Categories

ഇന്ത്യയും സൗദിയും തൊഴില്‍ കരാറില്‍ ഒപ്പുവച്ചു

saudi-arabia

ന്യൂദല്‍ഹി: സൗദി അറേബ്യയില്‍ ജോലി ചെയ്യുന്ന ഇന്ത്യക്കാരായ ഗാര്‍ഹിക തൊഴിലാളികളെ സംരക്ഷിക്കാനായി ഇന്ത്യയും സൗദി അറേബ്യയും ഉഭയകക്ഷി കരാറില്‍ ഒപ്പുവച്ചു.

പ്രവാസികാര്യ മന്ത്രി വയലാര്‍ രവിയും സൗദി തൊഴില്‍മന്ത്രി ആദില്‍ ബിന്‍ മുഹമ്മദ് ഫഖീഹും ഒപ്പുവച്ച കരാര്‍ സൗദിയിലെ ഇന്ത്യന്‍ പ്രവാസികളില്‍ ആറ് ലക്ഷത്തോളം വീട്ട് വിസക്കാര്‍ക്ക് പ്രയോജനകരമാകും.

കുറഞ്ഞ കൂലി, തൊഴില്‍ സമയം, ശമ്പളത്തോടെയുള്ള വാര്‍ഷിക അവധി, ശമ്പളം ബാങ്ക് വഴിയാക്കുക, തര്‍ക്കപരിഹാര സംവിധാനം എന്നീ അവകാശങ്ങളെ നിയമപരമായി ലഭ്യമാക്കുന്നതാണ് കരാര്‍.

കരാര്‍ നടപ്പാക്കുന്നതിന് പ്രവാസികാര്യ മന്ത്രാലയത്തിലെയും സൗദി തൊഴില്‍ മന്ത്രാലയത്തിലെയും മുതിര്‍ന്ന ഉദ്യോഗസ്ഥരടങ്ങിയ സംയുക്ത സമിതി ഒരുമാസത്തിനകം രൂപീകരിക്കും.

സമിതിയുടെ ആദ്യയോഗം സൗദിയില്‍ നടക്കും. കരാര്‍ ലംഘിക്കുന്ന റിക്രൂട്‌മെന്റ് ഏജന്‍സികള്‍ക്കെതിരെ നടപടിയുണ്ടാകുന്നതായിരിക്കും. സ്‌പോണ്‍സറുമായി പ്രശ്‌നങ്ങളുണ്ടാകുന്ന സന്ദര്‍ഭങ്ങളില്‍ സമീപിക്കാന്‍ 24 മണിക്കൂറും പ്രവര്‍ത്തിക്കുന്ന ഹെല്‍പ്‌ലൈന്‍ സംവിധാനം ഉണ്ടാക്കാനും തീരുമാനമായി.

റിക്രൂട്‌മെന്റുമായി ബന്ധപ്പെട്ട് ഇപ്പോഴുള്ള പ്രശ്‌നങ്ങള്‍ പരിഹരിക്കുന്നതിന് വേണ്ടിയുള്ളതാണ് ഇപ്പോഴത്തെ കരാര്‍.സ്‌പോണ്‍സറുടെയും തൊഴിലാളിയുടെയും അവകാശങ്ങള്‍ ഒരുപോലെ സംരക്ഷിക്കുകയാണ് കരാറിന്റെ ലക്ഷ്യമെന്ന് വയലാര്‍ രവി പറഞ്ഞു.

Tagged with: |


മലേഗാവ് സ്ഫോടനക്കേസിലെ മുഖ്യപ്രതിയുടെ ജാമ്യാപേക്ഷ സുപ്രിം കോടതി പരിഗണിക്കുന്നതിന് രണ്ടുദിവസം മുമ്പേ ടൈംസ് നൌ ചാനല്‍ എങ്ങിനെയാണ് പ്രഖ്യാപിക്കുന്നത്; വെളിപ്പടുത്തലുമായി പ്രവീണ്‍ മിശ്ര

മുംബൈ:മലേഗാവ് സ്ഫോടനക്കേസിലെ മുഖ്യപ്രതിയായ കേണല്‍ പുരോഹിതിന്റെ ജ്യാമം മുന്‍കൂട്ടി പ്രവചിച്ച് ടൈംസ് നൗ ചര്‍ച്ചക്ക് വിളിച്ചതായി മാധ്യമ പ്രവര്‍ത്തകനും ചിത്രകാരനുമായ പ്രവീണ്‍ മിശ്രയുടെ ഫേസ്ബുക്ക് പോസ്റ്റ്മലേഗാവ് ബോംബ് സ്ഫോടനക്കേസിലെ മുഖ്യപ്രതിയായ കേണല്‍ പുരോഹിതിന്റെ ജാമ്യാപേക്ഷ സുപ്രീം കോടതി മാറ്റി വച്ചിരിക്കുകയാണ്അതിനിടെയാണ് കോടതി വിധി നേരത്തെ പ്രസ്താവിച്ച