Categories

ഒളിക്യാമറാ വിവാദത്തില്‍ തന്നെ കുടുക്കിയത് എസ്.ശര്‍മയും ചന്ദ്രന്‍ പിള്ളയും: ഗോപി കോട്ടമുറിക്കല്‍

തിരുവനന്തപുരം: ഒളിക്യാമറാ വിവാദത്തില്‍ തന്നെ കുടുക്കിയത് മുന്‍ മന്ത്രി എസ്.ശര്‍മയും സി.പി.ഐ.എം കേന്ദ്രകമ്മിറ്റി അംഗം കെ.ചന്ദ്രന്‍പിള്ളയുമാണെന്ന് ഗോപി കോട്ടമുറിക്കല്‍. മനോരമ ന്യൂസിന്റെ നേരെ ചൊവ്വേ പരിപാടിയ്ക്കിടേയാണ് ഗോപി കോട്ടമുറിക്കല്‍ ഇക്കാര്യം വ്യക്തമാക്കിയത്.

ചന്ദ്രന്‍ പിള്ളയുടെ ലാപ് ടോപ്പ് പിടിച്ചെടുക്കാന്‍ അന്വേഷണകമ്മീഷനോട് ആവശ്യപ്പെടുമെന്നും അദ്ദേഹം വ്യക്തമാക്കി. ശര്‍മയുടെ രണ്ട് പഴ്‌സനല്‍ സ്റ്റാഫിനെ ചോദ്യം ചെയ്യാനും അന്വേഷണ കമ്മിഷനോട് ആവശ്യപ്പെട്ടിരുന്നുവെന്നും ഗോപി വെളിപ്പെടുത്തുന്നു.

താനുമായി ബന്ധമുണ്ടെന്ന് ആരോപിക്കപ്പെട്ട അഭിഭാഷകയില്‍നിന്ന് നിര്‍ബന്ധിച്ച് പരാതി എഴുതിവാങ്ങാന്‍ ശ്രമമുണ്ടായിട്ടുണ്ട്. അന്വേഷണകമ്മിഷന്‍ അംഗമാകുന്നതിനു മുന്‍പ് എം.സി.ജോസഫൈന്‍ അഭിഭാഷകയെ കണ്ടത് സംശയകരമാണെന്നും ഗോപി കോട്ടമുറിക്കല്‍ പറഞ്ഞു.

നെടുമ്പാശ്ശേരിയില്‍ നിലംനികത്താന്‍ കൂട്ടുനില്‍ക്കാത്തതാണ് ശര്‍മയ്ക്ക് തന്നോടുള്ള ശത്രുതയ്ക്ക് കാരണം. നെടുമ്പാശേരിയില്‍ സ്വകാര്യസ്ഥാപനത്തിനുവേണ്ടി 150 ഏക്കര്‍ നിലംനികത്താന്‍ എസ്.ശര്‍മയുടെ അറിവോടെ ശ്രമംനടന്നിട്ടുണ്ടെന്നും ഗോപി കോട്ടമുറിക്കല്‍ വെളിപ്പെടുത്തി.

നിലംനികത്തലിനെതിരെ വി.എസ്. ശക്തമായ നിലപാടെടുത്തിരുന്ന സമയത്താണ് ഇത്തരമൊരു നീക്കം നടന്നതെന്നും ഗോപി കോട്ടമുറിക്കല്‍ വ്യക്തമാക്കി.

ശര്‍മയ്ക്ക് എന്നോടുള്ള ശത്രുതയ്ക്ക് വേറെയും കാരണമുണ്ട്. ഏരിയാ കമ്മിറ്റിയുടെ തീരുമാനത്തെ ജില്ലാസെക്രട്ടറിയായ ഞാന്‍ എതിര്‍ത്തു. അത എന്നോടുള്ള ശത്രുത വര്‍ദ്ധിക്കാന്‍ കാരണമായി. -അദ്ദേഹം പറഞ്ഞു.

എന്നാല്‍ ആരോണത്തെ കുറിച്ച് ഉത്തരവാദിത്തപ്പെട്ടവരോട് ചര്‍ച്ചചെയ്യുമെന്ന് സി.പി.ഐ.എം സംസ്ഥാനകമ്മറ്റിയംഗം എം.സി ജോസഫൈന്‍ പറഞ്ഞു.



‘അഡ്മിന്റെ പ്രേരണ അതിജീവിക്കാന്‍ കഴിയാതെ ഒരു പാതിരാത്രിയില്‍ തെളിവെല്ലാം ഡിലീറ്റ് ചെയ്തിട്ട് അവന്‍ പോയി’; 2006 ല്‍ മകന്‍ ആത്മഹത്യ ചെയ്തതിന് പിന്നില്‍ ബ്ലൂവെയിലെന്ന വെളിപ്പെടുത്തലുമായി എഴുത്തുകാരി

ബ്ലൂവെയില്‍ ഗെയിമുമായി ബന്ധപ്പെട്ട ആത്മഹത്യ വാര്‍ത്തയാകുമ്പോള്‍ മുമ്പും സമാനസംഭവങ്ങളുണ്ടായിട്ടുണെന്ന് വെളിപ്പെടുത്തലുമായി എഴുത്തുകാരി എസ്. സരോജം.തിരുവനന്തപുരം വിളപ്പിന്‍ശാല സ്വദേശിയായ മനോദ് എന്ന പ്ലസ് വണ്‍ വിദ്യാര്‍ത്ഥിയുടെ മരണത്തിന് പിന്നില്‍ ബ്ലൂവെയിലാണെന്ന അമ്മയുടെ വെളിപ്പെടുത്തലിന് പിന്നാലെയാണ് കേരളം വിഷയത്തില്‍ ആശങ്കപ്പെട്ടു തുടങ്ങിയത്.Also Read:  ‘മരണകള