Categories

Headlines

സമകാലിക മലയാളത്തെ എളമരം കരീം ഭയപ്പെടുന്നോ?

എസ് അനിരുദ്ധന്‍

കിനാലൂരിലെ കേച്ചേരി വീട്ടില്‍ സുലൈഖ, ഇന്ദു,സുമതി, ഖദീജ ഇവരെയെല്ലാം 2010 മെയ് ആറിന് പോലീസ് തല്ലിച്ചതച്ചത് എന്തിനു വേണ്ടിയായിരുന്നു?. ഈ അമ്മമാരും ഒപ്പം തല്ലുകൊണ്ട കുഞ്ഞുങ്ങളുമെല്ലാം വികസന വിരോധികളായിരുന്നുവെന്നായിരുന്നു വിശദീകരണം. ആരുടെ വികസനത്തിനായിരുന്നു ഇവര്‍ എതിര് നിന്നത് എന്ന് അതിന് മുമ്പും പിമ്പും പലവട്ടം വ്യവസായ മന്ത്രി എളമരം കരീം വ്യംഗ്യമായി സൂചിപ്പിച്ചിരുന്നു.

കിനാലൂരില്‍ ഏതോ മലേഷ്യന്‍ കമ്പനി ഉപഗ്രഹ നഗരം കൊണ്ടുവരുന്നുവെന്നാണ് ആദ്യം കുറേക്കാലം പ്രചരിക്കപ്പെട്ടത് പിന്നെ കേട്ടത് വന്‍കിട വ്യവസായ വികസന കേന്ദ്രമാണ് വരാന്‍ പോകുന്നതെന്ന്.

എന്താണ് പദ്ധതിയെന്ന് വ്യക്തമാക്കപ്പെടാതെ അടിമുടി ദുരൂഹത നിറഞ്ഞ ഒരേര്‍പ്പാടായിരുന്നു കിനാലൂരില്‍ നടന്നത്. പക്ഷേ കിനാലൂരിലേക്ക് ഒരു നാലുവരിപ്പാത വേണമെന്ന കാര്യത്തില്‍ എളമരം കരീമിന് സംശയമുണ്ടായിരുന്നില്ല.

മലബാര്‍ സിമന്റ്‌സ്

മലബാര്‍ സിമന്റ്‌സിന്റെ നടത്തിപ്പ് എത്രത്തോളം മോശപ്പെട്ട അവസ്ഥയിലാണെന്ന് കമ്പനി സെക്രട്ടറിയായിരുന്ന വി. ശശീന്ദ്രന്റെയും രണ്ടു മക്കളുടെയും മരണത്തോടെ വ്യക്തമായിക്കഴിഞ്ഞു. ശശീന്ദ്രനെ ഭീഷണിപ്പെടുത്തി ആത്മഹത്യക്ക് പ്രേരിപ്പിച്ചതിന് കമ്പനി മാനേജിങ് ഡയരക്ടര്‍ എം.സുന്ദരമൂര്‍ത്തി, പേഴ്‌സണല്‍ സെക്രട്ടറി പി.സൂര്യനാരായണന്‍,ചാക്ക് രാധാകൃഷ്ണന്‍, എന്നിവര്‍ക്കെതിരെ സി.ബി.ഐ കേസെടുത്തു. എറണാകുളം സി.ജെ.എം കോടതിയില്‍ എഫ്.ഐ.ആറും സമര്‍പ്പിച്ചു. ശശീന്ദ്രന്റെ മരണത്തിലേക്ക് നയിച്ച സംഭവങ്ങള്‍ പൊടുന്നനെ ഉണ്ടായതല്ലെന്നത് പരസ്യമാണ്. വര്‍ഷങ്ങളായി അഴിമതിയുടെയും സ്വജനപക്ഷപാതത്തിന്റെയും ഇരുണ്ട വഴികളിലൂടെത്തന്നെയാണ് മലബാര്‍ സിമന്റ്‌സിന്റെ യാത്ര. കഴിഞ്ഞ യു.ഡി.എഫ് സര്‍ക്കാറിന്റെ കാലത്ത് 363.5 കോടി രൂപയുടെ സാമ്പത്തിക ക്രമക്കേട് കംപ്‌ട്രോളര്‍ ആന്‍ഡ് ഓഡിറ്റര്‍ ജനറല്‍ കണ്ടെത്തിയ പശ്ചാത്തലത്തിലാണ് പുതിയ എല്‍.ഡി.എഫ് സര്‍ക്കാര്‍ അധികാരത്തിലെത്തുന്നതും എളമരം കരീം വ്യവസായമന്ത്രിയാകുന്നതും.

