Categories

വെള്ളത്തിനടിയില്‍ മീന്‍ ‘നടത്തം’ ആരംഭിച്ചു

ചിക്കാഗോ: ജലത്തില്‍ നിന്ന് കരയിലേക്കുള്ള ജീവന്റെ വിപ്ലവകരമായ പരിണാമത്തിന്റെ ചരിത്രം തിരുത്തിക്കുറിക്കുകയാണ് ചിക്കാഗോ യൂണിവേഴ്‌സിറ്റിയിലെ ഒരു കൂട്ടം ശാസത്രജ്ഞര്‍.

നമ്മുടെ നാട്ടിലെ ആരല്‍ മത്സ്യത്തെപ്പോലെയോ മനഞ്ഞില്‍ മത്സ്യത്തെപ്പോലെ ശരീരാകൃതിയുള്ള മെലിഞ്ഞ മത്സ്യമാണ് ആഫ്രിക്കന്‍ ലംങ്ങ്ഫിഷ്. ഈ മത്സ്യം ജലത്തിലൂടെ നീങ്ങുന്ന വിധം ശാസ്ത്ര ലോകത്തിന് എന്നും കൗതുകകരമായ ഒന്നായിരുന്നു. മത്സ്യത്തിന്റെ വാല്‍ഭാഗത്ത് ചിറകുകള്‍ പോലോത്ത ഒരു അവയവം ഉണ്ട്. അത് തുഴഞ്ഞ് നീങ്ങുകയാണെന്നേ ഈ മത്സ്യത്തിന്റെ പോക്ക് കണ്ടാല്‍ തോന്നൂ.

ലോലമായ അവയവം ചലിപ്പിച്ച് ആഫ്രിക്കന്‍ ലംങ്ങ്ഫിഷ് നടത്തുന്നത് മുന്നോട്ട് നീങ്ങാന്‍ മാത്രമുള്ള ശ്രമമല്ലെന്നാണ് നാഷണല്‍ അക്കാദമി ഓഫ് സയന്‍സ് പുറത്തു വിട്ട വീഡിയോ വിശകലനം ചെയ്ത് ഗവേഷകര്‍ പറയുന്നത്.

മുന്‍വശത്ത് രണ്ടു ചിറകും പിന്നില്‍ വാല്‍ ഭാഗത്ത് പ്രത്യേക അവയവവുമുള്ള ഈ മത്സ്യത്തിനെ നാല് കാലുളളതായി (tetraposd) പരിഗണിക്കേണ്ടിവരുമത്രെ. ലിംങ്ഫിഷുകളുടെ പിന്‍ഗാമികളാണ് പിന്നീട് കരയില്‍ നാല് കാലുമായി പരിണമിച്ചത് എന്ന് ഗവേഷകര്‍ അനുമാനിക്കുകയാണ്.

ആഫ്രിക്കന്‍ ലംങ്ങ്ഫിഷ് ചലിക്കുന്നതിന്റെ വീഡിയോ കാണുക:

Malayalam News
News in English

LEAVE YOUR COMMENTS

Press ctrl+g to toggle between English and Malayalam.