Categories

യുവതിയെ 25 പേര്‍ ചേര്‍ന്ന് ബലാത്സംഗം ചെയ്ത കേസ് കൈക്കൂലി വാങ്ങി ഒതുക്കിത്തീര്‍ത്തു; എറണാകുളം നോര്‍ത്ത് സി.ഐ ടി.ബി. വിജയന് സസ്‌പെന്‍ഷന്‍

കൊച്ചി: എറണാകുളം നോര്‍ത്ത് സി.ഐ ടി.ബി. വിജയന് സസ്‌പെന്‍ഷന്‍. സ്ത്രീപീഡനക്കേസ് കൈക്കൂലി വാങ്ങി ഒതുക്കി തീര്‍ത്തെന്ന പരാതിയിലാണ് സസ്‌പെന്‍ഷന്‍

സ്‌പെഷല്‍ ബ്രാഞ്ചിന്റെ അന്വേഷണ റിപ്പോര്‍ട്ടിനെത്തുടര്‍ന്ന് റേഞ്ച് ഐജി പി. വിജയനാണ് സിഐയെ സസ്‌പെന്‍ഡ് ചെയ്തത്. മൂവാറ്റുപുഴ സ്വദേശിയായ യുവതിയെ 25 പേര്‍ ചേര്‍ന്നു പീഡിപ്പിച്ച കേസ് പണം വാങ്ങി ഒത്തുതീര്‍ത്തെന്നാണ് പരാതി.

ഇതുകൂടാതെ കുബേര ഓപ്പറേഷനില്‍ കുടുങ്ങിയ പണമിടപാടുകാരനില്‍നിന്നു കൈക്കൂലി വാങ്ങിയെന്നും സ്‌പെഷല്‍ ബ്രാഞ്ച് കണ്ടെത്തിയിട്ടുണ്ട്.

യുവതിയെ കൊച്ചിയിലെ ഒരു ഇവന്റ് മാനേജ്‌മെന്റ് കമ്പനിയില്‍ ജോലി നല്‍കാമെന്നു പറഞ്ഞ് കബളിപ്പിച്ച് നഗരത്തില്‍ എത്തിക്കുകയും ഒരു ഫ്‌ളാറ്റില്‍ പൂട്ടിയിട്ടു പീഡിപ്പിക്കുയും ചെയ്ത കേസിലെ പ്രതികളില്‍നിന്ന് ഏഴു ലക്ഷം രൂപ വീതമാണ് കൈക്കൂലി വാങ്ങിയത്.

ഏകദേശം ഒരു കോടി രൂപയിലേറെ മറിഞ്ഞ കേസാണിതെന്നു സ്‌പെഷല്‍ ബ്രാഞ്ചിന്റെ റിപ്പോര്‍ട്ടില്‍ പറയുന്നു. ഏഴു ലക്ഷം രൂപ നല്‍കാന്‍ കഴിയാത്ത പ്രതികള്‍ പൊലീസിനോടു പരാതിപ്പെട്ടത് സ്‌പെഷല്‍ ബ്രാഞ്ച് അറിയുകയായിരുന്നു. ഇതിന്റെ അടിസ്ഥാനത്തിലാണ് സി.ഐക്കെതിരെ അന്വേഷണം നടന്നത്.

ഓരോ പ്രതിയില്‍നിന്നും പിരിച്ച ഏഴു ലക്ഷത്തില്‍ അഞ്ച് ലക്ഷം വീതം യുവതിക്കു നല്‍കി. രണ്ടു ലക്ഷം വീതം പൊലീസുകാരും അഭിഭാഷകനും ചേര്‍ന്ന് പങ്കിട്ടെടുത്തുവെന്നാണ് സ്‌പെഷല്‍ ബ്രാഞ്ച് കണ്ടെത്തല്‍.

ഇതുകൂടാതെ, കുബേരക്കേസില്‍ തമിഴ്‌നാട്ടില്‍നിന്നുള്ള മണികണ്ഠന്‍ എന്നയാളില്‍നിന്നും ടി.ബി. വിജയന്‍ കൈക്കൂലി വാങ്ങിയെന്ന പരാതിയും ഉണ്ടായിരുന്നു. ഈ രണ്ടുകേസുകളിലേയും അന്വേഷണ റിപ്പോര്‍ട്ടിനെ തുടര്‍ന്നാണ് നടപടി.

Tagged with: |


കേസ് പിന്‍വലിച്ച് വോട്ട് നേടാമെന്ന് വ്യാമോഹിക്കേണ്ട; ഇനി ബി.ജെ.പിക്ക് വോട്ട് ചെയ്യില്ല; കേസ് പിന്‍വലിക്കാനുള്ള ബി.ജെ.പി തീരുമാനത്തിനെതിരെ ആഞ്ഞടിച്ച് ഗുജറാത്തിലെ കര്‍ഷകരും പട്ടേല്‍വിഭാഗവും

വാരാണസി: ഗുജറാത്ത് പിടിക്കാനുള്ള ശ്രമത്തിന്റെ ഭാഗമായി പട്ടേല്‍ വിഭാഗത്തേയും ഗുജറാത്തിലെ കര്‍ഷരേയും അനുനയിപ്പിക്കാനുള്ള ബി.ജെ.പി ശ്രമങ്ങള്‍ പാളുന്നു.കഴിഞ്ഞ ദിവസമായിരുന്നു കര്‍ഷക പ്രതിഷേധങ്ങളില്‍ പങ്കെടുത്തതിന്റെ പേരില്‍ 22 കര്‍ഷകര്‍ക്കെതിരെ രജിസ്റ്റര്‍ ചെയ്ത ക്രിമിനല്‍ കേസ് പിന്‍വലിക്കുമെന്ന് ബി.ജെ.പി വാഗ്ദാനം ചെയ്തത്. അഹമ്മദാബാദിലെ സാനന്ദ് താലൂക്കിലെ കര്‍ഷകര