അന്തര്‍സംസ്ഥാന ഇടപാടുകളുള്ള ഈ അഴിമതിക്കേസില്‍ സി.ബി.ഐ അന്വേഷണം ശുപാര്‍ശ ചെയ്യാന്‍ വ്യവസായ വകുപ്പ് തയ്യാറായില്ല. ഇപ്പോള്‍ നടക്കുന്ന വിജിലന്‍സ് അന്വേഷണം പോലും ഹൈക്കോടതിയില്‍ വന്ന ഒരു പൊതുതാല്‍പര്യ ഹരജിയുടെ അടിസ്ഥാനത്തിലായിരുന്നു. കുഞ്ഞാലിക്കുട്ടിയില്‍ നിന്ന് എളമരം കരീമിലെത്തിയപ്പോള്‍ ഒരു ചുക്കും സംഭവിച്ചില്ല. ശശീന്ദ്രന്‍മാര്‍ പീഡിപ്പിക്കപ്പെടുകയും സൂര്യനാരായണന്‍മാരും രാധാകൃഷ്ണന്‍മാരും ശക്തരാവുകയും ചെയ്തു.

മലയാളം വാരിക

ഇതെഴുതുമ്പോള്‍ വരെ മാര്‍ക്കറ്റില്‍ ലഭ്യമല്ലാത്ത സമകാലിക മലയാളം വാരികയില്‍ ജി നിര്‍മ്മല എഴുതിയ ലേഖനത്തില്‍ നിന്നുള്ള ഭാഗമാണ് മുകളില്‍ കൊടുത്തത്. മന്ത്രിമരായ എളമരം കരീം, എം.എ ബേബി, തോമസ് ഐസക്ക് എന്നിവരെ വി.എസ് സര്‍ക്കാറിന് മൂന്നു തുഗ്ലക്കുമാരായാണ് ലേഖനത്തില്‍ വിശേഷിപ്പിക്കുന്നത്. ലേഖനത്തെക്കുറിച്ച് ഇവിടെ എടുത്ത് പറയുന്നത് മറ്റൊന്നും കൊണ്ടല്ല. ലേഖനത്തിലെ പരാമര്‍ശം മന്ത്രി എളമരം കരീമിനെ ഭയപ്പെടുത്തിയെന്ന് വേണം അനുമാനിക്കാന്‍. അതുകൊണ്ടാണല്ലോ വാരിക വിപണിയില്‍ ലഭ്യമാക്കുന്നതിന് മുമ്പ് അത് പരിശോധിക്കാന്‍ ഉദ്യോഗസ്ഥന്‍മാര്‍ കിണഞ്ഞ് പരിശ്രമിച്ചത്.

