Categories
boby-chemmannur  

ഇസ്രായേല്‍ വ്യോമാക്രമണം തുടരുന്നു; 15 ഫലസ്തീന്‍ പോരാളികള്‍ കൊല്ലപ്പെട്ടു

ഗാസ: ഫലസ്തീനിലെ ഗസ്സയില്‍ ഇസ്രായേല്‍ നടത്തിയ ശക്തമായ വ്യോമാക്രമണം തുടരുന്നു. ആക്രമണത്തില്‍ ഇതുവരെ നേതാക്കളുള്‍പ്പെടെ 12 ഫലസ്തീന്‍ പോരാളികള്‍ കൊല്ലപ്പെട്ടിട്ടുണ്ട്. നിരവധി പേര്‍ക്ക് പരിക്കേറ്റു. ഗാസ നഗരത്തിന്റെപശ്ചിമഭാഗത്ത് ത്വല്‍ സഹവയില്‍ കാറിന് നേരെയുണ്ടായ ആക്രമത്തില്‍ ജനകീയ പ്രതിരോധ സംഘടനയുടെ മേധാവി സുഹൈല്‍ അല്‍ഖ്വയ്‌സിയും മുതിര്‍ന്ന നേതാവ് മഹ്മൂദ് ഹനാനിയും കൊല്ലപെട്ടു. മേഖലയിലെ സ്‌കൂളുകള്‍ അടച്ചിട്ടിരിക്കയാണ്.

ഗാസയുടെ കിഴക്ക്ഭാഗത്ത് ഇസ്രായേല്‍ നടത്തിയ ആക്രമണത്തില്‍ അല്‍ഖുദ്‌സ്  നേതാക്കളായ ഉബൈദ് അല്‍ഗരാബ്ലി, മുഹമ്മദ് ഹരാര എന്നിവരുംകൊല്ലപ്പെട്ടു. ബൈത്തൂനിലുണ്ടായ ആക്രമണത്തില്‍ ജീവപായ മുണ്ടായിട്ടില്ലെന്ന് റിപ്പോര്‍ട്ടുകളില്‍ വ്യക്തമാക്കുന്നു.

പൈലറ്റില്ല സ്രോണ്‍ വിമാനങ്ങളും ഉപയോഗിച്ചാണ് ഇസ്രായേല്‍ സൈന്യം മണിക്കുറുകളോളം അക്രമണം നടത്തിയത്. ഗാസയിലെ ദക്ഷിണ സൈനിക പരിശീലന കേന്ദ്രങ്ങള്‍ക്ക് നേരെയും ആക്രമണം നടന്നതായി ദൃക്‌സാക്ഷികള്‍ പറഞ്ഞു.

ഇസ്രായേലിന്റെ ആക്രമണത്തിനെതിരെ ഫലസ്തീനികള്‍  തിരിച്ചടിച്ചതായി  അല്‍ജസീറ വെളിപ്പെടുത്തി. ഐ.എന്‍. ഇസ്രായേല്‍ പോരാളികള്‍ നടത്തിയ ആക്രമണങ്ങളില്‍ നാലുപേര്‍ക്ക് പരിക്കറ്റു. ഇവരില്‍ ഒരാളുടെ നില ഗുരുതരമാണന്ന് ഇസ്രായേല്‍ സൈനിക വൃത്തങ്ങള്‍ പറഞ്ഞു. ഇസ്രായേല്‍ നിരന്തരം നടത്തുന്ന അമ്രങ്ങളെ ഫലസ്തീന്‍  അതോറിറ്റി അപലപിച്ചു. ഇത്തരം നടപടികള്‍ പശ്ചിമേഷ്യയില്‍ സംഘര്‍ഷം വര്‍ധിപ്പിക്കുമെന്ന് അവര്‍ പുറത്തിറക്കിയ പ്രസ്താവനയില്‍ പറഞ്ഞു.

Malayalam news

Kerala news in English

Tagged with:


തനിക്കെതിരെയുള്ള ആരോപണങ്ങള്‍ കെട്ടിച്ചമച്ചത്: കെ.എം.മാണി

കോട്ടയം: തനിക്കെതിരെയുള്ള ബിജു രമേശിന്റെ ആരോപണങ്ങള്‍ കെട്ടിച്ചമച്ചതാണെന്ന് മന്ത്രി കെ.എം.മാണി. ആരോപണത്തിന് പിന്നില്‍ വലിയ ഗൂഡാലോചനയുണ്ടെന്നും മാണി വിഷയത്തെ കുറിച്ച് പ്രതികരിച്ചു. ആരോപണം ദുരുദ്ദേശപരവും അടിസ്ഥാനരഹിതവുമാണെന്നും മാണി പറഞ്ഞു. ബാര്‍ ലൈസന്‍സ് ധനമന്ത്രിയുടെ അധികാരപരിധിയില്‍ വരുന്നതല്ലെന്നും മാണി കൂട്ടിച്ചേര്‍ത്തു. എന്നാല്‍ ബിജു രമേശിന്റെ ആരോപണം മുഖ്യമന്ത്രി ഉമ്മന്‍ ചാണ്ടിയുടെ നിര്‍ദേശപ്രകാരമാണെന്ന് ചീഫ് വിപ്പ് പി.സി. ജോര്‍ജ്ജ് ആരോപിച്ചു. അതേ സമയം മാണിയുടെ രാജി ആവശ്യപ്പെട്ട് ബി.ജെ.പിയും രംഗത്തെത്തി.

ബാറുകള്‍ തുറക്കാന്‍ കെ.എം മാണി 5 കോടി രൂപ കൈക്കൂലി ആവശ്യപ്പെട്ടു

തിരുവനന്തപുരം: ബാറുകള്‍ തുറക്കാന്‍ കെ.എം മാണി കൈക്കൂലി വാങ്ങിയതായി ബാറുടമ ബിജു രമേഷ്. ബാര്‍ തുറക്കാന്‍ 1 കോടി രൂപ മാണിക്ക് നല്‍കിയതായി ബിജു പറഞ്ഞു. ബാര്‍ ഹോട്ടല്‍ അസോസിയേഷന്‍ നേതാക്കള്‍ നേരിട്ട് മാണിയുടെ പാലായിലെ വീട്ടില്‍ വച്ചാണ് പണം കൈമാറിയത്. മാണിയുമായി സംസാരിച്ചതിന്റെ ശബ്ദരേഖ കയ്യിലുണ്ടെന്നും ആവശ്യമെങ്കില്‍ നുണ പരിശോധനക്ക് തയ്യാറെന്നും ബിജു കൂട്ടിച്ചേര്‍ത്തു. 418 ബാറുകള്‍ തുറക്കാന്‍ വേണ്ടി 5 കോടി രൂപയാണ് മാണി ആവശ്യപ്പെട്ടതെന്ന് ബിജു പറഞ്ഞു. ആദ്യം 15 ലക്ഷവും പിന്നീട് 85 ലക്ഷവുമായി ഒരു കോടി രൂപയാണ് മാണിക്ക് നല്‍കിയത്. അസോസിയേഷന്‍ രേഖകളില്‍ മാണിക്കു കൊടുത്ത പണത്തിന്റെ രേഖകളുണ്ട്. തെളിവുകള്‍ മായ്ച്ചു കളയുന്നതിനു മുമ്പ് കേന്ദ്ര ഏജന്‍സികളുടെ അന്വേഷണം വേണമെന്നും ബിജു ആവശ്യപ്പെട്ടു.

ചാനല്‍ ചര്‍ച്ചക്കിടെ കിസ് ഓഫ് ലവ് പ്രവര്‍ത്തകര്‍ക്കു നേരെ യുവമോര്‍ച്ച കയ്യേറ്റശ്രമം

കൊച്ചി: മാതൃഭൂമി ചാനലിലെ  ചര്‍ച്ചക്കിടെ കിസ് ഓഫ് ലവ് പ്രവര്‍ത്തകര്‍ക്കുനേരെ യുവമോര്‍ച്ച പ്രവര്‍ത്തകര്‍ കയ്യേറ്റശ്രമം നടത്തി. ക്യാമറയ്ക്ക് മുമ്പില്‍ വെച്ച് പരിപാടി ഷൂട്ട് ചെയ്തു കൊണ്ടിരിക്കുന്നതിനിടെ ആണ് സംഭവം. പരിപാടിയില്‍ പങ്കെടുത്ത ഡീന്‍ കുര്യാക്കോസ് ഉള്‍പ്പെടെ ഉള്ള നേതാക്കള്‍ക്ക് മുമ്പില്‍ വെച്ചായിരുന്നു യുവമോര്‍ച്ച 'സദാചാര പോലീസ്' ആകാന്‍ ശ്രമം നടത്തിയത്. ക്യാമറക്ക് മുന്നില്‍ വെച്ച് പരസ്യമായി ചുംബിക്കാന്‍ ധൈര്യമുണ്ടോ എന്ന ചാനല്‍ അവതാരകയുടെ ചോദ്യത്തെത്തുടര്‍ന്ന് ചര്‍ച്ചയില്‍ പങ്കെടുത്ത രാഹുല്‍ ഭാര്യ രശ്മിക്ക്  കവിളത്ത് ചുംബനം നല്‍കിയതിനെ തുടര്‍ന്നാണ്  യുവമോര്‍ച്ചയുടെ കയ്യേറ്റ ശ്രമം ഉണ്ടായത്. വെറുതെ വിടില്ല ആക്രോശത്തോടുകൂടിയായിരുന്നു ഇവര്‍ പ്രവര്‍ത്തകര്‍ക്കുനേരെ ഇവരുടെ ആക്രമം. ഇവര്‍ക്കു നേരെ കോണ്‍ഗ്രസ് പ്രവര്‍ത്തകരും മുമ്പ് അക്രമണമഴിച്ചു വിട്ടിരുന്നു.

കോടതി വിധിയെ നിയമപരമായി നേരിടും : ഉമ്മന്‍ചാണ്ടി

തിരുവനന്തപുരം: ബാര്‍ കേസില്‍ സിംഗിള്‍ ബഞ്ച് വിധിക്കുണ്ടായ ഹൈക്കോടതിയുടെ സ്‌റ്റേ സര്‍ക്കാര്‍ നിയമപരമായി നേരിടുമെന്ന് മുഖ്യമന്ത്രി ഉമ്മന്‍ചാണ്ടി. സിംഗിള്‍ ബഞ്ച് വിധി സ്‌റ്റേ ചെയ്ത ഹൈക്കോടതി വിധി സര്‍ക്കാരിന് തിരിച്ചടിയായെന്ന വാദങ്ങളോട് പ്രതികരിക്കുകയായിരുന്നു അദ്ദേഹം. കോടതി വിധി സര്‍ക്കാരിന് തിരിച്ചടിയല്ല. അതു പോലെ വിമര്‍ശനത്തില്‍ ഭയമില്ലെന്നും മദ്യനയത്തില്‍ സര്‍ക്കാരിന് ഉറച്ച ബോധ്യമുണ്ടെന്നും ഉമ്മന്‍ചാണ്ടി കൂട്ടിച്ചേര്‍ത്തു. ഇന്നലെയാണ് 250 ബാറുകള്‍ അടച്ചു പൂട്ടാനുള്ള സിംഗിള്‍ ബഞ്ച് വിധി വന്നത്. സര്‍ക്കാരിന്റെ മദ്യനയത്തെ ഭാഗികമായി മാത്രം അംഗീകരിക്കുന്നതായിരുന്നു ഈ വിധി. ഇതേ തുടര്‍ന്ന് ബാറുകള്‍ അടച്ചു പൂട്ടാനുള്ള നടപടികള്‍ സര്‍ക്കാര്‍ ആരംഭിച്ചിരുന്നു. സിംഗിള്‍ ബഞ്ച് വിധിക്കെതിരെ ബാറുടമകള്‍ സമര്‍പ്പിച്ച ഹരജിയിലാണ് ഹൈക്കോടതി വിധി പറഞ്ഞത്. അതേസമയം സിംഗിള്‍ ബഞ്ച് തീരുമാനത്തെതുടര്‍ന്ന് പൂട്ടിയ ബാറുകള്‍ വീണ്ടും തുറന്നുതുടങ്ങി.