ടില്ലെന്നും മന്ത്രി പറഞ്ഞു.



താജ്മഹല്‍ ആയുധമാക്കി രാജ്യത്തെ വര്‍ഗീയമായി വിഭജിക്കാനാണ് സംഘപരിവാര്‍ നീക്കം;നൂറ്റാണ്ടുകളായി വിസ്മയിപ്പിച്ചുകൊണ്ടിരിക്കുന്ന താജ്മഹല്‍ തന്നെ അജണ്ടക്ക് ഇരയാകുന്നത് ദുരന്തമാണെന്നും തോമസ് ഐസക്ക്

തിരുവനന്തപുരം: അടുത്ത പാര്‍ലമെന്റ് തിരഞ്ഞെടുപ്പിന് മുമ്പ് താജ്മഹല്‍ മുന്‍ നിര്‍ത്തി രാജ്യത്തെ വര്‍ഗ്ഗീയമായി വിഭജിക്കാനാണെന്ന് സംഘപരിവാര്‍ സംഘടനകളുടെ നീക്കമെന്ന് സംശയിക്കേണ്ടിയിരിക്കുന്നെന്ന് ധനമന്ത്രി ഡോ: തോമസ് ഐസക്ക്.ബാബറി മസ്ജിദ് തകര്‍ത്തത് ഒരു ദീര്‍ഘകാല പദ്ധതിയുടെ തുടക്കമായിരുന്നു എന്നും. ദേശവിദേശങ്ങളിലെ നാനാജാതിമതസ്ഥരായ സഞ്ചാരപ്രേമികളും സൌന്ദര്യാരാധ