കേരളത്തില് രാഷ്ട്രീയ നേതാക്കളും മാധ്യമപ്രവര്ത്തകരും വിദ്യാര്ത്ഥികളുമടക്കം 258 മുസ്ലിം വ്യക്തികളുടെ ഇ-മെയില് പോലീസ് ചോര്ത്തുന്നുവെന്ന മാധ്യമം വാര്ത്തയുടെ അനുരണനങ്ങള് ഇനിയും അവസാനിച്ചിട്ടില്ല. രാഷ്ട്രീയ രംഗത്ത് കോളിളക്കം സൃഷ്ടിച്ച വാര്ത്തക്കെതിരെ ശക്തമായി രംഗത്ത് വന്ന സര്ക്കാര് പിന്നീട് പിന്വാങ്ങുകയായിരുന്നു. സിമി ബന്ധം ആരോപിച്ച് പോലീസ് അന്വേഷണത്തിനുത്തരവിട്ട മെയില് ഐ.ഡികളുടെ ഉടമസ്ഥര് ഇതുവരെ പരസ്യപ്രതികരണം നടത്തിയിട്ടില്ല. ഇപ്പോള് ” നോട്ടപ്പുള്ളികള്” ആദ്യമായി പ്രതികരിക്കുന്നു, തുറന്ന കത്തിലൂടെ…
കേരളാ പോലീസ് നിരീക്ഷിക്കുന്ന ഇ-മെയില് ഐഡി ഉപയോക്താക്കളുടെ തുറന്ന കത്ത് കേരള പോലീസ് സ്പെഷ്യല് ബ്രാഞ്ച് എസ്.പി കെ.കെ ജയമോഹന് 2011 നവംബര് 3ന് കേരള പോലീസ് എ.ഡി.ജി.പിക്ക് വേണ്ടി ഹൈടെക് ക്രൈം അന്വേഷണ വിഭാഗത്തിന്റെ കമാണ്ടര്ക്ക് (No.p3, 2444/2011 SB) എന്ന നമ്പരായി അയച്ച കത്തില് ഞങ്ങളുടെ ഇമെയില് ഐ.ഡി ഉണ്ടെന്ന വിവരം പത്രദ്വാരാ അറിഞ്ഞത് ഇന്ത്യന് പൗരന്മാരായ ഞങ്ങള്ക്ക് ഞെട്ടലുണ്ടാക്കിയിരിക്കുകയാണ്.
ആകത്തില് പറയുന്നത് `Please find enclosed a copy of the e-mail IDs of individuals who have connection with SIMI activities. You are directed to identify the individuals behind the e-mail IDs contained in the list by verifying the registration and log in details with concerned email Service providers and forward the names and addresses of the individuals who own the email IDs, and furnish the report to this office urgently.” എന്നാണ്. പല പത്രങ്ങളിലൂടെയും ആനുകാലികങ്ങളിലൂടെയും ഞങ്ങള് അറിഞ്ഞത് ഞങ്ങള് ഉപയോഗിച്ചുകൊണ്ടിരിക്കുന്ന ഐ.ഡി കളുടെ ലോഗിന് വിവരങ്ങള് ഇമെയില് ദാദാക്കളോട് പോലീസ് അധികാരികള് ആവശ്യപ്പെട്ടിട്ടുണ്ടെന്നാണ്. സ്റ്റേറ്റിന്റെ പോലീസ് നിരീക്ഷണത്തിലാണ് ഞങ്ങളെന്നത് ഞങ്ങളെ ഭയചകിരാക്കുന്നുണ്ട്.
ഞങ്ങളുള്പ്പെടെയുള്ള ജനങ്ങള് തെരെഞ്ഞെടുത്ത സര്ക്കാരാണ് ഇവിടെയുള്ളത്. ഈ സര്ക്കാരിന് ഇവിടത്തെ പൗരന്മാരുടെ സ്വകാര്യത സംരക്ഷിക്കേണ്ട ബാധ്യതയുണ്ട്. പക്ഷേ ഇത്തരമൊരു നീക്കത്തിലൂടെ സര്ക്കാര് തന്നെ സ്വകാര്യതക്ക് മേല് കടന്നുകയറുന്നത് ഞെട്ടിപ്പിക്കുന്നതാണ്. ഇത് ഇന്ത്യന് ഭരണഘടന ഉയര്ത്തുന്ന മനുഷ്യാവകാശങ്ങളുടെ തുറന്ന ലംഘനമാണെന്നു ഞങ്ങള് കരുതുന്നു. ഭരണഘടനയുടെ പാര്ട്ട് 3 ലുള്ള ആര്ട്ടിക്കിള് 14,15,17,19,21 തൂടങ്ങിയവ ഉറപ്പ് വരുത്തുന്ന സമത്വാവകാശം, അന്തസ്സോടെ ജീവിക്കാനുള്ള അവകാശം, സ്വകാര്യത ഉറപ്പ് വരുത്താനുള്ള അവകാശം, വിവേചനം നേരിടാതിരിക്കാനുള്ള അവകാശം എന്നിവയുടെ നഗ്നമായ ലംഘനമാണ് ഇതിലൂടെ ഉണ്ടായിരിക്കുന്നത്.
മേല് സൂചിപ്പിച്ച കത്തില് പറഞ്ഞിരിക്കുന്ന സിമി ബന്ധം എന്നത് ഉത്തരവാദപ്പെട്ട പോലീസ് ഉദ്യോഗസ്ഥന് വന്ന പിഴവാണെന്ന് മുഖ്യമന്ത്രി പരസ്യമായി സമ്മതിച്ചിട്ടുള്ളതാണ്. അതിനാല് പോലീസ് ഉദ്യോഗസ്ഥനതിരെ കര്ശനമായ നടപടി സ്വീകരിക്കണമെന്ന് ഞങ്ങള് ആവശ്യപ്പെടുന്നു.
