Categories

Headlines

ഐറ്റം ഡാന്‍സ് ചെയ്യുകയെന്നത് അഭിമാനമാണ്: സമീറ റെഡ്ഡി

ഐറ്റം ഡാന്‍സ് ചെയ്യാത്ത നായികമാര്‍ പടിക്കുപുറത്താകുന്ന ഈ കാലത്ത് ഐറ്റം ഡാന്‍സിന്റെ അനിവാര്യതയെ കുറിച്ച് മനസ് തുറക്കുകയാണ് സമീറ റെഡ്ഡി. ഐറ്റം ഡാന്‍സ് ചെയ്യുന്നത് ഇന്നത്തെ കാലത്ത് അഭിമാനകരമായ കാര്യമാണെന്നാണ് സമീറ പറയുന്നത്.

ഈയൊരു പ്രസ്താവനയ്ക്ക് പിന്നില്‍ മറ്റൊരു കാര്യം കൂടിയുണ്ട് കേട്ടോ.. പ്രകാശ് ഝാ സംവിധാനം ചെയ്യുന്ന ചക്രവ്യൂഹ് എന്ന ചിത്രത്തില്‍ ഒരു ഐറ്റം നമ്പറുമായി താരം പ്രത്യക്ഷപ്പെടുന്നുണ്ട്. ഇതാണ് ഐറ്റം ഡാന്‍സിന്റെ മഹിമയെ കുറിച്ച് പറയാന്‍ സമീറയെ പ്രേരിപ്പിച്ചത്.

Ads By Google

‘ഐറ്റം ഡാന്‍സ് ചെയ്യുകയെന്നത് എന്റെയൊരു ആഗ്രഹമായിരുന്നു, ഇത്രയും കാലം അത് സാധിച്ചിരുന്നില്ല. ഇന്ന് ഐറ്റം ഡാന്‍സിനോടുള്ള ആളുകളുടെ കാഴ്ചപ്പാട് മാറി. ഒരു ചിത്രം റിലീസ് ആകുമ്പോള്‍ തന്നെ ആളുകള്‍ക്ക് അറിയേണ്ടത് ചിത്രത്തില്‍ ഐറ്റം ഡാന്‍സ് ഉണ്ടോ എന്നതാണ്. ഐറ്റം ഡാന്‍സ് ചെയ്യാന്‍ സാധിക്കാത്ത ഒരു നായികയ്ക്കും ഇന്ന് ഇന്റസ്ട്രിയില്‍ നില്‍നില്‍ക്കാന്‍ കഴിയുമെന്ന് തോന്നുന്നില്ല.

പിന്നെ സിനിമയെ പ്രമോട്ട് ചെയ്യുന്നതില്‍ ഐറ്റം ഡാന്‍സ് വഹിക്കുന്ന പങ്കും ചെറുതൊന്നുമല്ല. ഐറ്റം ഡാന്‍സ് ചെയ്യുകയെന്നത് ഒരിക്കലും നിസാരമായ കാര്യമല്ല. കാരണം അത്രയേറെ പ്രഷറാണ് ഓരോ താരവും അതിന് വേണ്ടി എടുക്കേണ്ടത്.

നമ്മുടെ ബെസ്റ്റ് പെര്‍ഫോമന്‍സ് ആയിരിക്കണം ഐറ്റം ഡാന്‍സിന് കൊടുക്കേണ്ടത്. നിരവധി ചിത്രങ്ങള്‍ ഐറ്റം ഡാന്‍സ് പ്രൊമോട്ട് ചെയ്യുന്നതിനാല്‍ തന്നെ നമ്മുടെ പെര്‍ഫോമന്‍സ് വിലയിരുത്തപ്പെടുകയും മറ്റൊരു താരവുമായി നമ്മെ താരതമ്യം ചെയ്യുകയും ചെയ്യും’- സമീറ പറയുന്നു.

നക്‌സലിസം വിഷയമാക്കുന്ന ചക്രവ്യൂഹ് എന്ന ചിത്രത്തില്‍ കഥാഗതിയെ തന്നെ സ്വാധീനിക്കുന്ന രംഗത്താണ് ഐറ്റം ഡാന്‍സിന്റെ കടന്നുവരവെന്നതും ശ്രദ്ധേയമാണ്.

Tagged with: |


നിങ്ങള്‍ ഇന്ത്യയെ അപമാനിച്ചു; ഇനി ഇവിടേക്ക് തിരിച്ചുവരണമെന്നില്ല; സ്വാതന്ത്ര്യദിനത്തില്‍ ധരിച്ച വസ്ത്രത്തിന്റെ പേരില്‍ പ്രിയങ്കയെ കടന്നാക്രമിച്ച് സോഷ്യല്‍മീഡിയയില്‍ തീവ്രദേശീയ വാദികള്‍

ന്യൂദല്‍ഹി: ട്രോളുകാരുടെ ആക്രമണത്തിന് മിക്കപ്പോഴും ഇരയാകുന്ന വ്യക്തിയാണ് ബോളിവുഡ് താരം പ്രിയങ്ക ചോപ്ര. പലപ്പോഴും പ്രിയങ്ക ട്വിറ്ററിലും ഇന്‍സ്റ്റഗ്രാമിലും പോസ്റ്റു ചെയ്യുന്ന ചിത്രങ്ങളാണ് പ്രിയങ്കയെ ആക്രമിക്കാനായി സദാചാരക്കാര്‍ ഉപയോഗിക്കാറ്.ഇന്ത്യന്‍ പതാകയുടെ നിറത്തിലുള്ള ഷോള്‍ ധരിച്ച് സ്വാതന്ത്ര്യദിനാശംസ പറഞ്ഞതിന്റെ പേരിലാണ് ഇത്തവണ സൈബര്‍ ആക്രമണത്തിന് പ്

സ്വാതന്ത്ര്യദിനാഘോഷ പരിപാടി അട്ടിമറിക്കാന്‍ പിണറായിയുടെ ഓഫീസില്‍ അര്‍ദ്ധരാത്രിയില്‍ ഗൂഢാലോചന നടന്നെന്ന് സുരേന്ദ്രന്‍; കളക്ടര്‍ക്കും എസ്.പിക്കും ഉന്നതനുമെതിരെ കേസെടുക്കണമെന്നും ആവശ്യം

തിരുവനന്തപുരം: പാലക്കാട് സ്‌കൂളില്‍ ചട്ടംലംഘിച്ച് പതാകയുയര്‍ത്തിയ ആര്‍.എസ്.എസ് സര്‍സംഘ്ചാലക് മോഹന്‍ ഭാഗവതിനെതിരെ കേസെടുക്കണമെന്ന നിര്‍ദേശത്തിനെതിരെ രൂക്ഷവിമര്‍ശനവുമായി ബി.ജെ.പി നേതാവ് കെ. സുരേന്ദ്രന്‍.പതാകയുയര്‍ത്തിയതിന്റെ പേരില്‍ കേസ്സെടുക്കേണ്ടത് മോഹന്‍ ഭഗവതിനെതിരെയല്ലെന്നും സ്വാതന്ത്ര്യദിനാഘോഷ പരിപാടി അട്ടിമറിക്കാന്‍ ശ്രമിച്ചവര്‍ക്കെതിരെയാണെന്നും കെ