അപകീര്‍ത്തികരമായ ലേഖനമുണ്ടെന്ന പരാതിയെത്തുടര്‍ന്ന് ‘സമകാലിക മലയാളം വാരികയുടെ പ്രസിദ്ധീകരണം തടഞ്ഞുകൊണ്ട് എക്‌സിക്യുട്ടീവ് മജിസ്‌ട്രേട്ട് കൂടിയായ തഹസില്‍ദാര്‍ ഉത്തരവിറക്കുകയായിരുന്നു. കൊച്ചിയില്‍നിന്നു പ്രസിദ്ധീകരിക്കുന്ന വാരികയുടെ ഓഫിസിലെത്തിയ എറണാകുളം പൊലീസ് സബ് ഡിവിഷന്‍ ഫ്‌ളയിങ് സ്‌ക്വാഡ് എക്‌സിക്യുട്ടീവ് മജിസ്‌ട്രേട്ട് എം.ലത വാരികയുടെ അടുത്ത ലക്കം പ്രസിദ്ധീകരിക്കരുതെന്ന് രേഖാമുലം ഉത്തരവിട്ടു. എന്നാല്‍ മണിക്കൂറുകള്‍ക്കകം എ.ഡി.എം എ. ഗോപകുമാര്‍ ഇടപെട്ട് ഉത്തരവ് പിന്‍വലിക്കുകയായിരുന്നു.

വിപണിയിലോ വായനക്കാരിലോ എത്തുന്നതിനു മുന്‍പ് പ്രസിദ്ധീകരണം തടയാനാവില്ലെന്ന വാദം പരിഗണിച്ചാണ് തഹസില്‍ദാറുടെ ഉത്തരവ് എ.ഡി.എം റദ്ദാക്കിയത്. വാരികയുടെ പുതിയ ലക്കം പുറത്തിറങ്ങുന്നതിന് മുമ്പ് ഇത്തരത്തില്‍ പ്രസിദ്ധീകരണം തടയാന്‍ കഴിയില്ലെന്നായിരുന്നു വാദം. മന്ത്രി എളമരം കരീമിനെതിരെ ലേഖനം പ്രസിദ്ധീകരിക്കുന്നതായി കോഴിക്കോട് ജില്ലാ കലക്ടര്‍ക്ക് ലഭിച്ച പരാതി എറണാകുളം കലക്ടര്‍ക്ക് കൈമാറുകയായിരുന്നു. തുടര്‍ന്നാണ് നിയമങ്ങളെല്ലാം കാറ്റില്‍പ്പറത്തിക്കൊണ്ട് ഉദ്യോഗസ്ഥരുടെ നടപടിയുണ്ടായത്.

മന്ത്രി എളമരം കരീമിനെക്കുറിച്ച് പ്രതിപാദിക്കുന്ന മലയാളം വാരിക പ്രസിദ്ധീകരിക്കുന്നതിന് മുമ്പ് പരിശോധിക്കേണ്ടതുണ്ടെന്ന് കാണിച്ചാണ് എറണാകുളം ജില്ലാ കലക്ടറുടെ നിര്‍ദേശപ്രകാരം തഹസില്‍ദാര്‍ നോട്ടീസ് നല്‍കിയത്. പരിശോധിച്ച് അനുമതി ലഭിക്കുന്നതിന് മുമ്പ് വാരിക പ്രസിദ്ധീകരിക്കുകയോ വില്‍പനക്ക് നല്‍കുകയോ ചെയ്യരുതെന്നും നോട്ടീസില്‍ പറയുന്നു. തങ്ങള്‍ ചെയ്യുന്നത് നിയമവിരുദ്ധമായാണെന്ന് ഉദ്യോഗസ്ഥര്‍ക്ക് തന്നെ ബോധ്യമുള്ളത്‌കൊണ്ടാവണം വെള്ളപ്പേപ്പറില്‍ ഒപ്പിട്ട് ഈ നോട്ടീസ് നല്‍കിയത്.

