കൊച്ചി: സ്വര്‍ണ വില താഴ്ന്നു. പവന് 120 രൂപ കുറഞ്ഞ് 23,280 രൂപയും ഗ്രാമിന് 15 രൂപ കുറഞ്ഞ് 2,910 രൂപയുമായി. വെള്ളിയാഴ്ച പവന് 160 രൂപ വര്‍ധിച്ച് 23,400 രൂപയായിരുന്നു.

ആഗോളവിപണിയില്‍ ഉണ്ടായ ചാഞ്ചാട്ടമാണ് ആഭ്യന്തര വിപണിയില്‍ വില ഇടിയാന്‍ കാരണമായത്. അന്താരാഷ്ട്ര വിപണയില്‍ ട്രോയ് ഔണ്‍സിന് 31.1 ഗ്രാം 21.10 ഡോളര്‍ ഇടിഞ്ഞ് 1,720.50 ഡോളറിലെത്തി.

Ads By Google

24,160 രൂപയാണ് സ്വര്‍ണവിലയില്‍ ഇതുവരെ രേഖപ്പെടുത്തിയ ഏറ്റവും ഉയര്‍ന്ന നിരക്ക്. കഴിഞ്ഞ മാസം തുടങ്ങുമ്പോള്‍ 23,240 രൂപയായിരുന്നു   ഒരുപവന്‍ സ്വര്‍ണത്തിന് വില. പിന്നീട് കുതിച്ചുയര്‍ന്ന ശേഷം വില കുറഞ്ഞുതുടങ്ങുകയായിരുന്നു.

വിവാഹ, ഉത്സവ സീസണ്‍ തുടരുന്നതും രൂപയുടെ മൂല്യത്തകര്‍ച്ചയുമാണ് സ്വര്‍ണ വില ഉയര്‍ത്തിനിര്‍ത്തുന്നതെന്നാണ് വ്യാപാരികള്‍ പറയുന്നത്.

വിവാഹ സീസണ്‍ ആയതിനാല്‍ എല്ലാ ജ്വല്ലറികളിലും സ്വര്‍ണ ശേഖരം ഉയര്‍ത്തി നിര്‍ത്തുന്ന പ്രവണതയാണ് കാണിക്കുന്നത്.