Categories

എ.ആര്‍ റഹ്മാന് ഇന്ന് 46ാം പിറന്നാള്‍

AR-Rahman

ഇന്ത്യന്‍ സംഗീത ലോകത്തിലെ വിസ്മയം എ.ആര്‍ റഹ്മാന് ഇന്ന് 46ാം പിറന്നാള്‍. വലിയ ബഹളങ്ങളില്ലാതെ ചെറിയ രീതിയിലാണ് റഹ്മാന്റെ പിറന്നാളാഘോഷം.

1992 ല്‍ പുറത്തിറങ്ങിയ റോജ എന്ന ചിത്രത്തിലെ ഗാനങ്ങളിലൂടെയാണ് എ.ആര്‍ റഹ്മാന്‍ എന്ന സംഗീത രാജാവിന്റെ ഉയര്‍ച്ച. പിന്നീട് റഹ്മാന്‍ കരവിരുതില്‍ വിരിഞ്ഞ മാസ്മരിക സംഗീതങ്ങളായിരുന്നു ആരാധകര്‍ കേട്ടത്.

സ്ലം ഡോഗ് മില്യനയര്‍ എന്ന ചിത്രത്തിലെ സംഗീതത്തിലൂടെ എ.ആര്‍ റഹ്മാന്റെ സംഗീത മികവ് ലോകവും അംഗീകരിച്ചു. ഇന്ത്യന്‍ ക്ലാസിക് സംഗീതത്തിന് ലോകം നല്‍കിയ അംഗീകാരമായിരുന്നു എ.ആര്‍ റഹ്മാന് ലഭിച്ച ഓസ്‌കാര്‍.

23 ാമത്തെ വയസ്സിലാണ് ദിലീപ് കുമാര്‍ എന്ന യുവാവ് എ.ആര്‍ റഹ്മാനാകുന്നത്. സംഗീതം കൊണ്ട് രാജ്യത്തിനകത്തും പുറത്തും ആരാധകരെ സൃഷ്ടിച്ച എ.ആര്‍ റഹ്മാനെ  രാജ്യം പദ്മഭൂഷണ്‍ നല്‍കി ആദരിച്ചിട്ടുണ്ട്.

Tagged with: