Categories

ഭ്രൂണാവസ്ഥയിലെ കോശങ്ങളെ ഉപയോഗിച്ചുള്ള പരീക്ഷണങ്ങള്‍ നിരോധിച്ചു

ലണ്ടന്‍: ഭ്രൂണാവസ്ഥയിലെ കോശങ്ങളെ (Embryonic stem cells) ഉപയോഗിച്ചുള്ള പരീക്ഷണങ്ങള്‍ക്ക് യൂറോപ്പില്‍ നിരോധനം. ഭ്രൂണാവസ്ഥയിലെ കോശങ്ങളെ ഉപയോഗിച്ചുള്ള ഒരുതരത്തിലുള്ള പരീക്ഷണത്തിനും ഇനി അനുമതി ലഭിക്കില്ല. യൂറോപ്പിലാണ് വളരെ പ്രാധാന്യമുള്ള ഈ വിധി പ്രസ്താവം ഉണ്ടായിരിക്കുന്നത്.

എംബ്രിയോണിക് സ്‌റ്റെം സെല്‍സിന്‍മേലുള്ള പരീക്ഷണങ്ങള്‍ യൂറോപ്പില്‍ വ്യാപകമാണ്. നാശമായ അവയവങ്ങളെപ്പോലും പുനരുദ്ധീപിപ്പിക്കാനുള്ള ശേഷിയുണ്ട് എംബ്രിയോണിക് സ്‌റ്റെം സെല്‍സിന്. അന്ധത (Blindness), ബുദ്ധിഭ്രമം (Dementia), പക്ഷാഘാതം (Paralysis) എന്നീ അസുഖങ്ങള്‍ വരെ ഭേദമാക്കാന്‍ എംബ്രിയോണിക് സ്‌റ്റെം സെല്‍സിന്‍മേലുള്ള പരീക്ഷണങ്ങള്‍കൊണ്ട് സാധിക്കും.

ലോകത്താകമാനമുള്ള വൈദ്യശാസ്ത്ര ഗവേഷകര്‍ എംബ്രിയോണിക് സ്‌റ്റെം സെല്‍സിന്റെ പരീക്ഷണങ്ങള്‍ക്ക് ഭ്രൂണങ്ങള്‍ കണ്ടെത്തുന്നത് ഭ്രൂണഹത്യയാല്‍ ഉപേക്ഷിക്കപ്പെടുന്ന ഭ്രൂണങ്ങള്‍ ശേഖരിച്ചു വെച്ചുകൊണ്ടാണ്. ഇത്തരത്തില്‍ ഭ്രൂണത്തെ നശിപ്പിക്കുന്ന തരത്തിലുള്ള എല്ലാ പരീക്ഷണങ്ങള്‍ക്കും ഇപ്പോഴത്തെ വിധി ഏതിരാണ്. അതിനാല്‍ തന്നെ ഇത്തരം ഗവേഷണങ്ങള്‍ക്കു ശാസ്ത്രഞ്ജര്‍ക്ക് ലഭിക്കുന്ന സാമ്പത്തിക സഹായങ്ങളെയെല്ലാം ഈ വിധിയോടെ ഇല്ലാതാകും.

അന്താരാഷ്ട്ര പാരിസ്ഥിതിക സംഘടനയായ ഗ്രീന്‍പീസ് ഈ വിധിയെ പിന്തുണക്കുന്നുണ്ട്. മാനുഷ്യന്റെ ഭ്രൂണത്തെ ‘വ്യാവസായികവത്കരിച്ചുള്ള’ ഉപയോഗത്തിനുള്ള അനുമതി നിരോധിക്കാനാണ് ഗ്രീന്‍പീസ് ആവശ്യപ്പെടുന്നത്.

കോടതി വിധിയില്‍ ഈ മേഖലയിലെ പ്രമുഖ ശാസ്ത്രഞ്ജന്‍മാരെല്ലാം അതൃപ്തരാണ്. ശരീരത്തിലുണ്ടാകുന്ന എന്തു പ്രശ്‌നങ്ങളും പരിഹരിക്കാവുന്ന തരത്തിലേക്ക് ഭാവിയില്‍ പരീക്ഷണങ്ങള്‍ എത്തുമെന്നായിരുന്നു തങ്ങളുടെ പ്രതീക്ഷയെന്ന് ഗവേഷകര്‍ വ്യക്തമാക്കുന്നു. മനുഷ്യന്റെ ജീവന്‍ തന്നെ അപകടത്തിലാക്കിയേക്കാവുന്നതും അപരിഹാര്യമാണെന്ന് കരുതപ്പെടുന്നതുമായ രോഗങ്ങള്‍ക്ക് വരെ ഈ ഗവേഷണങ്ങളിലൂടെ പരിഹാരം കണ്ടെത്തുമായിരുന്നെന്ന് ശാസ്ത്രലോകം വിശ്വസിക്കുന്നു. അതുകൊണ്ടുതന്നെ എംബ്രിയോണിക് സ്‌റ്റെം സെല്‍സിന്‍മേലുള്ള ഗവേഷണങ്ങള്‍ നിരോധിച്ചു കൊണ്ടുള്ള ഉത്തരവ് ഈ ശ്രമങ്ങള്‍ക്കുമേലുള്ള ആഘാതമായാണ് ഗവേഷകര്‍ വിലയിരുത്തുന്നത്.

