കോഴിക്കോട്: ആരാധകര്‍ ഏറെ പ്രതീക്ഷയോടെ കാത്തിരിക്കുന്ന വിജയ്- ആറ്റ്‌ലി കൂട്ടുകെട്ടിന്റെ ഏറ്റവും പുതിയ ചിത്രം മെരസലിന്റെ ടീസര്‍ അണിയറപ്രവര്‍ത്തകര്‍ പുറത്തുവിട്ടു. ഒരു പക്കാമാസ് അക്ഷന്‍ മൂവിയായിരിക്കുമെന്ന സൂചയാണ് ടീസര്‍ തരുന്നത്.

Subscribe Us:

മുമ്പ് വിജയ്ക്കുള്ള ബര്‍ത്ത്‌ഡേ സമ്മാനമായിട്ടായിരുന്നു ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തിറക്കിയിരുന്നെങ്കില്‍. സംവിധായകന്‍ ആറ്റ്‌ലിയുടെ പിറന്നാളിനോടനുബന്ധിച്ചാണ് ചിത്രത്തിന്റെ ടീസര്‍ പുറത്ത് വിട്ടത്.


Also Read 200 കിലോമീറ്റര്‍ വേഗത്തില്‍ കാറോടിച്ച് കാളിദാസന്‍; സ്വപ്‌നസാക്ഷാത്ക്കാരമെന്ന് താരം


മൂന്ന് ഗെറ്റപ്പുകളിലാണ് വിജയ് മെരസലില്‍ എത്തുന്നത്. സാമന്ത, കാജല്‍ അഗര്‍വാള്‍, നിത്യ മേനോന്‍ എന്നിവരാണ് ചിത്രത്തിലെ നായികമാര്‍. എ ആര്‍ റഹ്മാനാണ് സംഗീതം ഒരുക്കുന്നത്. വിജയ്‌യുടെ സൂപ്പര്‍ ഹിറ്റ് ചിത്രം ഖുഷിയുടെ സംവിധായകന്‍ എസ്.ജെ സൂര്യയും മെരസലില്‍ സുപ്രധാന വേഷത്തില്‍ എത്തുന്നുണ്ട്.

തെരിയാണ് ഇതിന് മുന്‍പ് വിജയും അറ്റ്‌ലിയും ഒന്നിച്ച ചിത്രം. വമ്പന്‍ഹിറ്റായ ഈ ചിത്രത്തിന് ശേഷം ഇവര്‍ ഒന്നിക്കുന്ന ചിത്രമാണ് മെരസല്‍. തമിഴിലെ പ്രമുഖ നിര്‍മ്മാണ കമ്പനിയായ ടിഎസ്എല്ലിന്റെ നൂറാമത് ചിത്രമാണ് മെരസല്‍ .