Categories

പി.ഡി.പി പിളര്‍പ്പിലേക്ക്

കോഴിക്കോട്: പി.ഡി.പി നേതാന് ഗഫൂര്‍ പുതുപ്പാടി പാര്‍ട്ടി വിടുന്നു. പാര്‍ട്ടിക്കുള്ളില്‍ അഭിപ്രായ സ്വാതന്ത്ര്യം ഇല്ലാതായതായും ഈ സ്ഥിതിയില്‍ പാര്‍ട്ടിയില്‍ തുടരുന്നതില്‍ അര്‍ഥമില്ലെന്നും ഗഫൂര്‍ പുതുപ്പാടി അറിയിച്ചു.

ഗഫൂര്‍ പുതുപ്പാടിയുടെ നേതൃത്വത്തില്‍ ്അടിമാലിയില്‍ ചേരുന്ന യോഗത്തില്‍ ഇതുസംബന്ധിച്ച കൂടുതല്‍ തീരുമാനങ്ങളുണ്ടാകും.

പ്രത്യേക ചുമതലയില്‍ നിന്ന് ഒഴിവാക്കിക്കൊണ്ടുകൊള്ള അച്ചടക്ക നടപടിയാണ് തനിക്കെതിരെ ഉണ്ടായത്. സംസ്ഥാന സെക്രട്ടേറിയേറ്റ് അംഗത്വവും പാര്‍ട്ടിയുടെ സംസ്ഥാന, ജില്ലാ മണ്ഡലം കൗണ്‍സിലുകളുടെ അംഗത്വവും പാര്‍ട്ടി ഭരണഘടന അനുവദിക്കുന്നതാണ്.

എന്നിട്ടും പാര്‍ട്ടി നേതൃയോഗങ്ങളില്‍ പങ്കെടുക്കാനുള്ള അവസരം നിഷേധിക്കുകയും തനിക്ക് പറയാനുള്ളത് കേള്‍ക്കാന്‍ പോലും തയ്യാറാവാതിരിക്കുകയുമാണ്. കോഴിക്കോട് ജില്ലാ കൗണ്‍ലിലേക്ക് താന്‍ ക്ഷണിച്ചിട്ടാണ് പങ്കെടുത്തത്. അപമാനിച്ചുവിടാനുള്ള നേതൃത്വത്തിന്റെ ഒരു വിഭാഗത്തിന്റെ ശ്രമം പ്രവര്‍ത്തകര്‍ തടയുകയായിരുന്നു.

അച്ചടക്ക നടപടിയുടെ വിവരം ഇതുവരെയും എനിക്ക് രേഖാമൂലം നല്‍കിയിട്ടില്ല. ഇത് പാര്‍ട്ടി നടപടികള്‍ക്ക് ചേര്‍ന്നതല്ലെന്നും യോഗത്തില്‍ തന്നെ പങ്കെടുപ്പിക്കേണ്ടെന്ന് പാര്‍ട്ടി ചെയര്‍മാന്‍ പ്രവര്‍ത്തകര്‍ക്ക് അയച്ച കച്ചില്‍ പറഞ്ഞിട്ടില്ലെന്നും ജില്ലാ മണ്ഡലം നേതാക്കള്‍ ചൂണ്ടിക്കാട്ടിയിരുന്നു. അതിന് ശേഷണാണ് ബാംഗ്ലൂരില്‍ പോയി മഅദനിയുടെ അനുമതി വാങ്ങി എന്ന് പറയുന്നത്.

സ്വന്തം താല്‍പര്യങ്ങള്‍ നടപ്പാക്കിയിട്ട് പിന്നീട് ചോദ്യം ചെയ്യപ്പെടുമ്പോള്‍ പാര്‍ട്ടി ചെയര്‍മാന്റെ അനുമതി ‘ഒപ്പിച്ചെടുക്കുക’ എന്നതാണ് പുതിയ രീതി. ഇതിനോട് യോജിക്കാനാവില്ല. പാര്‍ട്ടിക്കുള്ളില്‍ നിന്നുകൊണ്ടുള്ള പ്രശ്‌ന പരിഹാരം അസാധ്യമായിരിക്കയാണ്. പ്രഖ്യാപിച്ച് ഒരു മാസമായിട്ടും അന്വേഷണ കമ്മീഷന്റെ പ്രഥമ യോഗം പോലും ചേര്‍ന്നിട്ടില്ല. ഒരു മാസമാണ് കമ്മീഷന്റെ കാലാവധിയെന്ന സാഹചര്യത്തിലാണിതെന്നും പുതുപ്പാടി പറഞ്ഞു.