ദുഃഖകരമായ വിധിയാണിതെന്ന് ക്ലോണിംഗിന്റെ പിതാവ് ഇയാന്‍ വീല്‍മുട്ട് (Sir Ian Wilmut) പറഞ്ഞു. മറ്റു രാജ്യങ്ങള്‍ എംബ്രിയോണിക് സ്‌റ്റെം സെല്‍സിന്‍മേല്‍ പരീക്ഷണങ്ങള്‍ തുടരുമ്പോള്‍ യൂറോപ്പ് മാത്രം പിന്നിലായിപ്പോകുമെന്ന് വീല്‍മുട്ട് പരിതപിക്കുന്നു.

പരീക്ഷണങ്ങള്‍ക്കായി എംബ്രിയോണിക് സ്‌റ്റെം സെല്‍സ വേര്‍തിരിച്ചെടുക്കുന്ന വിധം: അതുല്ല്യമായ ശേഷിയുള്ള എംബ്രിയോണിക് സ്‌റ്റെം സെല്‍സ് കോശങ്ങള്‍ക്ക് മൂന്ന് തരത്തിലുള്ള സംയുക്ത കോശങ്ങളാകാന്‍ സാധിക്കും. എംബ്രിയോണിക് സ്‌റ്റെം സെല്‍സ് ബീജസംയോഗം (അണ്ഡ-ബീജ സങ്കലനം) കഴിഞ്ഞ് നാലോ അഞ്ചോ ദിവസത്തെ ആരംഭഘട്ടത്തിലുള്ള ഭ്രൂണാവസ്ഥയില്‍ നിന്നാണ് വേര്‍തിരിച്ചെടുക്കുന്നത്. ഈ ഘട്ടത്തില്‍ 50 മുതല്‍ 150 വരെ കോശങ്ങള്‍ ഉണ്ടാകും. ഈ കോശങ്ങള്‍ വേര്‍തിരിച്ചെടുക്കുമ്പോള്‍ വളര്‍ച്ച പ്രാപിക്കുന്ന ഭ്രൂണം നശിക്കുകയും ചെയ്യുന്നു.

One Response to “ഭ്രൂണാവസ്ഥയിലെ കോശങ്ങളെ ഉപയോഗിച്ചുള്ള പരീക്ഷണങ്ങള്‍ നിരോധിച്ചു”