യാഥാര്‍ത്ഥ്യങ്ങള്‍ പുറം ലോകം അറിയരുതെന്ന് എല്ലാ ഭരണാധികാരികളും എക്കാലവും ആഗ്രഹിച്ചതാണ്. സ്വന്തം തെറ്റുകള്‍ തുറന്ന് പറഞ്ഞ ഏത് ഭരണകൂടമാണ് നമുക്ക് മുന്നിലുള്ളത്. ഇനി ആരെങ്കിലും ആ തെറ്റ് ചൂണ്ടിക്കാണിച്ചാലോ ആ വിരലുകള്‍ അറുത്ത് മാറ്റാനും അവര്‍ ശ്രമിക്കും. ആ ശ്രമമാണ് ജനാധിപത്യത്തിന്റെ ഈ ഉത്സവകാലത്ത് ഉദ്യോഗസ്ഥര്‍ നടത്തിയത്. അത് പക്ഷെ അടിയന്തരാവസ്ഥക്കാലത്തെ ഓര്‍മ്മകളെക്കാള്‍ കടുത്തതായിപ്പോവുകയും ചെയ്തു.

മന്ത്രി എളമരം കരീം മികച്ച വ്യവസായ മന്ത്രിയാണെന്നാണ് കേരളത്തിനകത്തും പുറത്തുമുള്ള മുതലാളിമാരെല്ലാം പറയുന്നത്. പക്ഷെ കേരളത്തിലെ ജനതക്ക് അത് ബോധ്യപ്പെട്ടിട്ടുണ്ടോ. മുതലാളിമാരുടെ ഈ പുകഴ്ത്തിപ്പാടലുകള്‍ക്കുമപ്പുറം എളമരം കരീം എന്ന മന്ത്രിയില്‍ നിന്ന് കേരളത്തിലെ സാധാരണക്കാരന് അനുഭവ ഭേദ്യമായത് എന്താണെന്ന അന്വേഷണമാണ് മലയാളം വാരിക നടത്തിയത്.

പ്രത്യേകിച്ചും എളമരം മത്സരിക്കുന്ന ബേപ്പൂരും പ്രതിഷേധസമരത്തെ ചോരയില്‍ മുക്കിയ കിനാലൂരും കോഴിക്കോട് ജില്ലയില്‍ തന്നെയാണ്. ആരുമറിയാത്ത പദ്ധതിക്ക് വേണ്ടി ആര്‍ക്കും മനസ്സിലാവാത്ത നാലുവരിപ്പാതിയുണ്ടാക്കന്നത് ചോദ്യം ചെയ്തപ്പോഴാണ് എളമരം കരീമിന്റെ ഒറിജിനല്‍ മുഖം നാട്ടുകാരറിഞ്ഞത്. ഇതൊക്കെ വീണ്ടും വോട്ടര്‍മാര്‍ക്ക് ഓര്‍ക്കാന്‍ തിരഞ്ഞെടപ്പല്ലാതെ മറ്റേത് സുവര്‍ണ്ണാവസരമാണ് ലഭിക്കുക. പക്ഷെ വോട്ടര്‍മാരുടെ ഈ ഓര്‍ത്തെടുക്കല്‍ അത്ര സുഖകരമാവില്ലെന്ന് മന്ത്രിമാര്‍ക്ക് നന്നായറിയാം. അതുകൊണ്ട് തന്നെയായിരിക്കും അദ്ദേഹം മലയാളം വാരികയെ കണ്ടുകെട്ടാന്‍ ശ്രമിച്ചത്.

സമകാലിക മലയാളത്തിലെ .തറക്കല്ലുകളുടേയും നാടമുറിക്കലുകളുടേയും മന്ത്രി’ യെന്ന ലേഖനം ഇവിടെ വായിക്കാം

Page 1 of 212

12 Responses to “സമകാലിക മലയാളത്തെ എളമരം കരീം ഭയപ്പെടുന്നോ?”

  1. kiran thomas

    മന്ത്രി എളമരം കരീം മികച്ച വ്യവസായ മന്ത്രിയാണെന്നാണ് കേരളത്തിനകത്തും പുറത്തുമുള്ള മുതലാളിമാരെല്ലാം പറയുന്നത്. പക്ഷെ കേരളത്തിലെ ജനതക്ക് അത് ബോധ്യപ്പെട്ടിട്ടുണ്ടോ.

