Administrator
Administrator
മഞ്ഞ്; ട്രെയിനുകള്‍ കൂട്ടിമുട്ടി പത്ത് മരണം
Administrator
Saturday 2nd January 2010 7:51pm

fog-accident-delhiന്യൂദല്‍ഹി: ഉത്തരേന്ത്യയില്‍ കനത്ത മൂടല്‍ മഞ്ഞില്‍ അകപ്പെട്ട് ജനജീവിതം താളം തെറ്റുന്നു. മഞ്ഞില്‍പ്പെട്ട് വത്യസ്തയിടങ്ങളില്‍ ട്രെയിനുകള്‍ കൂട്ടിമുട്ടി. പത്തുപേര്‍ മരിക്കുകയും 40 പേര്‍ക്ക് പരിക്കേല്‍ക്കുകയും ചെയ്തു. 15 പേരുടെ നില ഗുരുതരമാണ്. കാണ്‍പൂരിനടുത്ത പാങ്കി റെയില്‍വെ സ്‌റ്റേഷനില്‍ നിര്‍ത്തിയിട്ടിരുന്ന പ്രയാഗ്‌രാജ് എക്‌സ്പ്രസിനു മേല്‍ ഗൊരഖ്ധാം എക്‌സ്പ്രസ് വന്നിടിച്ചാണ് 10 പേര്‍ കൊല്ലപ്പെട്ടത്. ഇവരില്‍ ഏഴ് പേര്‍ പുരുഷന്‍മാരും മൂന്നു പേര്‍ സ്ത്രീകളുമാണ്.

യു പിയിലെ ഇറ്റാവക്കടുത്ത് സരൈഭോപാട്ട് റെയില്‍വേസ്‌റ്റേഷനില്‍ ലിഖാവി എക്‌സ്പ്രസ് മഗധ എക്‌സ്പ്രസുമായി കൂട്ടിയിടിച്ചുയതാണ് മറ്റൊരു അപകടം. മൂന്നാമത്തെ അപകടത്തില്‍ സരയു എക്‌സ്പ്രസ് ആളില്ലാത്ത ലെവല്‍ക്രോസില്‍ വെച്ച് ഒരു ട്രാക്ടര്‍ ട്രോളിയില്‍ ഇടിച്ചുകയറുകയായിരുന്നു. മരിച്ചവരുടെ ആശ്രിതര്‍ക്ക് 5 ലക്ഷവും, ഗുരുതരമായി പരിക്കേറ്റവര്‍ക്ക് ഒരുലക്ഷവും, സാരമായി പരിക്കേറ്റവര്‍ക്ക് പതിനായിരം രൂപയും നല്‍കാന്‍ റെയില്‍വേ മന്ത്രാലയം ഉത്തരവിട്ടു.

മൂടല്‍മഞ്ഞ് കാലത്ത് വിമാന സര്‍വ്വീസുകളേയും ബാധിച്ചു. ദല്‍ഹി ഇന്ദിരാഗാന്ധി അന്താരാഷ്ട്ര വിമാനതാവളത്തില്‍ നിന്നുള്ള വിമാന സര്‍വ്വീസുകള്‍ രാവിലെ പൂര്‍ണ്ണമായി താളംതെറ്റി. 13 അന്താരാഷ്ട്ര വിമാനങ്ങള്‍ തിരിച്ചുവിട്ടതായി എയര്‍പോര്‍ട്ട് വൃത്തങ്ങള്‍ അറിയിച്ചു. പുലര്‍ച്ചെ മൂന്നു മണിക്കു ശേഷം മൂന്നു മണിക്കൂറോളം വിമാന സര്‍വ്വീസ് സ്തംഭിച്ചു.

fog-train-accident

Advertisement