  1. Manojkumar.R

    വൈദ്യ ശാസ്ത്രം എല്ലായിപ്പോഴും മരുന്നുകള്‍ വികസിപ്പിച്ചെടുക്കാന്‍ മനുഷ്യ ശരീരത്തെ തന്നെ പ്രയോജനപ്പെടുത്തുന്നത് എന്തുകൊണ്ടാണെന്ന് ഈ “ശാസ്ത്ര അജ്ഞ്ഞന്മാര്‍ക്ക്” എന്ത് കൊണ്ട് മനസ്സിലാക്കാന്‍ കഴിയുന്നില്ല എന്നതാണ് ആശ്ചര്യം! മനുഷ്യ ഭ്രുണവും ക്ലോണ്‍ കോശങ്ങളുമൊക്കെ ഉപയോഗിച്ച് പരീക്ഷണങ്ങള്‍ നടത്തിയെങ്കില്‍ മാത്രമേ ജീവന്‍ രക്ഷാ ഔഷധങ്ങള്‍ നിര്‍മ്മിക്കാന്‍ കഴിയുകയുള്ളൂ എന്ന് വിലപിക്കുന്ന ഇക്കൂട്ടര്‍ക്ക്, ഇത്രയും മഹത്വമുള്ള ശരീരത്തിന് എന്തിനാണ് മരുന്നിന്റെ ആവശ്യം എന്ന് പറയാന്‍ കഴിയുന്നില്ല! എല്ലാം കൊണ്ടും കാര്യക്ഷമവും അപൂര്‍വ ഗുണകണങ്ങള്‍ ഉള്ളതുമായ ശരീരം എങ്ങിനെ രോഗ ഗ്രസ്തമാകുന്നു എന്ന് പരീക്ഷിച്ചറിയാന്‍ ഇവര്‍ തയ്യാറല്ല!ഒരു പക്ഷെ അത് അറിഞ്ഞിട്ടും അറിഞ്ഞില്ലെന്നു നടിക്കുന്നു എന്ന് സാരം.മനുഷ്യ ശരീരം സങ്കീര്‍ണമായ പല പ്രവര്‍ത്തനങ്ങള്‍ കൊണ്ടും വേറിട്ട്‌ നില്‍ക്കുന്ന ഒന്നാണ്.അതിനു അതിന്റെതായ ചില സ്വാഭാവിക രീതികള്‍ ഉണ്ട്. ഈ രീതിയെന്ന് പറയുന്നത് പ്രകൃതിയുടെ നിയമങ്ങള്‍ക്കു വിധേയപ്പെട്ടുകൊണ്ടാണ്.നമ്മള്‍ കഴിക്കുന്ന ഭക്ഷണ പാനീയങ്ങളും ജീവിത ചുറ്റുപാടുകളും എല്ലാം അതിനെ സ്വാധീനിക്കും!പണത്തിനു വേണ്ടി ആര്‍ത്തി പിടിച്ചു നെട്ടോട്ടമോടുന്ന നമ്മളില്‍ പലര്‍ക്കും പ്രകൃതിയുടെ താളത്തിനൊത്ത് സ്വശരീരത്തെ tune ചെയ്തു സൂക്ഷിക്കാന്‍ കഴിയുന്നില്ല എന്നതാണ് വാസ്തവം.” ശരീരം സൂക്ഷിക്കാന്‍ നിങ്ങള്‍ ഞങ്ങള്‍ നല്‍കുന്ന വൈടമിനുകളും പോഷകങ്ങളും കഴിക്കൂ” എന്ന് ചന്ത നിങ്ങളെ എന്നും ഉപദേശിച്ചു കൊണ്ടിരിക്കുമ്പോള്‍ പിന്നെന്തിനു മറ്റു കാര്യങ്ങള്‍ അന്വേഷിക്കണം എന്നാ വിചാരമാണ് പലര്‍ക്കും.ഈ ചന്ത(market) യുടെ സ്വാധീനത്തിന്റെ അടിമയാക്കി വെച്ചിരിക്കയാണ്‌ നമ്മളെ ഓരോരുത്തരെയും കുത്തക ഭീമന്മാര്‍!മനുഷ്യ ശരീരം അതിന്റെ സ്വാഭാവിക ധര്‍മങ്ങള്‍ നിര്‍വഹിക്കുന്ന ഒരു ചുറ്റുപാട് ഇവിടെ ഉണ്ടാകാതെ ജാഗ്രത പുലര്തുകയെന്നതാണ് ഇവരുടെ മാര്‍ക്കറ്റിംഗ് തന്ത്രം! അപ്പോഴാണ് രോഗങ്ങള്‍ പിടിപെടുക! നിറയെ രോഗികളെ ഉണ്ടാക്കിയെടുക്കുക എന്നതാണ് നമ്മുടെ സര്‍ക്കാര്‍ നയങ്ങള്‍ ഓരോന്നും എന്ന് അത് അറിയാന്‍ ശ്രമിച്ചാല്‍ വ്യക്തമാകും!ഇവിടെ ഒക്കെ തന്നെ തങ്ങളുടെ ഇഷ്ടതിനോത് ഫലം ലഭിക്കാന്‍ ഭരണാധികാരികളെ സ്വാധീനിക്കാന്‍ ഇവര്‍ക്ക് കഴിയും…രോഗികള്‍ ഉണ്ടാകുമ്പോഴാണ് മരുന്ന് കമ്പനികള്‍ക്ക് തങ്ങളുടെ മരുന്നുകള്‍ വില്‍ക്കാന്‍ കഴിയുകയുള്ളൂ. സ്വാഭാവിക മായി തന്നെ കേടുപാടുകള്‍ തീര്‍ക്കാന്‍ കഴിയുന്ന ശരീരം നമുക്ക് ഉണ്ടാകരുതെന്ന് ഇവര്‍ പദ്ധതിയിടുന്നു.ശാസ്ത്രജ്ഞന്മാര്‍ മിക്കവാറും ഇത്തരം കുത്തകകള്‍ക്ക് വേണ്ടിയാണ് പരീക്ഷണ നിരീക്ഷണങ്ങള്‍ നടത്തികൊണ്ടിരിക്കുന്നത്.അതുകൊണ്ടാണ് ശരീരത്തിന്റെ സ്വാഭാവിക മായ ജൈവ ഘടകങ്ങളെ വേര്‍തിരിച്ചെടുത്തു അത് നമുക്ക് തന്നെ വിറ്റു അവര്‍ കാശുണ്ടാക്കുന്നതു!

LEAVE YOUR COMMENTS

Press ctrl+g to toggle between English and Malayalam.