    കിനാലൂര്‍ സമരം നയിച്ച സോളിഡാരിറ്റിയും ജമായത്ത് ഇസ്ലാമിയും ഇപ്പോള്‍ ഇളമരം കരീമിനെ പിന്‍തുണക്കുന്നു എന്നതാണ്‌ ഈ ചോദ്യത്തിനുള്ള മറുപടി. പിന്നെ കേരളത്തിലെ പൊതുമേഖല സ്ഥാപനങ്ങള്‍ നശിപ്പിക്കാതെ സംരക്ഷിച്ചത് വി.എസ് അല്ലല്ലോ കരിം അല്ലെ. ഡൂള്‍ ന്യൂസുകാരനും മലയാളം വാരികക്കും കരിമിനെയും ഐസക്കിനെയും അലര്‍ജിയാകുന്നതിന്‌ പിന്നില്‍ വേറെ കാരണങ്ങളാണല്ലോ? അതായത് ഇവര്‍ പറിക്കുന്ന ആണിയൊക്കെ ആവശ്യമില്ലാത്തതാണ്‌ ( ഫ്രണ്ട്സ് സിനിമയില്‍ ജഗതി പറയുന്നത് ഓര്‍ക്കുക)

  2. sajidh

    ഇപ്പോഴത്തെ കെ പി സി സി സെക്രെട്ടറി എ സി ജോസ് പോലും പറഞ്ഞില്ലേ ഡല്‍ഹിയില്‍ വെച്ച് ഏറ്റവും നല്ല മന്ത്രിയാണ് കരീം എന്ന് എല്ലാ വികസന കാര്യത്തിലും എ കെ ആന്റണി യുമായി കൂടിയലോജിച്ചു വികസനം നടത്തിയതിനു കന്ഗൃസ്സുകാര്‍ പോലും അഭിനന്ദിച്ച ഒരു നേതാവിനെ നിങ്ങള്‍ എന്തെഴുതിയാലും ജനങ്ങള്‍ വെറുക്കില്ല…

  3. rajan

    ശശീന്ദ്രന്‍റെ മരണത്തില്‍ മലബാരല്‍ സിമന്‍റ്സ് എം ഡി സുന്ദരമൂര്‍ത്തി പ്രതിയായിട്ടും അയാളെ വെച്ചുകൊണ്ടിരിക്കുന്ന കരീമിന്‍റെ നടപരടി ധാര്‍മ്മികമോ?.
    സിപിഎം പാലക്കാട് ജില്ലാ സെക്ര്ടറി പി ഉണ്ണി, ചാക്ക് രാധാകൃഷ്ണന്‍ എന്നിവര്‍ ചേര്‍ന്നാണ മലബാര്‍ സിമന്‍റ്സ് ഭരിക്കുന്നത് എന്ന ആക്ഷേപത്തിന് എന്താണ് മറുപടി?
    സിപിഎമ്മിന്‍റെ തെരഞ്ഞെടുപ്പ് ചെലവിലേക്ക് നാല് കോടി രൂപ ചാക്ക് രാധാകൃഷ്ണനില്‍ നിന്നും സംഭാവന വാങ്ങിയാണ് ശശീന്ദ്രന്‍റെ കേസ് ഒതുക്കാന്‍ ശ്രമിച്ചതെന്ന ആക്ഷേപത്തിന്‍ എന്താണ് മറുപടി?
    മലബാര്‍ സിമന്‍റ്സിലെ ഗേറ്റ്മാന്‍ പോലും ഇപ്പോഴും ചാക്ക് രാധാകൃഷ്ണനെ കണ്ടാല്‍ മൂത്രമൊഴിക്കും എന്നത് സത്യമല്ലേ?.
    ചാക്കിനെതിരെ പോരാടിയ ചില ഉദ്യോഗസ്ഥരെ സ്ഥാപനത്തില്‍ നിന്നും അകാരണമായി സസ്പെന്‍ഢ് ചെയ്തത് എന്തിന്?
    അവര്‍ ചാക്കിന് മു്നനില്‍ കീഴടങ്ങിയപ്പോള്‍ തിരിച്ചെടുത്തതും കരീമിന് അറിയില്ലേ?
    ചാക്കിന്‍റെ ചെരിപ്പിന്‍റെ വാറഴിക്കുന്ന ജോലി ഒരു വ്യവസായ മന്ത്രി ചെയ്തത് എത്രമാത്രം അപഹാസ്യമാണ്?

