Categories

സ്വര്‍ണ്ണം പവന് 160രൂപ വര്‍ധിച്ചു

gold and gemsകൊച്ചി: ആഗോള വിപണിയലെ വിലവര്‍ധനയ്ക്ക് പിന്നാലെ ആഭ്യന്തര വിപണിയിലും സ്വര്‍ണ വില ഉയര്‍ന്നു. പവന് 160 രൂപ യാണ് ഇന്ന് വര്‍ധിച്ചത്.

ഇതോടെ സ്വര്‍ണവില ഗ്രാമിന് 15രൂപ വര്‍ധിച്ച് 2065ഉം പവന് 16,520രൂപയുമായി.

പണപ്പെരുപ്പം ഉയരുന്നതാണ് വിലവര്‍ധനയ്ക്ക് പ്രധാന കാരണം. ഉയരുന്ന പണപ്പെരുപ്പത്തെ നേരിടാന്‍ മിക്ക രാജ്യങ്ങളും പലിശ നിരക്ക് വര്‍ധിപ്പിച്ചതോടെ സുരക്ഷിത നിക്ഷേപമെന്ന നിലയില്‍ നിക്ഷേപകര്‍ സ്വര്‍ണത്തെ സമീപിക്കാന്‍ തുടങ്ങിയതാണ് വിലവര്‍ധനയ്ക്ക് കാരണം.

ചൈന പലിശ നിരക്ക് കാല്‍ശതമാനം വര്‍ധിപ്പിച്ചതിന് പിന്നാലെ യൂറോപ്യന്‍ സെന്‍ട്രല്‍ ബാങ്കും പലിശ നിരക്കുയര്‍ത്താനിരിക്കുകയാണ്.

LEAVE YOUR COMMENTS

Press ctrl+g to toggle between English and Malayalam.