Categories

കേരളം കടുത്ത വരള്‍ച്ചയിലേക്കെന്ന് ജലവിഭവ വകുപ്പ്

ഇടുക്കി: കേരളം കടുത്ത വരള്‍ച്ചയിലേക്ക് പോകുന്നതായി കണക്ക്. ഇടുക്കി ജില്ലയിലെ പ്രധാന ജലവൈദ്യുത പദ്ധതികളിലെ ജലനിരപ്പ് ക്രമാതീതമായി താഴുന്നതും ആശങ്കയുയര്‍ത്തുന്നുണ്ട്.

Ads By Google

സംഭരണശേഷിയുടെ 28 ശതമാനം മാത്രമാണ് ഇടുക്കി പദ്ധതിയുടെ ജലനിരപ്പ്. സംസ്ഥാനത്തെ പ്രധാന വൈദ്യുത പദ്ധതി നേരിടുന്ന പ്രതിസന്ധി വൈദ്യുതി മേഖലയില്‍ പ്രശ്‌നങ്ങള്‍ രൂക്ഷമാക്കും.

കുടിവെള്ള പ്രശ്‌നം ഏറ്റവും അധികം പ്രതിസന്ധി സൃഷ്ടിക്കുക വടക്കന്‍ കേരളത്തിലായിരിക്കുമെന്നു ജലവിഭവവകുപ്പ് അധികൃതര്‍ സൂചിപ്പിച്ചു.

സംസ്ഥാനത്തെ 44 പ്രധാന നദികളിലും കഴിഞ്ഞ വര്‍ഷത്തേക്കാള്‍ ജലത്തിന്റെ അളവില്‍ വന്‍ കുറവാണ് അനുഭവപ്പെടുന്നത്. മുന്‍വര്‍ഷങ്ങളില്‍ ഫെബ്രുവരി, മാര്‍ച്ച് മാസങ്ങളിലായിരുന്നു പുഴകളിലെ വെള്ളം വന്‍ തോതില്‍ കുറഞ്ഞിരുന്നത്.

കാര്യമായി മഴ ലഭിക്കാത്തതിനാല്‍ ഇടുക്കിയിലെ ജലസംഭരണിയിലെ ജലനിരപ്പ് ഏറ്റവും കുറഞ്ഞ നിരക്കിലാണ് ഉള്ളത്. ഇനിയും മഴ ലഭിക്കാന്‍ സാധ്യതയില്ലാത്തതിനാല്‍ ചരിത്രത്തിലേ തന്നെ ഏറ്റവും താഴ്ന്ന നിരക്കിലേക്ക് ജലനിരപ്പ് എത്താന്‍ സാധ്യതയുണ്ട്.

നിലവിലെ സാഹചര്യത്തില്‍ സംസ്ഥാനത്ത് വൈദ്യുതിയുടെ ഉപഭോഗം കൂടി നില്‍ക്കുകയാണ്. ഇനിയും വൈദ്യുതി ഉത്പാദനം കൂട്ടേണ്ടി വന്നാല്‍ സ്ഥിതി കൂടുതല്‍ വഷളാകും.

2327.88 അടി വെള്ളമാണ് നിലവില്‍ ഇടുക്കിയില്‍ ഉള്ളത്. 2280 അടി വെള്ളമാകുന്നത് വരെ വൈദ്യുതി ഉല്‍പ്പാദനം തുടരാം. വേനല്‍ക്കാലത്തിന്റെ തുടക്കത്തില്‍ തന്നെ ഇത്രയും ജലനിരപ്പ് താഴുന്നത് ആശങ്കാജനകമാണ്.

വേനലിന് കൂടുതല്‍ ശക്തിപ്രാപിക്കുകയും ജലസംഭരണിയിലേക്ക് നീരൊഴുക്ക് ഉണ്ടാകാതിരിക്കുകയും ചെയ്യുന്ന സാഹചര്യത്തില്‍ വൈദ്യുതി ഉല്‍പ്പാദനത്തെ ബാധിക്കുകയും വൈദ്യുതി പ്രതിസന്ധി രൂക്ഷമാകുകയും ചെയ്യുമെന്ന കാര്യത്തില്‍ സംശയമില്ല.

എന്നാല്‍ ഇക്കുറി ഡിസംബര്‍ പൂര്‍ത്തിയായപ്പോള്‍ തന്നെ പ്രധാന നദികളിലെല്ലാം നീരൊഴുക്ക് ഗണ്യമായി കുറഞ്ഞു. ഇതാണ് പുഴകളെ ആശ്രയിച്ചു നടത്തുന്ന കുടിവള്ള വിതരണ പദ്ധതികള്‍ കടുത്ത പ്രതിസന്ധിയിലാകാന്‍ കാരണമായത്.

തിരുവനന്തപുരം, കോട്ടയം, കൊച്ചി, കോഴിക്കോട് നഗരങ്ങളിലേത് ഉള്‍പ്പെടെ സംസ്ഥാനത്തെ 70 ശതമാനം കുടിവെള്ള വിതരണ പദ്ധതികളും നദികളെ ആശ്രയിച്ചാണ് നടപ്പാക്കുന്നത്. ഈ വര്‍ഷം സംസ്ഥാനത്ത് ഏറ്റവുമധികം ജലക്ഷാമം അനുഭവപ്പെടുന്നതു പാലക്കാട് ജില്ലയിലാകുമെന്നാണ് ജലവിഭവവകുപ്പ് പറയുന്നത്.

Tagged with:


മുസ്‌ലിങ്ങള്‍ക്ക ഒത്തു ചേരുന്നതിന് വെള്ളിയും ക്രിസ്ത്യനികള്‍ക്ക് ഞായറുമുള്ളതുപോലെ ഹിന്ദുക്കള്‍ക്കില്ല;’ഹിന്ദു തീവ്രവാദികള്‍ പശുവിനെ വെട്ടി ക്ഷേത്രത്തിലിട്ട് മുസ്‌ലിമിന്റെ തലയില്‍ വച്ച് സമ്മര്‍ദ്ദമുണ്ടാക്കുന്നു; രാഹുല്‍ ഈശ്വര്‍ വീഡിയോ കാണം

 കൊച്ചി: ഹിന്ദുക്കളെയും മുസ്‌ലിങ്ങളെയും പരസ്പ്പരം തെറ്റിക്കാന്‍ ഹിന്ദു തീവ്രവാദികള്‍ ശ്രമിക്കാറുണ്ടെന്നും പശുവിനെ വെട്ടി അമ്പലത്തിലിട്ട് അത് മുസ്ലിങ്ങളുടെ തലയില്‍ വയ്ക്കുന്നുവെന്നും രാഹുല്‍ ഈശ്വര്‍. മുസ്‌ലിം സഹോദരന്മാര്‍ക്ക് ഒത്തു ചേരുന്നതിന് വെള്ളിയാഴ്ച ക്രിസ്ത്യന്‍ സഹോദരന്മാര്‍ക്ക് ഒത്തു ചേരുന്നതിന് ഞായറാഴ്ചയുമുള്ളതുപോലെ ഹിന്ദുക്കള്‍ക്ക് ഒരു ദിവസമില