Categories

യുവത്വം നിലനിര്‍ത്താന്‍

20 സീക്രട്ട് ടിപ്‌സ്

യുവത്വവും ആരോഗ്യവും നിലനിര്‍ത്തുക ഏതൊരാളുടെയും ആഗ്രഹമാണ്. ജീവിത ശൈലി ചിട്ടപ്പെടുത്തിയാല്‍ ഇത് എളുപ്പം സാധിക്കാവുന്നതേയുള്ളൂ. പ്രായത്തെ തടയാന്‍ ആര്‍ക്കും കഴിയില്ല, എന്നാല്‍ പ്രായത്തെ അതിജീവിക്കാന്‍ ശരീരത്തെയും മനസിനെയും പ്രാപ്തമാക്കാന്‍ ഇതാ ലളിതമായ ചില നുറുങ്ങു വഴികള്‍.

1 വെള്ളം ധാരാളം കുടിക്കുക: ഇത് തൊലിയില്‍ ജലാംശത്തെ നിലനിര്‍ത്തി ശരീരത്തില്‍ ചുളിവുകള്‍ വരാതെ സഹായിക്കും. എട്ട് മുതല്‍ പത്ത് വരെ ഗ്ലാസ് വെള്ളമെങ്കിലും ദിവസം കുടിച്ചിരിക്കണം. ഇത് വെള്ളമായി തന്നെ ശരീരരത്തിലെത്തണം. ചായയും കോഫിയും മദ്യവുമൊന്നും ഇതിന് പകരമാവില്ല.

2 പ്രകൃതിക്കനുയോജ്യമായ ഭക്ഷണം: പഴങ്ങള്‍, പച്ചക്കറികള്‍, പരിപ്പുകള്‍ എന്നിവ ധാരാളം കഴിക്കുക.

3 ഗ്രീന്‍ ടീ: ആന്റി ഓക്‌സൈഡുകള്‍ അടങ്ങിയ ഗ്രീന്‍ ടീ വെയിലത്ത് തൊലിക്കുണ്ടാകുന്ന കേടുപാടുകളില്‍ നിന്നും സംരക്ഷിക്കുന്നു. ഇവയിലടങ്ങിയ ആന്റി ഓക്‌സൈഡുകള്‍ യുവത്വം നിലനിര്‍ത്തും

4.ആരോഗ്യദായകമായ എണ്ണകള്‍ : ഇത് ശരീരത്തില്‍ കൊഴുപ്പ് അടിഞ്ഞു കൂടുന്നതിനെ തടയുകയും തൊലിക്ക് വിറ്റാമിന്‍ പ്രദാനം ചെയ്ത് യുവത്വം നിലനിര്‍ത്തുന്നു.

5 ആവശ്യത്തിന് പ്രോട്ടിന്‍ അടങ്ങിയ ആഹാരം കഴിക്കുക: അമിനൊ ആസിഡ് അടങ്ങിയ പ്രോട്ടിനാണ ശരീര കോശത്തെ നിര്‍മ്മിക്കുന്നതും കേടുപാടുകള്‍ പരിഹരിക്കുന്നതും. പ്രാട്ടിന്‍ അടങ്ങിയ ആഹാരം കഴിക്കുന്നതിലൂടെ ആരോഗ്യമുള്ള മുടിയും തൊലിയും നഖവും ലഭിക്കുന്നു.

6 പഞ്ചസാര അടങ്ങിയ ആഹാരം കുറക്കുക: പഞ്ചസാര ധാരാളം അടങ്ങിയ ആഹാരം തൊലിയെ പരുക്കനാവാനും ചുളിയിക്കാനും ഇടയാക്കുന്നു.

7 വെയില്‍ കൊള്ളാതിരിക്കുക: സൂര്യ പ്രകാശത്തിലൂടെ വിറ്റാമിന്‍ D യും കാല്‍സ്യവും ശരീരത്തിന് ലഭിക്കുന്നെങ്കിലും നിരന്തരമായി സൂര്യ പ്രകാശം നേരിട്ട് പതിക്കുന്നത് തൊലിയില്‍ ക്യാന്‍സര്‍ രോഗത്തിന് വഴിതെളിയിക്കും.

8 സോപ്പ് ശ്രദ്ധിച്ച് ഉപയോഗിക്കുക: ഓരോരുത്തരുടെയും തൊലിയുടെ സ്വഭാവത്തിന് അനുയോജ്യമായ സോപ്പുകള്‍ ഉപയോഗിക്കാന്‍ പ്രത്യേകം ശ്രദ്ധിക്കണം.

9 സൗന്ദര്യ വര്‍ധക വസ്തുക്കള്‍ ഉപയോഗിക്കുമ്പോള്‍ ശ്രദ്ധിക്കേണ്ടതുണ്ട്. ഇത്തരം വസ്തുക്കള്‍ വാങ്ങുമ്പോള്‍ ലേബല്‍ പരിശോധിച്ച് ഉള്ളടക്കം എന്താണെന്ന് മനസിലാക്കണം. വിറ്റാമിന്‍ എ അടങ്ങിയ വസ്തുക്കള്‍ സന്ധികളിലെ ദ്രവം വര്‍ധിപ്പിക്കുകയും സെല്‍ പ്രത്യുല്‍പാദനത്തിന് കാരണമാകുകയും ചെയ്യും.

10. ബെഡ് ലോഷന്‍: കിടക്കുന്നതിന് മുമ്പ് ക്രീമുകളും ലോഷനുകളും ഉപയോഗിക്കുന്നത് നന്നായിരിക്കും. കാരണം ഉറങ്ങുമ്പോള്‍ ശരീരത്തിന്റെ ഊഷ്മാവ് വളരെ ഉയര്‍ന്നിരിക്കും. ശരീരത്തെ പാകപ്പെടുത്താന്‍ ഇത്തരം ക്രീമുകള്‍ക്ക് കഴിയും.

11. കൈകള്‍ വൃത്തിയായി സൂക്ഷിക്കു: ഒരാളുടെ പ്രായം എളുപ്പം അളക്കാന്‍ കൈകളിലൂടെ കഴിയും. കൈകള്‍ വൃത്തിയായി സൂക്ഷിക്കേണ്ടതുണ്ട്. കൈകളില്‍ ക്രീമുകള്‍ ഉപയോഗിച്ചും വിരലുകള്‍ ബ്രഷ് ചെയ്ത് അഴുക്കകള്‍ കളഞ്ഞും ഇത് സാധിക്കാം. നാരങ്ങാ നീരും ഉപ്പും ഉപയോഗിച്ച് കൈകള്‍ വൃത്തിയാക്കാം.

12. കാല്‍പാദ സംരക്ഷണം: കൈകള്‍ പോലെ തന്നെ സംരക്ഷിക്കേണ്ടതാണ് കാലും. എന്നാല്‍ പലപ്പോഴും അത് ഉണ്ടാവാറില്ല. ചൂടുള്ള വെള്ളത്തില്‍ കഴുകിയും കല്ലില്‍ കാല്‍ ഉരച്ചും മൃദുലപ്പെടുത്താം.

13. മസാജ്: മസാജ് ശാരീരികമായും ബുദ്ധിപരമായും മനുഷ്യനെ ഊര്‍ജസ്വലനാക്കുന്നു. ഇത് ത്വക്കിനെ ആരോഗ്യമുള്ളതാക്കുന്നു. രക്ത സമ്മര്‍ദം നിയന്ത്രിക്കുന്നു. സന്ധികളെ ബലപ്പെടുത്തുകയും ശരീരത്തിന് അനായാസത ഉണ്ടാക്കുകയും ചെയ്യും.

14. യോഗ പരിശീലനം: യോഗയിലെ ചലനങ്ങള്‍ ശാരീരികവും മാനസികവുമായി ഏറെ ഗുണം ചെയ്യുന്നതാണ്. ശീര്‍ഷാസനം പോലുള്ളവ രക്തയോട്ടം സുഖമമാക്കുന്നു.

15. നല്ല ചിന്ത: ഹൃദയ ശുദ്ധി യുവത്വത്തെ നിലനിര്‍ത്തും. നല്ല ചിന്തകള്‍ ശരീരത്തിലെ രക്ത സമ്മര്‍ദം കുറക്കുന്നു.

16, ജോഗിങ്: ഓട്ടം ശരീരത്തിന്റെ തൂക്കം കുറയുന്നതിന്ന് സഹായിക്കും. ശരീരത്തിന്റെ ഫിറ്റ്‌നസ് നിലനിര്‍ത്തി യുവത്വം പ്രദാനം ചെയ്യുന്നു. ശുദ്ധ വായുവും ഏറെ ഗുണം ചെയ്യും.

17. ജിംനേഷ്യം: ജിംനേഷ്യത്തിലെ വ്യായാമങ്ങള്‍ ശരീരത്തിലും തൊലിയിലും യുവത്വം നിലനിര്‍ത്തും.

18. പുഞ്ചിരി: വിശ്വസിച്ചാലും ഇല്ലെങ്കിലും പുഞ്ചിരി നിങ്ങളുടെ യുവത്വം കാത്ത് സൂക്ഷിക്കുന്നതില്‍ വലിയ പങ്ക് വഹിക്കുന്നുണ്ട്. ഇത് രക്ത സമ്മര്‍ദം കുറക്കുന്നു. പ്രതിരോധ ശേഷി വര്‍ധിപ്പിക്കുകയും ചെയ്യും.

19. നിത്യേനയുള്ള ധ്യാനം: ആന്തരികമായി ശാന്തനാവാന്‍ ധ്യാനം നിങ്ങളെ സഹായിക്കുന്നു. മനസിലെ ശാന്തത ശരീരത്തില്‍ പ്രതിഫലിക്കും.

20. ആസ്വദിച്ച ഉറങ്ങുക: പര്യാപ്തമായ ഉറക്കവും നിങ്ങളുടെ യുവത്വവും ത്മമില്‍ നല്ല ബന്ധമുണ്ട്. ആവശ്യത്തിന് ഉറക്കം ലഭിച്ചില്ലെങ്കില്‍ അത് ശരീരത്തെയും തൊലിയെയും ബാധിക്കും. നേരത്തെ കിടന്ന് നേരത്തെ എഴുന്നേല്‍ക്കുന്നത് നിങ്ങളുടെ ശരീരത്തിന് ഏറെ ഗുണം ചെയ്യും.

3 Responses to “യുവത്വം നിലനിര്‍ത്താന്‍”

  1. sabeena

    ho iniyipo enthoke srathikanam?

  2. mujeeb k. patel

    സൌന്ദര്യ വാര്‍ധക വസ്തുക്കള്‍ ജീവിതത്തില്‍ നിന്നും പാടെ ഉപേക്ഷിക്കെന്ടതിനു പകരം അത് ഉപയോഗിച്ച് യുവത്വം നിലനിര്‍ത്തണമെന്ന് പറയുന്നതില്‍ ഒരര്തവുമില്ല.

  3. dolo

    ബ്ലഡ്‌ പ്രഷര്‍ എങ്ങനെ ഉണ്ടാകുന്നു
    http://www.youtube.com/watch?v=XRRL6i2785A&list=UU-e6aoqKT4Q5Wce06RoGzYg&index=7&feature=plcp

LEAVE YOUR COMMENTS

Press ctrl+g to toggle between English and Malayalam.