Categories

‘ലോട്ടറി: തമിഴ്‌നാട് എ ജി ഹാജരായതില്‍ തെറ്റില്ല’

കൊച്ചി: ഭൂട്ടാന്‍ ലോട്ടറിക്കേസില്‍ തമിഴ്‌നാട് അഡ്വക്കേറ്റ് ജനറല്‍ വാദിച്ചതില്‍ അപാകതയില്ലെന്ന് ഹൈക്കോടതി. തമിഴ്‌നാട് എ ജി പി എസ് രാമന്റെ വാദം സ്വീകരിക്കരുതെന്ന ആവശ്യം ഹൈക്കോടതി തള്ളുകയും ചെയ്തിട്ടുണ്ട്.

ലോട്ടറിക്കേസില്‍ മേഘാ ഡിസ്ട്രിബ്യൂട്ടേഴ്‌സിനായിട്ടായിരുന്നു പി എസ് രാമന്‍ കോടതിയില്‍ ഹാജരായത്. എന്നാല്‍ എ ജിയുടെ വാദം അംഗീകരിക്കരുതെന്ന് ആവശ്യപ്പെട്ട് യൂത്ത് കോണ്‍ഗ്രസ് കോടതിയില്‍ പരാതി നല്‍കുകയായിരുന്നു.നിയമപരമായ തടസ്സങ്ങളില്ലെങ്കില്‍ ഇത്തരം കേസുകളില്‍ എ ജിക്ക് ഹാജരാകാമെന്നും കോടതി നിരീക്ഷിച്ചു.

ഇത്തരം പരാതികള്‍ ദുരുദ്ദേശത്തോടെയുള്ളതാണെന്ന് കോടതി നിരീക്ഷിക്കുകയും ഹരജിക്കാരന്‍ 50000 രൂപ പിഴയടക്കണമെന്ന് വിധിക്കുകയുമായിരുന്നു. അതിനിടെ കേസില്‍ വിധിപറയുന്നത് കോടതി മാറ്റിവച്ചിട്ടുണ്ട്. കേസില്‍ ഇന്ന് അന്തിമവാദം പൂര്‍ത്തിയായി.

LEAVE YOUR COMMENTS

Press ctrl+g to toggle between English and Malayalam.