Categories

നിര്‍മല്‍ മാധവിനെ പ്രവേശിപ്പിക്കാന്‍ തീരുമാനിച്ചിട്ടില്ല: ഹൈദരലി തങ്ങള്‍

കോഴിക്കോട്: ചട്ടങ്ങള്‍ മറികടന്ന കോഴിക്കോട് വെസ്റ്റ്ഹില്‍ എഞ്ചിനിയറിങ് കോളേജില്‍ പ്രവേശനം നേടിയ നിര്‍മല്‍മാധവിനെ മലപ്പുറം പട്ടിക്കാട് എം.ഇ.എ. എന്‍ജിനിയറിങ് കോളജില്‍ പ്രവേശിപ്പിക്കാന്‍ തീരുമാനിച്ചിട്ടില്ലെന്ന് മുസ്‌ലിം ലീഗ് അധ്യക്ഷന്‍ പാണക്കാട് ഹൈദരലി ശിഹാബ് തങ്ങള്‍. നാലം സെമസ്റ്റര്‍ മെക്കാനിക്കല്‍ വിദ്യാര്‍ത്ഥിയായി നിര്‍മല്‍ മാധവിനെ എം.ഇ.എ കോളജില്‍ പ്രവേശിപ്പിക്കുന്നതില്‍ നിയമതടസ്സമുണ്ടോയെന്ന് പരിശോധിക്കണമെന്നും കോളേജ് ഭരണസമിതി പ്രസിഡന്റ് കൂടിയായ ഹൈദരലി തങ്ങള്‍ പറഞ്ഞു.

കോളേജ് മാനേജിങ് കമ്മിറ്റി യോഗം ചേര്‍ന്നാണ് അന്തിമമായി പ്രവേശനം നല്‍കുന്ന കാര്യത്തില്‍ തീരുമാനമെടുക്കുകയെന്ന് അദ്ദേഹം പറഞ്ഞു. ഇന്നുച്ചയ്ക്ക് മാനേജിങ് കമ്മിറ്റി യോഗം ചേരുന്നുണ്ടെന്നാണ് റിപ്പോര്‍ട്ട്.

മുഖ്യമന്ത്രി ചുമതലപ്പെടുത്തിയതിനെത്തുടര്‍ന്ന് ജില്ലാകളക്ടര്‍ വിളിച്ചുചേര്‍ത്ത വിദഗ്ധസമിതിയാണ് നിര്‍മലിനെ പട്ടിക്കാട് കോളജിലേക്ക് മാറ്റാന്‍ തീരുമാനിച്ചത്. എന്നാല്‍ ഹൈദരലി ശിഹാബ് തങ്ങളുടെ പ്രതികരണത്തോടെ നിര്‍മ്മലിന്റെ പ്രവേശനം വീണ്ടും അനിശ്ചിതത്വത്തിലായി.

2 Responses to “നിര്‍മല്‍ മാധവിനെ പ്രവേശിപ്പിക്കാന്‍ തീരുമാനിച്ചിട്ടില്ല: ഹൈദരലി തങ്ങള്‍”

  1. Prakash

    വിദ്യാഭ്യാസ വകുപ്പ് തീറു കൊടുത്തിരിക്കുകയല്ലേ?

  2. jamsheed

    പ്രകാശിന്റെ വാക്കുകളില്‍ മറ്റൊരു അര്‍ഥം കാണുന്നു. ശിഹാബ് തങ്ങള്‍ പ്രസ്താവന നടത്താനുണ്ടായ കാരണം മനസ്സിലാകൂ സഹോദരാ..മാനേജ്‌മന്റ്‌ സ്ഥാപനഗളില്‍ അവര്‍ക്കും ഒരു തീരുമാനം ഉണ്ടാകില്ലേ…?

LEAVE YOUR COMMENTS

Press ctrl+g to toggle between English and Malayalam.