Categories

അവസാന ഓവറില്‍ ടീമിനെ വിജയിപ്പിക്കുന്നതാണ് സന്തോഷം: ധോണി

അഡ്‌ലെയ്ഡ്: 47ാമത്തെയും 48 ാമത്തെയും ഓവറില്‍ കളി തീര്‍ക്കുന്നതല്ല തന്റെ രീതിയെന്നും അവസാന ഓവറില്‍ കളി ജയിപ്പിക്കാനായാല്‍ അതാണ് സന്തോഷകരമെന്നും ഇന്ത്യന്‍ ക്യാപ്റ്റന്‍ മഹേന്ദ്ര സിംഗ് ധോണി.  ഇന്നലെ നടന്ന മത്സരത്തിനുശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

‘ എനിയ്ക്കു പിന്നില്‍  സ്‌പെഷ്യലിസ്റ്റ് ബാറ്റ്‌സ്മാന്‍മാര്‍ ഇല്ല. അതുകൊണ്ട് തന്നെ എന്റെ ദൗത്യം വലുതാണ്. കളിയുടെ നിര്‍ണ്ണായകമായ ഘട്ടത്തിലാണ് ഞാന്‍ പലപ്പോഴും ബാറ്റ് ചെയ്യേണ്ടിവരിക. എന്റെ വിക്കറ്റ് നഷ്ടമാക്കാതെ തന്നെ ടീമിനെ വിജയത്തിലേക്കെത്തിക്കുക എന്നത് നിസ്സാരകാര്യമല്ല. വളരെ സമ്മര്‍ദ്ദം അനുഭവിച്ചാണ് ബാറ്റ് ചെയ്യാറ്. ഞാന്‍ കൂടി പുറത്തായി കഴിഞ്ഞാല്‍ പിന്നെ സ്‌ട്രോങ് നിരയില്‍ നില്‍ക്കുന്ന ബാറ്റ്‌സ്മാന്‍മാര്‍ ഇല്ല. എനിയ്ക്ക് പിറകെ വരുന്നവര്‍ പെട്ടന്ന് തന്നെ പുറത്തായിപോകാനുള്ള സാധ്യത കൂടുതലാണ്. അതുകൊണ്ടുതന്നെ കരുതലോടെ കളിക്കേണ്ടതായി വരാറുണ്ട്. ധൃതി കൂട്ടി വിജയം നഷ്ടപ്പെടുത്താന്‍ ഞാന്‍ ആഗ്രഹിക്കുന്നില്ല എന്തുവിലകൊടുത്തും ടീമിനെ വിജയിപ്പിക്കുകയാണ് എന്റെ ദൗത്യം’.-ധോണി വ്യക്തമാക്കി.

ഓസ്‌ട്രേലിയയ്‌ക്കെതിരെ കഴിഞ്ഞ മത്സരം ഒമ്പതാം ഓവര്‍വരെ നീട്ടിക്കൊണ്ടുപോയതില്‍ ഗൗതം ഗംഭീര്‍ അനിഷ്ടം പ്രകടിപ്പിച്ചിരുന്നു. ഇത്തവണയും കളി അവസാനപന്തുവരെ നീണ്ടു. ഇതേതുടര്‍ന്നും മാധ്യമ പ്രവര്‍ത്തകര്‍ ചോദ്യമുന്നയിച്ചു

ഗംഭീറിന്റെ അനിഷ്ടത്തെ കുറിച്ച് ചോദിച്ചപ്പോള്‍ അദ്ദേഹത്തിന്റെ മറുപടി ഇതായിരുന്നു. ‘ഓരോരുത്തര്‍ക്കും അവരവരുടേതായ രീതിയുണ്ട്. വീരേന്ദര്‍ സെവാഗിന് ചിലപ്പോള്‍ 35 ാം ഓവറില്‍ കളിതീര്‍ക്കണമെന്നായിരിക്കാം ആഗ്രഹം. കാരണം പന്ത് അടിച്ചകറ്റാന്‍ മാത്രമുള്ളതാണെന്ന് കരുതുന്നയാളാണ് വീരു. ഓരോരുത്തര്‍ക്കും കളി ജയിപ്പിക്കുന്നതിനെ കുറിച്ച് വ്യത്യസ്ത അഭിപ്രായമായിരിക്കും ഉണ്ടാവുക’.-ധോണി പറഞ്ഞു.

Malayalam News

Kerala News In English

3 Responses to “അവസാന ഓവറില്‍ ടീമിനെ വിജയിപ്പിക്കുന്നതാണ് സന്തോഷം: ധോണി”

  1. അസീസ്‌ മുഹമ്മദ്‌

    ഇതു കുറച്ചു അഹങ്കാരം ആയിപോയി .

  2. biju menon

    ഇത് ഒരിക്കലും അഹങ്കാരം അല്ല. സ്‌പെഷ്യലിസ്റ്റ് ബാറ്റ്‌സ്മാന്‍മാര്‍ പിന്നീട് ഇല്ലാതിരുന്ന അവസരത്തില്‍ വിക്കറ്റ് കളയാതെ നോക്കേണ്ടത് ധോണിയുടെ ഉത്തരവാദിത്തം ആയിരുന്നു. ധോണി അത് വളരെ ഭംഗി ആയി ചെയ്തു. ഒരു ധീര യോദ്ധാവിനെ പോലെ അവസാനം വരെ പോരാടിയ ധോണി ടീമിനെ ജയിപ്പിക്കാന്‍ ആണ് ശ്രമിച്ചത്.

  3. Jen

    ധോണി ഉണ്ടാരുന്നാ മതി ടീം ജെയിക്കും. വേറെ ഒരു ബാറ്റ്സ്മാന്റെ കാര്യത്തിലും ഈ ഗാരണ്ടി ഇന്നത്തെ ടീം സെറ്റ് അപ്പിൽ നമുക്ക് പറയാനാവില്ല. ഏത് സമ്മർദ്ദത്തിലും ബാക്കിയുള്ള ബോളിൽ ജെയിക്കാനാവശ്യമായ റൺ കണ്ടെത്താനാവുന്നു എന്നത് ധോണിയുടെ വിൽ പവർ ആണ്. 6 ബോളിൽ 15 റൺ എന്നത് ധോണി ക്രീസിൽ ഇല്ലാത്ത അവസ്ഥയിൽ ഇന്ത്യൻ ടീമിന് ഉറപ്പ് പറയാവുന്ന ഒന്നല്ല. ഓസ്ത്രേലിയയും ആയി ശ്രീലങ്ക കളിച്ച അവസാന ഓവറും ഇന്ത്യ കളിച്ച അവസാന ഓവറും ഒരു പോലെ തന്നെ ആയിരുന്നു. And Dhoni was the difference!

LEAVE YOUR COMMENTS

Press ctrl+g to toggle between English and Malayalam.