Administrator
Administrator
ഗണേശന്റേത് കോടമ്പാക്കം സംസ്‌കാരം
Administrator
Thursday 27th October 2011 11:48pm

adv.Jayasankar Varandhyamഅഡ്വ. ജയശങ്കര്‍

എനിക്ക് സഹതാപമാണ് തോന്നുന്നത്. ഒരു നല്ല ‘തറവാട്ടില്‍’ ജനിച്ചയാളാണ് ഗണേശന്‍ എന്നാണ് പറയുന്നത്. പക്ഷെ അദ്ദേഹത്തിന് ആ ‘തറവാടിത്തം’ തീരെയില്ല. നമ്മളൊക്കെ കോളേജില്‍ പഠിക്കാന്‍ പോയ കാലത്ത് കോടമ്പാക്കത്ത് സിനിമ പിടിക്കാന്‍ പോയ ആളാണ് അയാള്‍. ആ കോടമ്പാക്കം സംസ്‌കാരമാണ് അദ്ദേഹം കാണിക്കുന്നത്. അദ്ദേഹത്തില്‍ നിന്ന് അതല്ലേ പ്രതീക്ഷിക്കാന്‍ പറ്റൂ.

ഗണേശനും ബാലകൃഷ്ണപിള്ളക്കും ഒരേ അസുഖമാണ്. മൈക്ക് കണ്ടാല്‍ സ്വയം മറക്കുക. പിന്നെ വായില്‍ തോന്നിയതൊക്കെ വിളിച്ച് പറയും. അവസാനം പുലിവാല് പിടിക്കും. ബാലകൃഷ്ണപിള്ള പണ്ട് പഞ്ചാബ് മോഡല്‍ പ്രസംഗം നടത്തിയതിനാലാണ് അദ്ദേഹത്തിന് മന്ത്രിസ്ഥാനം പോയത്. അച്ഛന്റെ പഞ്ചാമ്പ് മോഡല്‍ മകന്റെ പത്തനാപുരം. ഇത് ഒരേ സ്ഥലത്ത് ചെന്നേ അവസാനിക്കൂ. സംസ്‌കാര ശൂന്യമായ ഈ പദ പ്രയോഗം നടത്തിയ ഗണേഷ് കുമാറിനെതിരെ കേരളത്തില്‍ വന്‍ പ്രതിഷേധം ഉണ്ടാക്കുമെന്ന് തന്നെയാണ് ഞാന്‍ കരുതുന്നത്.

TV RAJESHടി.വി.രാജേഷ്

മന്ത്രി ഗണേഷ് കുമാറിന്റെ പ്രസ്താവന അങ്ങേയറ്റം തരം താണതായിപ്പോയി. ഇത്തരം പ്രസ്താവനയിലൂടെ തനിക്ക് എത്രത്തോളം തരംതാഴാമെന്ന് ഗണേഷ് കുമാര്‍ തെളിയിച്ചിരിക്കുകയാണ്. ഇന്ന് ജീവിച്ചിരിക്കുന്നവരില്‍ ഏറ്റവും സമാദരണീയനായ രാഷ്ട്രീയ നേതാവാണ് വി.എസ് അച്യുതാനന്ദന്‍. മുന്‍ മുഖ്യമന്ത്രിയും ജനലക്ഷങ്ങളുടെ പ്രിയനേതാവുമായ വി.എസിനെതിരെ ഹീനമായ പ്രസ്താവന നടത്തിയ പാശ്ചാത്തലത്തില്‍ ഗണേഷ് കുമാറിനെ മന്ത്രിസഭയില്‍ നിന്ന് പുറത്താക്കാന്‍ മുഖ്യമന്ത്രി തയ്യാറാകണം.

ഇന്ത്യയിലെ ഏറ്റവും സമാദരണീയനായ രാഷ്ട്രീയ നേതാവാണ് സഖാവ് വി.എസ് അച്യുതാനന്ദന്‍. കേരളത്തിന്റെ മുന്‍മുഖ്യമന്ത്രിയും ജനലക്ഷങ്ങളുടെ പ്രിയ നേതാവുമാണ് അദ്ദേഹം. സ്വതന്ത്ര്യ സമരത്തില്‍ പങ്കെടുത്തിട്ടുള്ളവരില്‍ ഇന്ന് ജീവിച്ചിരുക്കുന്നതില്‍ ചുരുക്കം പേരിലൊരാളുമായ വി.എസിനെതിരെ ഇത്തരത്തില്‍ എന്തും വിളിച്ച് പറയാമെന്ന മന്ത്രിയുടെ ധിക്കാരപരമായ പ്രസ്താവന ഗുരുതരമായ പ്രത്യാഘാതം വിളിച്ച് വരുത്തും.

ഗണേഷ്‌കുമാറിന്റെ അച്ഛനായ ബാലകൃഷ്ണപിള്ളയെ ജയിലിലടച്ചത് ഇന്ത്യയിലെ പരമോന്നത നീതിപീഠമാണ്. സഖാവ് വി.എസ് അച്യുതാനന്ദനല്ല. മനുഷ്യത്വത്തെകുറിച്ചും സംസ്‌കാരത്തെകുറിച്ചും തരിമ്പെങ്കിലും ആദരവും സ്‌നേഹവുമുണ്ടെങ്കില്‍ ഗണേഷ് കുമാറിനെ മന്ത്രിസഭയില്‍ നിന്ന് പുറത്താക്കാന്‍ മുഖ്യമന്ത്രി തയ്യാറാകണം. ഗണേഷ് കുമാറിനെ മന്ത്രിസഭയില്‍ നിന്നൊഴിവാക്കിയില്ലെങ്കില്‍ മന്ത്രിമാരെ വഴിയില്‍ തടയും. മന്ത്രിയുടെ പ്രസ്താവനക്കെതിരെ ഡി.വൈ.എഫ്.ഐ നാളെ സംസ്ഥാന വ്യാപകമായി പ്രതിഷേധ ദിനമാചരിക്കുമെന്നും ടി.വി.രാജേഷ് ഡൂള്‍ന്യൂസി നോട് പറഞ്ഞു.

വി.എസിന് കാമഭ്രാന്തും ഞരമ്പ് രോഗവും: മന്ത്രി ഗണേഷ് കുമാര്‍


ഗണേഷ് കുമാറിന്റെ വിവാദ പരാമര്‍ശം: ഇപ്പോള്‍ പ്രതികരിക്കുന്നില്ലെന്ന്‌ വി.എസ്

Advertisement