Categories

എച്ച്.ഐ.വിയുടെ ആദ്യ ലക്ഷണങ്ങള്‍

h.i.v

എച്ച്.ഐ.വി അണുബാധ ശരീരത്തിനുള്ളില്‍ കടന്നാലും ഏറെക്കാലങ്ങള്‍ക്ക് ശേഷമാകാം പുറത്ത് വരിക. ചിലപ്പോള്‍ ഒരുമാസത്തിന് ശേഷം പ്രകടമാകുകയാണെങ്കില്‍ മറ്റ് ചിലപ്പോള്‍ 10 വര്‍ഷങ്ങള്‍ക്ക് ശേഷമാകാം എച്ച്.ഐ.വി യുടെ ലക്ഷണങ്ങള്‍ പ്രകടമാകുക.

എച്ച്.ഐ.വി അണുബാധിതരില്‍ പ്രധാനമായും പ്രകടമാകുന്ന ആദ്യ ലക്ഷണങ്ങളാണ് താഴെ നല്‍കിയിരിക്കുന്നത്.

1)പനി:

എയ്ഡ്‌സിന്റെ ആദ്യ ലക്ഷണം വിട്ടുമാറാത്ത പനിയാണ്. അക്യൂട് റിട്രോവൈറല്‍ സിന്‍ഡ്രം എന്നാണ് ഈ പനി അറിയപ്പെടുന്നത്.
പനിക്കൊപ്പം ശരീര വേദനയും ക്ഷീണവും ഉണ്ടായിരിക്കും.
2)അമിത ക്ഷീണം:

എച്ച്.ഐ.വി വൈറസ് രക്തത്തില്‍ പടരുന്നതോടെ ശരീരത്തിന്റെ പ്രതിരോധ ശേഷി ക്രമേണ നഷ്ടമാകാന്‍ തുടങ്ങും.
ഇതിനാല്‍അസുഖങ്ങള്‍ അടിക്കടി വരികയും ക്ഷീണം വര്‍ധിക്കുകയും ചെയ്യും.

3)സന്ധിവേദനയും പേശിവേദനയും:

എച്ച്.ഐ.വി വൈറസ് ശരീരത്തില്‍ പ്രവേശിക്കുന്നതോടെ സന്ധികളുടെ പ്രവര്‍ത്തനം താറുമാറിലാകുകയും അസഹ്യമായ വേദന അനുഭവപ്പെടുകയും ചെയ്യും.
തൊണ്ട വേദനയും തലവേദനയും എച്ച്.ഐ.വിയുടെ ആദ്യ ലക്ഷണങ്ങളാണ്.

4)തൊലിയിലെ തിണര്‍പ്പ്:

തൊലിയിലെ തിണര്‍പ്പ് എച്ച്.ഐ.വിയുടെ ആദ്യ ലക്ഷണമാണ്. തൊലിയില്‍ ചൊറിച്ചിലുണ്ടാകുകയും തിണര്‍ക്കുകയും ദീര്‍ഘനാള്‍ മാറാതെ നില്‍ക്കുകയും ചെയ്യും.

5)മനംപിരട്ടലും ഛര്‍ദ്ദിയും:

അടിക്കടിയുള്ള മനംപിരട്ടലും വിട്ടുമാറാത്ത ഛര്‍ദ്ദിയും എച്ച്.ഐ.വി വൈറസ് ശരീരത്തില്‍ പ്രവേശിച്ചാല്‍ പ്രകടമാകുന്ന ലക്ഷണങ്ങളാണ്.

6)ഭാരം കുറയുക:

അടിക്കടിയുള്ള അസുഖങ്ങളും രോഗപ്രതിരോധ ശേഷി നഷ്ടമാകുന്നതുമെല്ലാം ശരീര ഭാരം കുറക്കും. തുടര്‍ച്ചയായി ശരീര ഭാരം കുറയുന്നത് എയ്ഡ്‌സിന്റെ മറ്റൊരു ലക്ഷണമാണ്.

7)വരണ്ട കഫവും ന്യൂമോണിയയും:

എച്ച്.ഐ.വി വൈറസ് ശരീരത്തില്‍ പ്രവേശിച്ചവരില്‍ കഫരോഗങ്ങള്‍ വിട്ടുമാറാതിരിക്കുകയും ഒടുവില്‍ ന്യൂമോണിയ ആകുകയും ചെയ്യും.

8)രാത്രികാലത്തെ അമിതവിയര്‍പ്പ്:

എച്ച്.ഐ.വി വൈറസ് ശരീരത്തില്‍ പ്രവേശിച്ചവരില്‍ രാത്രികാലങ്ങളില്‍ വിയര്‍ക്കുന്നത് കൂടുതലായിരിക്കും.

ഈ ലക്ഷണങ്ങളെല്ലാം തന്നെ മറ്റ് രോഗങ്ങളുടെ ലക്ഷണങ്ങളായും വരുന്നവയാണ്. ഏതെങ്കിലും ചില ലക്ഷണങ്ങള്‍ ഒരുമിച്ച് വന്നാല്‍ അതിനര്‍ത്ഥം എച്ച്.ഐ.വി അണുബാധ ശരീരത്തില്‍ പ്രവേശിച്ചുവെന്നല്ല. മറിച്ച് എല്ലാ ലക്ഷണങ്ങളും ഒരുപോലെ പ്രകടമാകുന്നവര്‍ രോഗനിര്‍ണ്ണയം നടത്തുന്നതാണ് നല്ലത്.

Tagged with: