earthquake hits Indonesia sumatraടെഹ്‌റാന്‍: കെര്‍മാന്‍ പ്രവിശ്യയില്‍ തിങ്കളാഴ്ച്ചയുണ്ടായ ഭൂകമ്പത്തില്‍ ഏഴുപേര്‍ കൊല്ലപ്പെട്ടു. ഭൂകമ്പത്തില്‍ നൂറിലധികംപേര്‍ക്ക് പരിക്കേറ്റിട്ടുണ്ട്. റിക്ടര്‍ സ്‌കെയിലില്‍ 6.5 തീവ്രത രേഖപ്പെടുത്തിയ ഭൂകമ്പത്തിന്റെ പ്രഭാവത്തില്‍ വീടുകളും നിരവധി കെട്ടിടങ്ങളും നിലംപൊത്തി.

ഹൊസൈന്‍ അബാദിലെ ഒരു ഗ്രാമപ്രദേശമാണ് ഭൂകമ്പത്തിന്റെ പ്രഭവകേന്ദ്രമെന്ന് അധികൃതര്‍ വിശദീകരിച്ചു. തകര്‍ന്ന കെട്ടിടാവശിഷ്ടങ്ങള്‍ക്കിടയില്‍ ഇനിയും ആളുകള്‍ കുടുങ്ങിയേക്കാമെന്ന് അധികൃതര്‍ ആശങ്കപ്പെടുന്നു. ഭൂകമ്പത്തില്‍ പരിക്കേറ്റവരെ ആശുപത്രികളില്‍ പ്രവേശിപ്പിച്ചു.