എഡിറ്റര്‍
എഡിറ്റര്‍
ജനങ്ങളുടെ പ്രതീക്ഷയ്‌ക്കൊത്ത് ഭരിക്കാന്‍ കഴിയില്ലെങ്കില്‍ സര്‍ക്കാര്‍ രാജിവെച്ച് പോകണം: എന്‍.എസ്.എസ്
എഡിറ്റര്‍
Friday 2nd November 2012 12:43pm

കോട്ടയം: സംസ്ഥാനസര്‍ക്കാരിനെതിരെ വിമര്‍ശനവുമായി എന്‍.എസ്.എസ് വീണ്ടും രംഗത്ത്. ഭരിക്കാന്‍ അറിയാത്ത സര്‍ക്കാരാണ് കേരളത്തെ നയിക്കുന്നതെന്ന് എന്‍.എസ്.എസ് ജനറല്‍ സെക്രട്ടറി സുകുമാരന്‍ നായര്‍ കുറ്റപ്പെടുത്തി.

Ads By Google

ജനങ്ങളുടെ ആവശ്യം മനസിലാക്കിയും അവരുടെ പ്രതീക്ഷയ്‌ക്കൊത്തും ഭരിക്കാന്‍ സര്‍ക്കാരിന് കഴിയില്ലെങ്കില്‍ രാജിവെച്ച് പുറത്തുപോവുകയാണ് വേണ്ടത്.

സര്‍ക്കാര്‍ വകുപ്പുകള്‍ പലതും മന്ത്രിമാരുടെ സാമ്രാജ്യമായി മാറിയിരിക്കുന്നു. ഭരണത്തില്‍ അഴിമതിയും സ്വജനപക്ഷപാതവും അതിരു കടന്നിരിക്കുകയാണെന്ന് ജനങ്ങള്‍ക്ക് ബോധ്യപ്പെട്ടു.

ജനങ്ങളുടെ ആവശ്യങ്ങള്‍ എന്തെന്ന് സര്‍്ക്കാരിന് അറിയില്ല. അവരുടെ പല പദ്ധതികളും ലക്ഷ്യബോധമില്ലാതെയാണ് മുന്നോട്ട് പോകുന്നത്. ഇങ്ങനെ ഒരു സര്‍ക്കാരിനെ കേരളത്തിലെ ജനങ്ങള്‍ക്ക് ആവശ്യമുണ്ടോയെന്ന് ചിന്തിക്കണം

സര്‍ക്കാരും പാര്‍ട്ടി നേതൃത്വവും തമ്മില്‍ യോജിപ്പില്ല. പിന്നെ എങ്ങനെ ഇവര്‍ ജനത്തെ നയിക്കുമെന്നും സുകുമാരന്‍ നായര്‍ ചോദിച്ചു.

Advertisement