Categories

വെളിയം ഭാര്‍ഗവനുള്ള കമ്യൂണിസ്റ്റ് ഗുണം ചന്ദ്രപ്പനില്ല: ഇ.പി ജയരാജന്‍

കണ്ണൂര്‍: വെളിയം ഭാര്‍ഗവനുള്ള കമ്മ്യൂണിസ്റ്റ് ഗുണം സി.പി.ഐ സംസ്ഥാന സെക്രട്ടറി സി.കെ ചന്ദ്രപ്പനില്ലെന്ന് സി.പി.ഐ.എം നേതാവ് ഇ.പി ജയരാജന്‍. സി.പി.ഐ.എം സമ്മേളനം നടത്തിയത് ഇവന്റ് മാനേജ്‌മെന്റാണെന്നുള്ള ചന്ദ്രപ്പന്റെ പ്രസ്താവന വങ്കത്തരമാണെന്നും അദ്ദേഹം പറഞ്ഞു.

കോണ്‍ഗ്രസിനെ സഹായിക്കുന്ന നടപടിയാണ് ചന്ദ്രപ്പന്റേത് കോണ്‍ഗ്രസ് പാളയത്തില്‍ സി.പി.ഐയെ കയറ്റാനാണ് ചന്ദ്രപ്പന്‍ ശ്രമിക്കുന്നത്. ഇതിനെതിരെ സ്വന്തം പാര്‍ട്ടിയില്‍ നിന്നുതന്നെ എതിര്‍പ്പ് ഉയരുകയാണെന്നും ഇ.പി.ജയരാജന്‍ പറഞ്ഞു.

സി.പി.ഐക്കാര്‍ പോലും ചന്ദ്രപ്പനെ അനുകൂലിക്കുന്നില്ല. സി.പി.ഐയുടെ നേതാവ് ചന്ദ്രപ്പനാണെന്നത് കോണ്‍ഗ്രസിന് ആശ്വാസം ഉണ്ടാക്കുന്നതാണെന്നും ഇ.പി ജയരാജന്‍ കൂട്ടിച്ചേര്‍ത്തു.

സി.പി.ഐ സമ്മേളനത്തില്‍ വലതുപക്ഷ രാഷ്ട്രീയത്തെയല്ല, സി.പി.ഐ.എം നേതാക്കളെയും സമ്മേളനത്തെയുമാണ് അവര്‍ വിമര്‍ശിച്ചതെന്നും ജയരാജന്‍ കുറ്റപ്പെടുത്തി.

Malayalam News

Kerala News In English

Tagged with:

2 Responses to “വെളിയം ഭാര്‍ഗവനുള്ള കമ്യൂണിസ്റ്റ് ഗുണം ചന്ദ്രപ്പനില്ല: ഇ.പി ജയരാജന്‍”

  1. Manojkumar.R

    കമ്യൂണിസം അളന്നു തിട്ടപ്പെടുത്താന്‍ പുതിയ “revolutio meeter ” കണ്ടു പിടിക്കെണ്ടിയിരിക്കുന്നു. യഥാര്‍ത്ഥത്തില്‍ വിപ്ലവം എവിടെയെത്തി, ഇനി എത്രകാലം കൊണ്ട് പരിപൂര്‍ണ ലക്‌ഷ്യം കൈ വരിക്കാം എന്നൊക്കെ നമ്മള്‍ക്ക് ഇടയ്ക്കിടെ അളന്നു നോക്കേണ്ടിയിരിക്കുന്നു. പാര്‍ടികള്‍ക്ക് ഇപ്പോള്‍ ഈ വിപ്ലവതിലോന്നും വലിയ കാര്യമില്ലെന്ന് തോന്നിത്തുടങ്ങിയിരിക്കുന്നു.എങ്ങിനെയെങ്കിലും സംരംഭം നോക്കിനടത്തണം,കുറെ ഏറെപേര്‍ കഞ്ഞി കുടിച്ചു പോരുന്നത് ഈ സെറ്റപ്പ് ഉള്ളത് കൊണ്ടാണ്.അതിനെ നിലനിര്‍ത്താനും (നിലയ്ക്ക് നിര്തനല്ല) ഓരോ തെരഞ്ഞെടുപ്പു മാമാങ്കം വരുമ്പോഴും ഞങ്ങളിവിടെയൊക്കെ ഉണ്ടെന്നും പറയണം അത്രതന്നെ.അതിനിടയ്ക്ക് ഞങ്ങള്‍ നിങ്ങളെക്കാള്‍ കേമന്മാര്‍ എന്ന് സ്ഥാപിക്കുകയും വേണം.അതതു കാലത്തെ രാഷ്ട്രീയ കാലാവസ്ഥ അറിയാന്‍ ഇവരുടെ കയ്യിലൊക്കെ നല്ല ഒന്നാന്തരം “രാഷ്ട്രീയ മീടരുകളും” ഉണ്ട്.അത് കൊണ്ടാണ് ഓരോന്നൊക്കെ വിളിച്ചു പറയേണ്ടി വരുന്നത്. തമ്മില്‍ തല്ലു കൂടുമ്പോഴാണ് ചില സത്യങ്ങളൊക്കെ ഇരു കൂട്ടരും വിളിച്ചു പറയുക.അപ്പോള്‍ ചിലതൊക്കെ ജനങ്ങള്‍ക്കും പിടികിട്ടതിരിക്കില്ല! …വിപ്ലവം തോക്കിന്‍ കുഴലിലൂടെ എന്നതൊക്കെ പഴയ മുദ്രാവാക്യം! ഇപ്പോഴത്‌ “വിപ്ലവം നാക്കിന്‍ തുമ്പിലൂടെ” എന്നാക്കി മാറ്റിയോ എന്ന് പോലും സംശയമുണ്ട്‌.

  2. MANJU MANOJ.

    എന്തിനാണ് അവരെതംമില്‍ അടിപ്പിക്കാന്‍ നോക്കുന്നത്??????

LEAVE YOUR COMMENTS

Press ctrl+g to toggle between English and Malayalam.