Categories

ജഡ്ജിമാരെ അഭിസംബോധന ചെയ്യാന്‍ വിശേഷണങ്ങള്‍ നിര്‍ബന്ധമല്ലെന്ന് സുപ്രീംകോടതി

supreme-court-3

ന്യൂദല്‍ഹി:ജഡ്ജിമാരെ അഭിസംബോധന ചെയ്യുന്നതിന് മൈ ലോര്‍ഡ് യുവര്‍ ഓണര്‍ പോലുള്ള വിശേഷണങ്ങള്‍ നിര്‍ബന്ധമല്ലെന്ന് സുപ്രീംകോടതി. ഇത്തരം വിശേഷണങ്ങള്‍ നിര്‍ബന്ധപൂര്‍വം അടിച്ചേല്‍പ്പിച്ചിട്ടില്ല.

മാന്യമായ ഏത് അഭിസംബോധനയും ആകാം. അതേസമയം ഈ വിശേഷണങ്ങള്‍ നിരോധിക്കണമെന്ന ആവശ്യം പരിഗണിക്കാനാവില്ലെന്നും കോടതി വ്യക്തമാക്കി.

കൊളോണിയല്‍ കാലത്തിന്റെയും അടിമത്വത്തിന്റെയും ബാക്കി പത്രങ്ങളാണ് ഇത്തരം വിശേഷണങ്ങള്‍ എന്ന് കാണിച്ചുള്ള പൊതുതാല്‍പ്പര്യ ഹരജിയിന്‍മേല്‍ പരാമര്‍ശിക്കുകയായിരുന്നു കോടതി.

ഏതെങ്കിലും ഒരു രീതിയിലേ അഭിസംബോധന ചെയ്യാവൂ എന്ന് ഉത്തരവിറക്കാനാകില്ലെന്നും  അഭിസംബോധന ചെയ്യുന്ന കാര്യം നിശ്ചയിക്കേണ്ടത് അഭിഭാഷകനാണെന്നും കോടതി വ്യക്തമാക്കി.

ജഡ്ജിമാരെ അഭിസംബോധന ചെയ്യുന്നതിന് യുവര്‍ ഒണര്‍, മൈ ലോര്‍ഡ് പോലുള്ള വിശേഷണങ്ങള്‍  ഉപയോഗിക്കില്ലെന്ന് 2006ല്‍ ബാര്‍ കൗണ്‍സില്‍ പ്രമേയം പാസാക്കിയിരുന്നു.

കോടതിവിധിയിലൂടെ മാത്രമേ ഇത്തരം അഭിസംബോധനകള്‍ മാറ്റാനാകൂ എന്ന് കാണിച്ചുള്ള അഭിഭാഷകന്റെ ഹരജി കോടതി തള്ളി. കോടതിയെ മാന്യതയോടെയും ബഹുമാനത്തോടെയും അഭിസംബോധന ചെയ്യണമെന്നേയുള്ളുവെന്നും കോടകതി വ്യക്തമാക്കി.

Tagged with: