Categories

Headlines

ഗ്രീസ് സാമ്പത്തിക പ്രതിസന്ധി ഇന്ത്യയെ ബാധിക്കില്ല: രഘുറാം രാജന്‍

raguramചെന്നൈ: ഗ്രീക്ക് സാമ്പത്തിക പ്രതിസന്ധി ഇന്ത്യയെ അധികമൊന്നും ബാധിക്കില്ലെന്ന് റിസര്‍വ്വ് ബാങ്ക് ഗവര്‍ണര്‍ രഘുറാം രാജന്‍. ‘ഗ്രീസ് വളരുന്ന സാഹചര്യത്തിലാണ്. ഇന്ത്യയ്ക്കുമേല്‍ ഗ്രീസിന്റെ നേരിട്ടുള്ള സ്വാധീനം വളരെ കുറവാണ്. സാമ്പത്തികമായും വാണിജ്യമായും.’ റിസര്‍വ്വ് ബാങ്ക് ബോര്‍ഡ് യോഗത്തില്‍ അദ്ദേഹം പറഞ്ഞു.

ഇന്ത്യ ശക്തമായി തന്നെ മുന്നോട്ടു പോകുന്നുണ്ടെന്ന് നിക്ഷേപകര്‍ കാണുന്നുണ്ട്. ഗ്രീക്ക് സാമ്പത്തിക പ്രതിസന്ധിയുടെ പരോക്ഷമായ സ്വാധീനം വിനിമയ നിരക്കില്‍ ഉണ്ടായേക്കും. ഗ്രീസിലെ സംഭവവികാസങ്ങളോട് യൂറോ എങ്ങനെ പ്രതികരിക്കും എന്നത് അനുസരിച്ചിരിക്കും ഇതെന്നും അദ്ദേഹം വ്യക്തമാക്കി.

ഇന്ത്യയുടേത് മികച്ച നയങ്ങളാണെന്നും മറ്റ് ലോകരാജ്യങ്ങളെ അപേക്ഷിച്ച് ഇന്ത്യയുടെ വളര്‍ച്ചാ കാഴ്ചപ്പാട് കുറേക്കൂടി ആരോഗ്യകരമാണെന്നും അദ്ദേഹം വ്യക്തമാക്കി.

അതിനിടെ സാമ്പത്തിക പ്രതിസന്ധി രൂക്ഷമായ ഗ്രീസില്‍ ഇന്ന് ഹിതപരിശോധന നടക്കുകയാണ്. വായ്പ സ്വീകരിക്കാന്‍ യൂറോപ്യന്‍ യൂണിയന്‍ മുന്നോട്ടുവെച്ചിട്ടുള്ള നിബന്ധനകള്‍ അംഗീകരിക്കണമോ എന്ന കാര്യത്തിലാണ് ഹിതപരിശോധന നടക്കുന്നുണ്ട്.



‘ആ കേസ് മധ്യപ്രദേശ് പൊലീസ് കെട്ടിച്ചമച്ചത്’ ചാമ്പ്യന്‍ ട്രോഫിയ്ക്കിടെ പാക്കിസ്ഥാനെ അനുകൂലിച്ചെന്നാരോപിച്ച് 15 മുസ്‌ലിം യുവാക്കള്‍ക്കെതിരെ കേസെടുത്ത സംഭവത്തില്‍ പരാതിക്കാരന്റെ വെളിപ്പെടുത്തല്‍

ന്യൂദല്‍ഹി: ചാമ്പ്യന്‍ ട്രോഫിയുമായി ബന്ധപ്പെട്ട് പാകിസ്ഥാന്‍ ടീമിന്റെ വിജയം ആഘോഷിച്ചു എന്നാരോപിച്ച് 15 മുസ്‌ലിം യുവാക്കള്‍ക്കെതിരെ കേസെടുത്ത സംഭവത്തില്‍ ഞെട്ടിക്കുന്ന വെളിപ്പെടുത്തലുമായി പരാതിക്കാരന്‍. കേസ് പൊലീസ് കെട്ടിച്ചമച്ചതാണെന്നും തന്റെ ഫോണ്‍ തട്ടിപ്പറിഞ്ഞ് പൊലീസ് തന്നെയാണ് പരാതി പറഞ്ഞതെന്നാണ് പരാതി നല്‍കിയെന്നു പൊലീസ് ആരോപിക്കുന്ന സുഭാഷിന്റെ വെളിപ