Categories

തന്റെ സംഘാംഗങ്ങള്‍ക്കെതിരെ പ്രവര്‍ത്തിക്കുന്നത് യു.പി.എയിലെ നാലുപേര്‍

ന്യുദല്‍ഹി : തന്റെ സംഘാംഗങ്ങള്‍ക്കെതിരെയുള്ള ആരോപണങ്ങള്‍ക്കു പിന്നില്‍ യു.പി.എ സര്‍ക്കാരിലെ നാല്‍വര്‍ സംഘമെന്ന് ഗാന്ധിയന്‍ അണ്ണാ ഹസാരെ. ജന്‍ലോക്പാല്‍ ബില്ലിനെ എതിര്‍ക്കുന്ന ഇവര്‍ തന്റെ സംഘാംഗങ്ങളെ വ്യക്തിഹത്യ നടത്തുകയാണെന്നും ഹസാരെ വ്യക്തമാക്കി.

‘ആരോപണങ്ങള്‍ ചിലരുടെ മാത്രം സൃഷ്ടിയാണ്. കുറ്റപ്പെടുത്തുകയും മാനസികമായി തളര്‍ത്തുകയും ചെയ്യുന്നത് ഇവരുടെ ശീലമാണ്. കോണ്‍ഗ്രസ് പാര്‍ട്ടിയിലെയും സര്‍ക്കാരിലെയും എല്ലാ മന്ത്രിമാരെയുമല്ല ഞാന്‍ കുറ്റപ്പെടുത്തുന്നത്. സര്‍ക്കാരില്‍ ആത്മാര്‍ത്ഥതയും അര്‍പ്പണമനോഭാവവുമുള്ളവരുണ്ട്. എന്നാല്‍ ഈ നാല്‍വര്‍ സംഘം ഇവരെ മിണ്ടാന്‍ അനുവദിക്കുന്നില്ല ‘. ഹസാരെ പറയുന്നു.

സ്ഥിരമായി കിരണ്‍ ബേദിക്കെതിരെ ആരോപണങ്ങള്‍ ഉന്നയിക്കുകയാണ്. ലോക്പാല്‍ ബില്ലിനെ എതിര്‍ക്കുന്ന ഇവര്‍ കാബിനറ്റില്‍ സ്വാധീനമുള്ളവരാണ്.ശക്തരായ ഒന്നോ രണ്ടോ പേര്‍ ഒരു ഗ്രാമം അടക്കിഭരിക്കുന്നതു പോലെയാണിത്. ശക്തരായ ഇവര്‍ക്കെതിരെ ചെറുവിരല്‍ പോലും ഉയര്‍ത്താന്‍ കഴിയില്ല. ഹസാരെ പറഞ്ഞു. എന്നാല്‍ നാല്‍വര്‍ സംഘം ആരാണെന്ന് അദ്ദേഹം വ്യക്തമാക്കിയില്ല.

അതേസമയം, ലോക്പാല്‍ ബില്‍ പാസാക്കിയില്ലെങ്കില്‍ ശക്തമായ രോഷം നേരിടേണ്ടി വരുമെന്ന് അണ്ണാ ഹസാരെ താക്കീത് ചെയ്തു. തന്റെ സംഘാംഗങ്ങള്‍ക്കെതിരെ സര്‍ക്കാര്‍ പ്രതികാര നടപടിയെടുക്കുകയാണെന്നും അദ്ദേഹം ആരോപിച്ചു.പാര്‍ലമെന്റിന്റെ ശീതകാല സമ്മേളനത്തില്‍ ലോക്പാല്‍ ബില്‍ പാസാക്കിയില്ലെങ്കില്‍ പൊതു തെരഞ്ഞെടുപ്പില്‍ കോണ്‍ഗ്രസിനെതിരെ പ്രചരണം നടത്തുമെന്നും അദ്ദേഹം മുന്നറിയിപ്പ് നല്‍കി.

സമീപകാലത്തായി ഹസാരെ സംഘാംഗങ്ങളായ കിരണ്‍ ബേദി , അരവിന്ദ് കെജ്രിവാള്‍ എന്നിവര്‍ക്കെതിരെ അഴിമതിയാരോപണങ്ങള്‍ ഉയര്‍ന്നിരുന്നു.

5 Responses to “തന്റെ സംഘാംഗങ്ങള്‍ക്കെതിരെ പ്രവര്‍ത്തിക്കുന്നത് യു.പി.എയിലെ നാലുപേര്‍”

  1. anu

    ശക്തരായ ഒന്നോ രണ്ടോ പേര്‍ ഒരു ഗ്രാമം അടക്കിഭരിക്കുന്നതു പോലെയാണിത്. അങ്ങ് ralegoan sidhi യില്‍ ചെയുനത്തെ പോലെ ????

  2. J.S. Ernakulam.

    കൂടെയുള്ളവരുടെ അഴിമതി ആദ്യം നിര്തലക്കണം.
    അല്ലെങ്കില്‍ താങ്കളുടെ പേരും /ഇതേവരെയുള്ള ഇമേജും മോശമാകും…..

  3. ശുംഭന്‍

    ഹസാരെ സംഘാംഗങ്ങളുടെ പ്രവൃത്തികള്‍ തലനാരിഴ കീറി പരിശോധിക്കുന്നവര്‍ ആര്‍ക്കു വേണ്ടിയാണ് പ്രവര്‍ത്തിക്കുന്നത് എന്ന് മനസിലാക്കാന്‍ സാമാന്യ ബുദ്ധി മതി. അഴിമതിക്കെതിരെ പ്രവര്‍ത്തിക്കുന്നവരെ അഴിമതിക്കാരായി പിടിക്കാന്‍ ഇവര്‍ക്ക് എന്തൊരു ഉത്സാഹം! കൊള്ളയടിച്ചതിന്റെ വീതം കണക്കു പറഞ്ഞു വാങ്ങി തിന്നു ജീവിക്കുന്ന വെറും കഴുതപ്പുലികള്‍ ആണിവര്‍.

  4. mohan

    ഹസാരെയുടെ സമരത്തിനെതിരെ ആദ്യമൊന്നും ഒന്നും പറയതിരുന്ന 2G (manmohan g & soniya g ) അവരെ കള്ളക്കേസില്‍ കുടുക്കാന്‍ തന്ത്രങ്ങള്‍ മെനയുകയായിരുന്നു . ഹസരെക്കെതിരെ പറയുന്നവര്‍ എന്ത് മഹത്വമാണ് ഈ അഴിമാതിക്കാരില്‍ കാണുന്നത് .

  5. Asees

    അഴിമാതിക്കാരില്‍ ആരും മഹത്വം കാണുന്നില്ല മോഹന്‍ സാറേ .അഴിമതിക്കാരായ കൊന്ഗ്രസ്സുഅരില് മഹത്വം കാനതതുപോലെ അഴിമതിക്കാരായ അണ്ണാ ടീമിലെ ചില ആളുകളിലും മഹത്വം കാണുന്നില്ലാ .അധികം മേടിച്ച പണം തിരിച്ചു കൊടുത്ത വിവരം അറിഞ്ഞു കാണും .ഇതൊക്കെ തന്നെയാണ് കൊണ്ഗ്രസ്സും ചെയ്യുന്നത് .പിന്നെ അണ്ണാ ടീമും കൊണ്ഗ്രസ്സും തമ്മില്‍ എന്താണ് വ്യത്യ്വാസം ?? ലോകല്‍ ക്ലാസീല് സഞ്ചരിച്ചു , മുന്തിയ കലാസിന്റെ കാശ് മേടുച്ചു .ഒരു ചെറിയ തട്ടിപ്പ് .ഇതേ തട്ടിപ്പ് വളര്‍ന്നു വരുമ്പോളാണ് ടുജി പോലോത്ത വലിയ തട്ടിപ്പ് ഉണ്ടാകുന്നത്?

LEAVE YOUR COMMENTS

Press ctrl+g to toggle between English and Malayalam.