ഈ നിര്ഭാഗ്യകരമായ സംഭവം ഞങ്ങളില് പലരുടേയും ജീവിതത്തെ ഗുരുതരമായി ബാധിക്കുന്നതാണ്. പോലീസിന്റെ സംശയദൃഷ്ടിയാര്ന്ന നിരീക്ഷണ വലയത്തിലൂടെ ഞങ്ങളുടെ ജീവിത്തെ സാധാരണ നിലയില് മുന്നോട്ടു കൊണ്ടുപോകാനാവില്ല. ഇങ്ങനെയൊരു നോട്ടപ്പുള്ളി പട്ടികയിലുള്പ്പെട്ടത് ഞങ്ങളുടെ ജീവിതത്തിന്റെ സാമൂഹ്യവും സാംസ്കാരിവും സാമ്പത്തകവുമായ മേഖലകളെ ബാധിക്കും. അതുകൊണ്ട് മുഖ്യമന്ത്രി ഈ തെറ്റിനെ തിരുത്തുകയും പരസ്യമായി മാപ്പ് പറയുകയും ചെയ്യണമെന്ന് ഞങ്ങളാവശ്യപ്പെടുന്നു. മാധ്യമ പ്രവര്ത്തകരും സാമൂഹ്യ പ്രവര്ത്തകരും മനുഷ്യാവകാശപ്രവര്ത്തകരുമെല്ലാം സര്ക്കാരില് ശക്തമായ സമ്മര്ദ്ദം ചെലുത്തി ഞങ്ങളുടെ മനുഷ്യാവകാശം ഉറപ്പാക്കണമെന്ന് അഭ്യര്ത്ഥിക്കുന്നു.
എന്ന്,
ഫസല് കാതിക്കോട്, സി.ദാവൂദ്, അഡ്വ.ഷാനവാസ്, വി.എം ഇബ്രാഹിം, എ.എം നദ്വി, എന്.പി ജിഷാര്, എസ്. ഖമറുദ്ധീന്, ഹാരിസ് എറിയാട്, എ.സക്കീര് ഹുസൈന്, റിയാസ് പി.എ, നവാസ് കെ.എ, അബ്ദുല് റഷീദ് കടമ്പോത്ത്, സോളിഡാരിറ്റി യൂത്ത്മൂവ്മെന്റ്, മൈനോറിറ്റി വാച്ച്, ഇസ്ലാമിക്, സ്റ്റുഡന്സ് അസോസിയോഷന്, പ്രബോധനം വാരിക, എം.ഐ.ടി ഹോസ്പിറ്റല്, കൊടുങ്ങല്ലൂര്, ക്രസന്റ് ഹോസ്പിറ്റല്, ആലത്തൂര്, കാമല് ബാഗ്സ്, കൊച്ചിന് ഓര്കിഡ്സ്, ക്ലാസ്സി ഡിജിറ്റല്, ബദറു (പി.കെ. സീല്), ആച്ചീസ്, കെ.എം മുഹമ്മദ് മുക്താര്, സജീര്, ഹാരിസ് കെ.കെ, ശബീര്, സമീര്, ജലാലുദ്ധീന് പുല്ലിശ്ശേരി, അലിയാര് കെ.എം, അല്ത്താഫ്, ഫസലുറഹ്മാന് മേലാറ്റൂര്, ഫായിസ് സി.എം.ആര്, ഫാസില് ഫരീദ്, ഹനീഫ് കെ.ടി, അഹ്മ്മദ് സാലിഹ് അന്വര്, മാഹിന് സി.എ, റഷീദ്. എന്, ഖയ്യൂം കൊല്ലിയില് , മുക്താര് കെ.എം, നൂര് കെ.വി, മേലാറ്റൂര്, റോഷന് എഫ്.എസ്, ശഫീഖ് ചേന്ദര, അബ്ദുല് ഖാദര്, കൊടിഞ്ഞി, അബൂബക്കര്, വടക്കാങ്ങര, അത്തീഖ് റഹ്മാന്, ഇക്തിയാര് പാങ്, സി., എസ്.ഇബ്രാഹിംകുട്ടി, അബ്ദുസ്സലാം.എന്.എം, നൗഫല് വേളം, ഹസീന സാജിദ്, ഫിറോസ് തിരൂര്ക്കാട്, ഹക്കീം, ഫൈസല് മിമ്മി, നിസാം, അബ്ദുല് റഷീദ് കടമ്പോട്ട്, സാജിദ് റഹ്മാന്, ശബീര് കരീം, സാബു ബിന് ഹബീബ്, ഹാരിസ്, റാഷിദ്, റിയാസ് കൊടുങ്ങല്ലൂര്, നിയാസ്, മുഹമ്മദ് സീതി, മുഹമ്മദ് റഷീദ്, ഫസലുറഹ്മാന്, ഹുമയൂണ് കബീര്, ആലിയാര് കെ.എം, മുജീബുല്ലാ കെ.വി, ടി.സി മെഹ്ബൂബ്, മുഹമ്മദ് ഇസ്ഹാക് മദാരി, മൊയ്തു ചാലിക്കല്, അബ്ദുല് അഹദ്, അലി മോഡേണ്, ഹാരിസ് കന്നിപ്പൊഴിയില്, മുഹമ്മദ് റഫീഖ് തങ്ങള്, പി.എ.മുഹമ്മദ്, ഷെമീര് ഇടുക്കി, ഫസല് സലീം ഈരാറ്റുപേട്ട.