Categories

ആരുമായും മത്സരിക്കാന്‍ ഇല്ല: ആമിര്‍ ഖാന്‍

താരെ സമീന്‍ പര്‍ ത്രീ ഇഡിയറ്റ്‌സ് തുടങ്ങി വ്യത്യസ്ത പ്രമേയത്തിലൂടെ പ്രേക്ഷകരെ എന്നും അത്ഭുതപ്പെടുത്തിയ അഭിനയ മികവാണ് ബോളിവുഡിന്റെ സ്വന്തം ആമിര്‍ ഖാന്. എന്നാല്‍ ആരുമായും മത്സരിക്കാനോ ഒപ്പമെത്താനോ താനില്ലെന്ന് പറയുകയാണ് താരം.

Ads By Google

‘ആളുകള്‍ എന്റെ അടുത്ത് നിന്നും കൂടുതല്‍ പ്രതീക്ഷിക്കുന്നു എന്നതാണ് ഏറ്റവും വലിയ സമ്മര്‍ദ്ദം. പ്രതീക്ഷ വര്‍ധിക്കുന്തോറും നമ്മുടെ ഉത്തരവാദിത്തം കൂടുസകയാണെ’ന്നും ആമിര്‍ പറഞ്ഞു.

പുറത്തിറങ്ങാനിരിക്കുന്ന തലാഷ് എന്ന ചിത്രത്തിന്റെ ഓഡിയോ റിലീസ് ചടങ്ങില്‍ സംസാരിക്കുകയായിരുന്നു അദ്ദേഹം.

തലാഷ് എന്ന് പറയുന്ന ചിത്രം ഒരു മുഴുനീള എന്റര്‍ടൈന്‍മെന്റ് ചിത്രമാണെന്ന് പറയാന്‍ വയ്യ. തികച്ചും വ്യത്യസ്തമാര്‍ന്ന പ്രമേയവും കഥാപാത്രവുമാണ് ചിത്രത്തില്‍ തനിയ്ക്ക് അവതരിപ്പിക്കാനുള്ളതെന്നും ആമിര്‍ പറയുന്നു.

ചിത്രത്തിനായി പ്രത്യേകം തയ്യാറായിട്ടൊന്നുമില്ലെന്നും പോലീസ് വേഷങ്ങള്‍ ഇതിന് മുന്‍പ് ചെയ്തുള്ള പരിചയം മാത്രമേ ഉള്ളൂവെന്നും താരം പറയുന്നു.

കരീനയും റാണിമുഖര്‍ജിയും ചിത്രത്തില്‍ മികച്ച കഥാപാത്രങ്ങളെയാണ് അവതരിപ്പിക്കുന്നത്. ഞാന്‍ ചെയ്യുന്ന കഥാപാത്രത്തിന്റെ ഭാര്യയായി റാണിയും സെക്‌സ് വര്‍ക്കറിന്റെ വേഷത്തില്‍ കരീനയും വേഷമിടുന്നുണ്ട്.-ആമിര്‍ പറഞ്ഞു.

Tagged with: