Categories

മുല്ലപ്പെരിയാറില്‍ സംസ്ഥാന മനുഷ്യാവകാശ കമ്മീഷന്‍ ഇടപെടില്ല

തിരുവനന്തപുരം: മുല്ലപ്പെരിയാര്‍ പ്രശ്‌നത്തില്‍ ഇടപെടാനാകില്ലെന്ന് സംസ്ഥാന മനുഷ്യാവകാശ കമ്മീഷന്‍ വ്യക്തമാക്കി. വിഷയം സുപ്രീംകോടതിയുടെ പരിഗണനയിലാണെന്നും പ്രശ്‌നത്തില്‍ ഇടപെടാനാകില്ലെന്നും സംസ്ഥാന മനുഷ്യാവകാശ കമ്മീഷന്‍ ചെയര്‍മാന്‍ ജസ്റ്റീസ് ജെ.ബി. കോശി പറഞ്ഞു.

വിഷയം പരിശോധിക്കാന്‍ കോടതി കമ്മറ്റിയെയും നിയോഗിച്ചിട്ടുണ്ട്. പ്രധാനമന്ത്രിക്കും പ്രശ്‌നത്തില്‍ ഇടപെടാനാകില്ലെന്നും ഒത്തുതീര്‍പ്പിന് മാത്രമേ സാധിക്കുവെന്നും ജസ്റ്റിസ് ജെ.ബി. കോശി മാധ്യമപ്രവര്‍ത്തകരോട് പറഞ്ഞു.

മുല്ലപ്പെരിയാര്‍ വിഷയം വലുതാക്കിയത് കേരളത്തിലെയും തമിഴ്‌നാട്ടിലെയും മാധ്യമങ്ങളും നേതാക്കളുമാണെന്ന് ജസ്റ്റിസ് ജെ.ബി. കോശി കുറ്റപ്പെടുത്തുകയും ചെയ്തു. ഇരുസംസ്ഥാനങ്ങളിലെയും ജനങ്ങള്‍ക്കിടയില്‍ ഭയാനകമായ സാഹചര്യം വളര്‍ത്തുന്നതും ഇവരാണെന്നും അദ്ദേഹം കുറ്റപ്പെടുത്തി.

Malayalam News
Kerala News in English

One Response to “മുല്ലപ്പെരിയാറില്‍ സംസ്ഥാന മനുഷ്യാവകാശ കമ്മീഷന്‍ ഇടപെടില്ല”

  1. Shiju

    സംസ്ഥാനത്തെ 50 ലക്ഷം ജനങ്ങൾ അനുഭവിക്കാൻ പോകുന്ന വിപത്തിൽ ഇടപ്പെടാൻ കഴിയില്ലെന്ന പറഞ്ഞ മനുഷ്യാവകാശ കമ്മീഷൻ നമ്മുക്ക് എന്തിനാണ്.. അല്ലയോ മനുഷ്യാവകാശ കമ്മീഷൻ പ്രതിനിധികളെ GO TO HELL

LEAVE YOUR COMMENTS

Press ctrl+g to toggle between English and Malayalam.