One Response to “പി.ഡി.പി പിളര്‍പ്പിലേക്ക്”

  1. sajidh

    ഹലോ പുതുപാടി താങ്കള്‍ ഇത്രയും ദ്രിധിയടിച്ചു പാര്‍ട്ടിയില്‍ നിന്നും രാജി വക്കുന്നത് മണ്ടത്തരമാണ് കാരണം ഗഫൂര്‍ പുതുപടിയെന്ന നേതാവിനെ നേതാവക്കിയത് മദനിയും പി ഡി പി യും ആണെന്നകാര്യതില്‍ താങ്കള്‍ക്ക് സംശയമില്ലല്ലോ? ക്ഷമിക്കുക ചെയര്‍മാനെ നേരില്‍ ചെന്ന് കണ്ടു കാര്യങ്ങള്‍ അവധരിപ്പിക്കുക..താങ്കള്‍ ഇങ്ങനെയുള്ള പ്രസ്താവനകള്‍ ഇറക്കാതെ ശ്രദ്ധിക്കുക താങ്കള്‍ ഇതു പാര്‍ട്ടിയില്‍ ചെന്നാലും ആരും പൂവും മാലയും ഇട്ടു സ്വീകരിക്കാന്‍ പോകുന്നില്ല..ബിലാല്‍ പോയ വഴിയെ പോകാം ഇത് പോലെ കട്ട് പോയ ബലൂണ്‍ പോലെയാകും താങ്കളുടെ രാഷ്ട്രീയ ഭാവി നന്നായി ആലോചിക്കുക എന്നിട്ട് തീരുമാനങ്ങള്‍ പറയുക..താങ്കളുടെ കൂടെ കുറെ നേതാക്കന്മാര്‍ പാര്‍ട്ടി വിടുമെന്ന് താങ്കള്‍ വീമ്പു പറയുന്നുണ്ടല്ലോ..എനിക്ക് നന്നായിട്ടറിയാം ഈ നേതാക്കളെയെല്ലാം അവരുടെ വാര്‍ഡില്‍ പോലും 20 വോട്ട് പിടിച്ചു കൊടുക്കാന്‍ കഴിയാത്ത നേതാക്കളുടെ കാര്യമല്ലേ താങ്കള്‍ പറയുന്നത് അങ്ങിനെയുള്ള നേതാക്കളെ കുറിച്ച് പറഞ്ഞു അഹങ്കരിക്കേണ്ട..ഞങ്ങള്‍ എന്നും മദനിയുടെ കൂടെയുണ്ടാകും ഞങ്ങള്‍ അദ്ധേഹത്തിന്റെ മോജനതിനു വേണ്ടി കാത്തിരിക്കുന്നവരാണ് അദ്ദേഹം വന്നിട്ട് തീരുമാനം അറിയിക്കും അപ്പോള്‍ അത് പോലെ ചെയ്യും ഇങ്ങനെയാണ് പാര്‍ട്ടിയെ സ്നേഹിക്കുന്നവരും മദനിയെ സ്നേഹിക്കുന്നവരും ചെയ്യേണ്ടത്..അല്ലാതെ പത്രക്കാരെ കാണുമ്പോള്‍ തോള്ളയില്‍ തോന്നിയത് വിളിച്ചു പറയലല്ല..എന്തായാലും താങ്കള്‍ ആലോചിച്ചു തീരുമാനമെടുക്കുക…

LEAVE YOUR COMMENTS

Press ctrl+g to toggle between English and Malayalam.