vs-achuthanandan1

തിരുവനന്തപുരം: തിരഞ്ഞെടുപ്പ് ചട്ടം ലംഘിച്ചുവെന്ന പരാതിയില്‍ മുഖ്യ തിരഞ്ഞെടുപ്പ് ഓഫീസര്‍ നളിനി നെറ്റോ മുഖ്യമന്ത്രിയുടെ ഓഫീസിനോട് വിശദീകരണം തേടി. എന്നാല്‍ മുഖ്യമന്ത്രി ചട്ടലംഘനം നടത്തിയിട്ടില്ലെന്നാണ് അദ്ദേഹത്തിന്റെ ഓഫീസിന്റെ നിലപാട്.

ഐ.ടി മേഖലയില്‍ രണ്ട് ലക്ഷം പേര്‍ക്ക് തൊഴില്‍ നല്‍കുമെന്നും കണ്ണൂരില്‍ ഐടി പാര്‍ക്ക് തുടങ്ങുമെന്നുമുള്ള മുഖ്യമന്ത്രിയുടെ പ്രസ്താവന തിരഞ്ഞെടുപ്പ് ചട്ട ലംഘനമാണെന്നാണ് കോണ്‍ഗ്രസ് ആരോപണം. കൊരട്ടി ഐടി പാര്‍ക്ക് ഉദ്ഘാടനം ചെയ്യവെയാണ് മുഖ്യമന്ത്രി ഇങ്ങിനെ പറഞ്ഞത്. എ്‌നനാല്‍ മുഖ്യമന്ത്രി പുതിയ പദ്ധതികളൊന്നും പ്രഖ്യാപിച്ചിട്ടില്ലെന്നും നടപ്പാക്കി കൊണ്ടിരിക്കുന്ന പദ്ധതിയെക്കുറിച്ച് പറഞ്ഞതേയുള്ളുവെന്നുമാണ് മുഖ്യമന്ത്രിയുടെ ഓഫീസിന്റെ നിലപാട്.