Categories

ഇടുക്കിയില്‍ അതിര്‍ത്തികള്‍ അടച്ചു

കുമളി: എം.ഡി.എം.കെയുടെ റോഡ് ഉപരോധത്തെ തുടര്‍ന്ന് ഇടുക്കി ജില്ലയില്‍ അതിര്‍ത്തികള്‍ അടച്ചു. കന്യാകുമാരി, കോയമ്പത്തൂര്‍, തിരുനെല്‍വേലി, തിരുച്ചിറപ്പള്ളി ജില്ലകളിലെ 13 സ്ഥലങ്ങളിലാണ് റോഡ് ഉപരോധം നടക്കുന്നത്.

ഉപരോധത്തെ തുടര്‍ന്ന് തമിഴ്‌നാടുമായി അതിര്‍ത്തി പങ്കിടുന്ന കുമളി, കമ്പം, മറയൂര്‍ ചെക്ക് പോസ്റ്റുകളാണ് അടച്ചിട്ടത് . അതിര്‍ത്തി പ്രദേശങ്ങളില്‍ കനത്ത പോലീസ് കാവല്‍ ഏര്‍പ്പെടുത്തിയിട്ടുണ്ട്. സംഘര്‍ഷ സാധ്യത കണക്കിലെടുത്താണ് സുരക്ഷ. ഇതുവഴിയുള്ള വാഹനഗതാഗതം പൂര്‍ണമായി സ്തംഭിച്ചു.

മുല്ലപ്പെരിയാര്‍ അണക്കെട്ടിലെ ജലനിരപ്പ് 142 അടിയാക്കണമെന്നും കേരളത്തില്‍ തമിഴര്‍ക്ക് നേരെ നടക്കുന്ന ആക്രമണങ്ങള്‍ അവസാനിപ്പിക്കണമെന്നും ആവശ്യപ്പെട്ടാണ് എം.ഡി.എം.കെ നേതാവ് വൈക്കോ കേരളത്തിലേക്കുള്ള റോഡ് ഉപരോധ സമരം തുടങ്ങിയത്. എന്നാല്‍ എവിടെയാണ് പ്രതിഷേധമാര്‍ച്ച് നടക്കുകയെന്ന് അദ്ദേഹം കൃത്യമായി പറഞ്ഞിട്ടില്ല. ഇതോടെ ഇന്നലെ നാല് മണിയോടെ തന്നെ ഇടുക്കിയിലെ ചെക്ക് പോസ്റ്റുകളെല്ലാം അടച്ചിരുന്നു.

തമിഴ്‌നാട്ടില്‍ വൈക്കോയ്‌ക്കെതിരെ അറസ്റ്റ് വാറണ്ട് പുറപ്പെടുവിച്ചിട്ടുണ്ട്. നിരോധനാജ്ഞ നിലനില്‍ക്കുന്ന പ്രദേശങ്ങളില്‍ പ്രതിഷേധം നടത്തി അറസ്റ്റിലായാല്‍ ജാമ്യം ലഭിക്കുകയില്ല. അതുകൊണ്ടുതന്നെ കുമളിയിലും കമ്പമേട്ടിലും വൈക്കോയെത്താനുള്ള സാധ്യത കുറവാണ്.

Malayalam News
Kerala News in English

3 Responses to “ഇടുക്കിയില്‍ അതിര്‍ത്തികള്‍ അടച്ചു”

  1. baijuramdas

    ഇവന്മാര്‍ക്ക് ഇന്ത്യന്‍ യൂണിയന്‍ വിട്ടു പോയ്കൂടെ .. എന്തിനാ ഇങ്ങനെ ബുദ്ധിമുട്ടി നമ്മുടെ കൂടെ നില്‍കുന്നത് ..

  2. സുനില്‍ ബാബു എടവണ്ണ

    തമിഴരെ ശീലങ്കന്‍ യൂണിയനില്‍ ചേര്‍ക്കുന്നതാണ് നല്ലത്….. എന്നാല്‍ തമിഴ് പുലികളുമായി നല്ല ബന്ധം പുലര്‍ത്താലോ>>>>>>

  3. Manojkumar.R

    ഭാഷ എന്നാ വികാരം ഇത്രയേറെ തലയ്ക്കു പിടിച്ച മറ്റൊരു വിഭാഗത്തിനെ കാണാനേ കഴിയില്ല!ഇവര്‍ക്ക് തങ്ങള്‍ ഇന്ത്യയില്‍ ആണെന്ന ബോധാമെയില്ല!അവരെ നയിക്കുന്ന പുരട്ചി തലൈവര്മാര്‍ക്ക് തീരെ ബോധാമില്ലതാതിനാല്‍ അവര്‍ ജനങ്ങളെ തമ്മിലടുപ്പിക്കുകയാണ്. മുല്ലപ്പെരിയാര്‍ ഒരു കലാപമായി പടരാതിരിക്കാന്‍ ഏവരും ജാഗ്രത പുലര്തിയെ തീരു. വികാരം കൊണ്ടല്ല വിവേകം കൊണ്ടേ ഇക്കാര്യത്തില്‍ ഫലപ്രദമായ തീരുമാനം കൈക്കൊള്ളാന്‍ കഴിയുകയുള്ളൂ.തികഞ്ഞ ആത്മ സംയമനം പാലിച്ചേ മതിയാകൂ.

LEAVE YOUR COMMENTS

Press ctrl+g to toggle between English and Malayalam.