മമ്മൂട്ടിയെ നായകനാക്കി ജയരാജ് സംവിധാനം ചെയ്യുന്ന പുതിയ ചിത്രം ‘ദി ട്രെയിന്‍’ മുംബൈയില്‍ ചിത്രീകരണം തുടങ്ങി. 2006 ജൂലൈ 11ന് തീവണ്ടിയില്‍ നടന്ന ഏഴോളം സ്‌ഫോടനങ്ങളുടെ പശ്ചാത്തലത്തിലാണ് ട്രെയിന്‍ കഥ പറയുന്നത്. ഈ സ്‌ഫോടനത്തില്‍ ദുരന്തം ഏറ്റുവാങ്ങേണ്ടി വന്ന മലയാളി കുടുംബങ്ങളുടെ കഥയാണ് തന്റെ പുതിയ ചിത്രമായ ദി ട്രയിനിലൂടെ ജയരാജ് പറയുന്നത്.

ഭീകരവിരുദ്ധസേനാ തലവനായാണ് ചിത്രത്തില്‍ മമ്മൂട്ടിയെത്തുന്നത്. ബോളിവുഡ് താരമായ അന്‍ജേല സബര്‍വാള്‍ ആണ് ചിത്രത്തിലെ നായിക .ജയസൂര്യ ,ജഗതി ശ്രീകുമാര്‍ , സബിത ജയരാജ്,അനുപം ഖേര്‍ തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങള്‍.

ചത്രപതി ശിവജി ടെര്‍മിനസ് , നരിമാന്‍ പോയിന്റ് , നവി മുംബൈ തുടങ്ങിയ സ്ഥലങ്ങളിലാണ് ഇപ്പോള്‍ ചിത്രീകരണം നടന്നത്. സംവിധായകനായ ജയരാജ് തന്നെയാണ് ചിത്രത്തിന്റെ കഥയും തിരക്കഥയും തയ്യാറാക്കിയിട്ടുള്ളത്.