Administrator
Administrator
അദ്വാനിയുടെ രഥയാത്ര കടന്നുപോകുന്ന വഴിയില്‍ ബോംബ്
Administrator
Friday 28th October 2011 12:07pm
Friday 28th October 2011 12:07pm

മധുര: തമിഴ്‌നാട്ടിലെ മധുരയില്‍ ബി.ജെ.പി നേതാവ് എല്‍.കെ.അദ്വാനിയുടെ ജനചേതനയാത്ര കടന്നുപോകുന്ന വഴിയില്‍ നിന്നു പൈപ്പ് ബോംബുകള്‍ കണ്ടെടുത്തു. തിരുപ്പറകണ്ടത്തിനും മധുരയ്ക്കുമിടയില്‍ അലമ്പാടി ഗ്രാമത്തിലെ പാലത്തിനു താഴെയാണ് ബോംബുകള്‍ കണ്ടെത്തിയത്. തുടര്‍ന്നു യാത്രയുടെ ദിശ മാറ്റി.

ഒരു യുവാവ് പാലത്തിനടിയില്‍ എന്തോ സ്ഥാപിക്കുന്നതായി കണ്ട നാട്ടുകാര്‍ വിവരം പൊലീസില്‍ അറിയിക്കുകയായിരുന്നു. തുടര്‍ന്നു നടത്തിയ തിരച്ചിലില്‍ ആണു രണ്ടു പൈപ്പ് ബോംബുകള്‍ കണ്ടെത്തിയത്. പൊലീസ് അന്വേഷണം ആരംഭിച്ചു. ആരെയും അറസ്റ്റ് ചെയ്തിട്ടില്ല.

അദ്വാനിയുടെ ജനചേതന യാത്രക്കു നേരെ ഭീകരാക്രമണം ഉണ്ടാകുമെന്നു നേരത്തെ മുന്നറിയിപ്പ് ഉണ്ടായിരുന്നു. ജനചേതനയാത്രയോട് അനുബന്ധിച്ച് കനത്ത സുരക്ഷയാണ് തമിഴ്‌നാട് സര്‍ക്കാര്‍ ഏര്‍പ്പെടുത്തിയിരുന്നത്.

malayalam news