  4. rajan

    ചാക്ക് രാധാകൃഷ്ണനില്‍ നിന്നണ് ദേശാഭിമാനി ദിനപ്പത്രം ന്യൂസ് പ്രിന്‍റ് വാങ്ങുന്നത് എന്ന് കേള്‍ക്കുന്നു.
    ചാക്കിന് ഇപ്പോഴും ലക്ഷങ്ങള്‍ ഈ വകയില്‍ പാര്‍ട്ടി നല്‍കാനുണ്ടത്രെ.
    ഈ കമ്മിറ്റ്മെന്‍റും മലബാര്‍ സിമന്‍റ്സില്‍ ഇടപെടാന്‍ അയാള്‍ക്ക് അവസരം നല്‍കുന്നുണ്ട്. പാലക്കാട്ടെ ചില മാധ്യമപ്രവര്‍ത്തകര്‍ ചാക്കിന്‍റെ ചാരന്‍മാരായി പോലും പ്രവര്‍ത്തിക്കുന്നു,

  5. kiran thomas

    ഇനി കരീമിനെ മന്ത്രി ആക്കിയത് ചാക്കാണ് എന്ന് കൂടി പറഞ്ഞാല്‍ മതി . പി.സി ജോര്‍_ജ്ജിനെ വിളിച്ച് പറഞ്ഞാല്‍ മതി അതും_ ആരോപണം ആയി എഴുന്നെള്ളിക്കും.

  6. മനോജ്‌ കുമാര്‍

    നെറികെട്ട പത്ര പ്രവര്‍ത്തനം എന്നുപറഞ്ഞാല്‍ അത് വളരെ ഡീസെന്ടായിപൂകും… കാശിനുവേണ്ടി വെഭിച്ചരിക്കുന്നവര്‍ ഈ നിര്‍മല യെ ക്കാള്‍ എത്രയോ നല്ലവര്‍..
    ആ തോഴിലവും നിര്മലെ ഇതിലും ഭേതം …
    മനോജ്‌ കുമാര്‍

  7. RAJAN Mulavukadu.

    മനോജ്‌ കുമാ,
    ഒരു സ്ത്രിയെയും മോശമായി പറയരുത്,താങ്കള്‍ക്ക് നേരിട്ട് അനുഭവം ഉണ്ടെങ്കില്‍ മാത്രം എഴുതുക,ഞങ്ങളും താങ്കളുടെ കൂടെ കൂടാം.
    അനുഭവം സത്യം ആയിരിക്കണം എന്ന് മാത്രം.
    മനോജ്‌ കണ്ണ് അടച്ചത് കൊണ്ട് ഈ ലോകം ഇരുട്ടകില്ല………

  8. Faizal

    മലയാളം വാരികയില്‍ ഇലെക്ഷന്‍ കാലത്തെ ചില പൈഡ് ന്യൂസ്‌കള്‍ അല്ലാതെന്തു ..
    പക്ഷെ അത് ഇവിടെ കോപ്പി ചെയ്ത ഡൂല്‍ ന്യൂസ്‌ എന്താണ് ഉദ്ദേശിക്കുന്നത് ..?

    ഡൂല്‍ ന്യൂസ്‌, യു ടൂ ..?

  9. ramachandran

    കിനാലൂർ പ്രശ്നത്തിൽ സമരം ചെയ്ത സോളിഡാരിറ്റിയും ജമായത്തും കരീമിന്‌ വോട്ട് ചെയ്യുന്നതെന്തിനാണോ ആവോ? അവർക്ക് തെറ്റ് ബോധ്യമായോ? 

