Categories

കമല്‍ ചിത്രത്തില്‍ ജയറാം പ്രവാസി

ഒരു വ്യാഴവട്ടത്തിന് ശേഷം ജയറാമും കമലും വീണ്ടും ഒന്നിക്കുന്നു. പേരിടാത്ത ഈ ചിത്രത്തില്‍ ഒരു പ്രവാസി മലയാളിയായാണ് ജയറാമെത്തുന്നത്.

വര്‍ഷങ്ങളോളും മരുഭൂമിയില്‍ പണിയെടുത്തശേഷം അജയചന്ദ്രന്‍ നായര്‍ ജന്മനാട്ടിലേക്ക് മടക്കിയെത്തുന്നു. എന്നാല്‍ നാട്ടിലെത്തിയ അജയചന്ദ്രന് സ്വപ്‌നംകണ്ടതുപോലെ ഒരു സുഖകരമായ ജീവിതം നയിക്കാന്‍ കഴിയാതെവരുന്നു. ചിത്രത്തിന്റെ പേര് ഇതുവരെ തീരുമാനിച്ചിട്ടില്ല. സംവൃത സുനിലാണ് നായിക.

ഇന്നസെന്റ്, ജഗതി, സലിംകുമാര്‍ തുടങ്ങിയവരാണ് മറ്റു പ്രധാന താരങ്ങള്‍. ചിത്രത്തിന്റെ ഷൂട്ടിംഗ് ആഗസ്റ്റ് ഒന്നിന് തൊടുപുഴയില്‍ ആരംഭിക്കും.

ജയറാമിന്റെ തിരിച്ചുവരവിന് വഴിവെച്ച ചിത്രമായ ‘വെറുതെ ഒരു ഭാര്യയ്ക്ക്’ തിരക്കഥ ഒരുക്കിയ ഗിരീഷാണ് ഈ ചിത്രത്തിനും തൂലിക ചലിപ്പിക്കുന്നത്. ട്രൂലൈന്‍ പ്രൊഡക്ഷന്‍സിനു വേണ്ടി ഇമ്മാനുവേല്‍ തങ്കച്ചന്‍ ആണ് ഈ ചിത്രം നിര്‍മ്മിക്കുന്നത്.

പെരുവണ്ണാപുരത്തെ വിശേഷങ്ങള്‍, തൂവല്‍സ്പര്‍ശം, പാവം പാവം രാജകുമാരന്‍ തുടങ്ങിയവ കമലും ജയറാമും ഒന്നിച്ച ചിത്രങ്ങളാണ്.

2 Responses to “കമല്‍ ചിത്രത്തില്‍ ജയറാം പ്രവാസി”

  1. RAJAN Mulavukadu.

    മറ്റൊരു “”വരവേല്പ്””””

  2. suresh babu

    പാവം പാവം രാജകുമാരന്‍ ശ്രീനിവാസന്‍ അഭിനയിച്ച സിനിമ അല്ലെ?അതില്‍ ജയറാം ഉണ്ടോ?

LEAVE YOUR COMMENTS

Press ctrl+g to toggle between English and Malayalam.