ന്യൂദല്‍ഹി: സോഷ്യല്‍ നെറ്റ്‌വര്‍ക്കിംഗ് സൈറ്റായ ട്വിറ്ററിന് ഐ.സി.സിയുടെ അയിത്തം. ലോകകപ്പ് മല്‍സരങ്ങള്‍ക്കിടയില്‍ താരങ്ങളോ ടീം അധികൃതരോ ട്വീറ്റ് ചെയ്യുന്നതാണ് ഐ.സി.സി നിരോധിച്ചിരിക്കുന്നത്.

അഴിമതിയും ഒത്തുകളിയും തടയുന്നതിനുള്ള നീക്കമെന്ന നിലയ്ക്കാണ് ട്വീറ്റിംഗ് നിരോധിച്ചിരിക്കുന്നത്. ഐ.സി.സിയുടെ അഴിമതി വിരുദ്ധ-സുരക്ഷാ യൂണിറ്റാണ് പുതിയ നിര്‍ദേശം നല്‍കിയത്.

നേരത്തേ ആഷസ് പരമ്പരക്കിടെ ആസ്‌ട്രേലിയന്‍ ടീം മാനേജര്‍ ട്വീറ്റ് ചെയ്തത് വിവാദമായിരുന്നു. ഒത്തുകളിച്ചതിന്റെ പേരില്‍ സല്‍മാന്‍ ബട്ട്, മുഹമ്മദ് ആസിഫ്, മുഹമ്മദ് ആമിര്‍ എന്നിവര്‍ക്ക് ഐ.സി.സി വിലക്കേര്‍പ്പെടുത്തിയിരുന്നു.