  10. jamsheer

    ningal ithinakath pothu megalaye sambandhich nthaanu paranjirikkunnath keralathile pothu mekhala sthaapanangalude administration rangathe idpedalukalaano kazhinja kaalath keralathile pothu mekhalayile pradhaana prashnam , athinu pakaram ningal pothu mekhalaa sthaapanagal ippo keralathil evide nikkunnu ennathine kurichu charch cheyyanam aayi8runnu

  11. KOLENGARETH RAJAGOPALAN

    സി പി എം നേതൃത്വത്തിലെ പാലക്കാട്‌ ജില്ലയിലെ എല്ലാവരും തന്റെ കൂടെയാണെന്നും
    രണ്ടു പേര്‍ മാത്രമാണ് തന്നെ എതിര്‍ക്കുന്നതെന്നും 2006 ഫെബ്രുവരി മാസത്തില്‍ എ സി വി ക്ക് നല്‍കിയ ഒരു ഇന്റര്‍വ്യൂ വില്‍ ചാക്ക് രാധാകൃഷ്ണന്‍ പറയുന്നുണ്ട് .എന്‍ എന്‍ കൃഷ്ണദാസും പി എ ഗോകുല്‍ ദാസും .അവരെ ഒതുക്കിതരാമെന്നു നേതാക്കള്‍ സമ്മതിചിട്ടുന്ടെന്ന്നും ചാക്ക് പറഞ്ഞു.2006 നവംബറില്‍ രണ്ടു പേരും പാര്‍ട്ടി നേതൃത്വത്തില്‍ നിന്ന് പുറത്തായി.ചാക്കിന്റെ വീട് ആക്രമിച്ചെന്ന കള്ളക്കേസില്‍ ഗോകുല്‍ദാസിനെ അറസ്റ്റ് ചെയ്തു.ചാക്കിന്റെ കള്ളക്കളികള്‍ പുറത്തു കൊണ്ട് വന്ന ധീരയായ പത്ര പ്രവര്തകയാണ് നിര്‍മല. കേരള ഹൈ കോടതിയില്‍
    നിര്‍മലക്കെതിരെ 9 കേസുകളുണ്ട്,എല്ലാം കൊടുത്തത് കേരളത്തിലെ വലിയ മാഫിയകള്‍ ആണ്.അത് ഒന്നുകില്‍ അറിയാതെയാണ് അവരുടെ പോരാട്ടം വ്യഭിചാരം എന്ന് എഴുതുന്നത്,ഇത്തരക്കാര്‍ വി എസ്‌ നെയും തെറി വിളിക്കും.ഒരു കാര്യം തിരിയുക.സ്വര്ന്നപത്രം കൊണ്ട് മൂടിയാലും സത്യം പുറത്തു വരും.ശശീന്ദ്രന്‍ അസെ തെളിയും.അന്ന് മലപ്പുറം സമ്മേളന സപ്പ്ളിമെന്റിന്റെ ഒന്നാം പേജില്‍ ചുവന്ന പരസ്യം കൊടുത്താ ചാക്ക് രാധാകൃഷ്ണന്‍ ജയിലിലാകും.വി എസി നെയും നിര്‍മലയെയും കൃഷ്ണ ദാസിനെയും ഗോകുല്‍ ദാസിനെയും നാം അഭിനന്ദിക്കും.പി.ഉണ്ണിയെ അന്ന് ജനം ചെരുപ്പെറിയും.

  12. bijoy

    മലയാളം വരിക നമുടെ ഗോയങ്ക കമ്പനി യുടെ അല്ലെ. അവര്‍ തനെയല്ലേ ഹരിസ്സോന്‍ മലയാളം പ്ലനറേന്‍സ് ന്റെയും മുതലാളിമാര്‍. അതും കൂടി എഴുതുക.

LEAVE YOUR COMMENTS

Press ctrl+g to toggle between English and Malayalam.