Categories

മുല്ലപ്പെരിയാര്‍: തമിഴ്‌നാട് ഒറ്റക്കെട്ടാണെന്ന് കാണിക്കണമെന്ന് കരുണാനിധി

ചെന്നൈ: മുല്ലപ്പെരിയാര്‍ വിഷയത്തില്‍ തമിഴ്‌നാട് ഒറ്റക്കെട്ടാണെന്ന് കാണിക്കണമെന്ന് ഡി.എം.കെ അധ്യക്ഷന്‍ കരുണാനിധി. തമിഴ്‌നാട്ടിലെ എല്ലാവരും ഇക്കാര്യത്തില്‍ ഒറ്റക്കെട്ടാണെന്ന് ജയലളിത സര്‍ക്കാര്‍ എത്രയും പെട്ടന്ന് സര്‍വ്വകക്ഷി യോഗം വിളിക്കണമെന്നും കരുണാനിധി ആവശ്യപ്പെട്ടു. മുല്ലപ്പെരിയാര്‍ പ്രശ്‌നം ചര്‍ച്ച ചെയ്യാന്‍ വിളിച്ചു ചേര്‍ത്ത ഡി.എം.കെ അടിയന്തര പാര്‍ട്ടി എക്‌സിക്യൂട്ടീവിന് ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു കരുണാനിധി.

സര്‍വ്വകക്ഷി യോഗം ദശകങ്ങള്‍ നീണ്ട മുല്ലപ്പെരിയാര്‍ വിഷയത്തില്‍ തമിഴ്‌നാടിന്റെ വികാരം കാണിച്ചു കൊടുക്കാന്‍ സഹായകമാകുമെന്ന് അദ്ദേഹം പറഞ്ഞു. മുല്ലപ്പെരിയാര്‍ പ്രശ്‌നത്തില്‍ കേന്ദ്ര-സംസ്ഥാന സര്‍ക്കാരുകള്‍ ഇതുവരെ സ്വീകരിച്ച നടപടികള്‍ നിരാശാജനകമാണെന്ന് അദ്ദേഹം കുറ്റപ്പെടുത്തി.

മുല്ലപ്പെരിയാറില്‍ പുതിയ അണക്കെട്ട് നിര്‍മിക്കണമെന്ന കേരളത്തിന്റെ ആവശ്യത്തിനെതിരെ അടുത്ത ആഴ്ച ഡി.എം.കെ പ്രവര്‍ത്തകര്‍ ഉപവാസ സമരം നടത്തുമെന്നും മനുഷ്യ ചങ്ങല തീര്‍ക്കുമെന്നും കരുണാനിധി അറിയിച്ചു.

4 Responses to “മുല്ലപ്പെരിയാര്‍: തമിഴ്‌നാട് ഒറ്റക്കെട്ടാണെന്ന് കാണിക്കണമെന്ന് കരുണാനിധി”

  1. rayappan

    ഒറ്റക്കെട്ടാണെന്ന് ആരെയാ ഇങ്ങേര്‍ കാണിക്കാന്‍ പോവുന്നത്?

  2. ശുംഭന്‍

    നിങ്ങള്‍ ഒറ്റക്കെട്ടായി നില്‍ക്കുന്നത് ആര്‍ക്കെതിരെയാണ് കരുണയില്ലാത്ത കരുണാ നിധിയെ? കേരളത്തില്‍, കേരളത്തിന്റെ ചെലവില്‍ പുതിയ അണ കെട്ടുന്നതിനെ നിങ്ങള്‍ തടയുന്നത് എന്തുകൊണ്ടാണ്, എന്ന ലളിതമായ ഒരൊറ്റ ചോദ്യത്തിന് ഉത്തരം തരാന്‍ നിങ്ങള്‍ക്കാകുമോ? പഴയ അണക്കെട്ടിനു ബലമുണ്ട് എന്ന സ്ഥിരം പല്ലവിയല്ലാതെ മറ്റെന്തെങ്കിലും ഒരു ഉത്തരം നിങ്ങള്ക്ക് പറയാനുണ്ടോ? അര്‍ഥശൂന്യമായ ഈ നിലപാടിലൂടെ, നിങ്ങള്‍, മുഴുവന്‍ തമിഴരുടെയും വില കളയുകയല്ലേ ചെയ്യുന്നത്? ഇന്ത്യയിലെ മറ്റേതെങ്കിലും ജനങ്ങള്‍ക്ക്‌ നിങ്ങളുടെ ഈ നിലപാടിനെ ന്യായീകരിക്കാന്‍ സാധിക്കുമോ? പിന്നെ നിങ്ങള്‍ എന്തിനിങ്ങനെ സ്വയം വിഡ്ഢികള്‍ ആകുന്നു?

  3. MANJU MANOJ.

    ശുംബന്‍.
    തമിള്‍ നാട്ടുകാര്‍ വിഡ്ഢികളും,,വിലയില്ലതവരുമാണ്,
    എന്നാല്‍ നാടിനുവേണ്ടി കക്ഷി,രാഷ്ട്രിയ,ജാതി,മത,ആണ്‍,പെണ്‍ വര്‍ഗഭേധമാന്യേ ഒന്നിക്കുന്നു….

    കേരളത്തിലെ ജനങ്ങള്‍ നാടിനുവേണ്ടി ഭിന്നിപ്പുണ്ടാകുന്നു…..
    തമിള്‍ നാട്ടുകാര്‍ ഉറുമ്പിനെപോലെയും,
    മലയാളികള്‍ ഞണ്ടിനെ പോലെയുമാണ്……

    പുതിയ ഡാം പണിയാന്‍ തമിള്‍ നാട് ഇന്നു സമ്മതിച്ചാല്‍ ,
    ഇരുപതാഞ്ഞു കൊല്ലം കൊടുത്താല്‍ പോലും കേരളത്തില്‍ പുതിയ ഡാം പണിയാന്‍ കഴിയില്ല……

    ആദ്യം കേരളത്തിലെ രാഷ്ടിയക്കാരുടെ വായ് തുന്നി കെട്ടിയാല്‍ 90 %
    കേരളത്തിന്റെ പ്രശ്‌നം കഴിയും……

    തമിഴ്നാട്ടില്‍ ജയലളിതയും,കരുണാനിധിയു,വൈകോയും മാത്രമാണ്
    സംസാരിക്കുന്നതു…..

    എന്നാല്‍ കേരളത്തിലോ??????

  4. ശുംഭന്‍

    മഞ്ജു മനോജേ, ആദ്യം അഹംഭാവം കളയൂ.
    ഇരുപതാണ്ട് കഴിഞ്ഞാലും പുതിയ ഡാമിന്റെ പണി തീര്‍ക്കാനാവില്ല, അത് കൊണ്ട് അത്രയും കാലം വെള്ളമില്ലാതെ കഷ്ടപ്പെടേണ്ടി വരും എന്നതാണ് നിങ്ങളുടെ ഭയം. പുതിയതിന്റെ പണി തീരാതെ പഴയത് പൊളിക്കാന്‍ പറ്റില്ല എന്ന അടിസ്ഥാന വിവരം പോലും ഇല്ലാതെയാണോ നിങ്ങളിത് എഴുതിയിരിക്കുന്നത്? ഇതാണോ നിങ്ങളവിടെ പ്രചരിപ്പിച്ചു കൊണ്ടിരിക്കുന്നത്? കഷ്ടം!
    നിങള്‍ നാടിനു വേണ്ടി ഒന്നിക്കുന്നു എന്ന് പറയുന്നു. മലയാളികളെന്താ വിദേശികള്‍ ആണോ? ഞങ്ങളുടേതും ദ്രാവിഡ രക്തം തന്നെയാണ്. ഭാഷയ്ക്ക്‌ മാത്രമേ മാറ്റമുള്ളൂ. നാടിനെപ്പറ്റിയുള്ള നിങ്ങളുടെ സങ്കല്‍പം വളരെ സങ്കുചിതമാണ്. ഇത്തരം വികല ചിന്താഗതിയുള്ള മനുഷ്യര്‍ക്കെങ്ങനെ മറ്റു മനുഷ്യരുടെ വേദനയറിയാന്‍ പറ്റും? അവര്‍ക്ക് എങ്ങനെ മറ്റുള്ളവരെ സഹായിക്കാന്‍ തോന്നും?

LEAVE YOUR COMMENTS

Press ctrl+g to toggle between English and Malayalam.